鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

11/27/2015

【小朋友填色的好朋友!】Crayon Rocks AR實境角色遊戲 + MakeDo 天馬行空美度扣

夏天的時候,都還會不時遇上雨天可以宅一宅,但這個秋天也未免太好天了吧!幾乎天天往外跑,真係鐵人都會累的嘛,吊頸都要透下氣。魚子醬一家決定來一個全面休養期,在這星期重新學習如何跟小孩相處,我們天天都有伴讀和勞作的時間,出奇地EQ提高了,和平度過每一天。
這幾天清一清家中的勞作材料,接下來又要忙學校的聖誕飾物設計,都希望搵到場地同大家一齊做聖誕手工 =] 謝謝Gadgets Engine團隊為魚子醬一家送上Crayon Rocks,其實一歲都有諗住買呢d易握的蠟筆,點知試左幾隻波波形同積木形都係唔上色ge~之後就覺得「好睇唔好用」

今次用上真正的Crayon Rocks,好o岩手型,而且輕輕一掃都出到顏色,呢樣要一讚!作為幼兒使用的100%無毒蠟筆,made in USA,用的也是美國大豆蠟,顏色都是由天然礦物染成,而且形狀剛好係小朋友學握筆的手指三點位置,長遠來說對握筆手勢是一個好習慣;而且石頭狀不易折斷又唔會一路填色一路好多碎屑,對於有潔癖的魚子媽,不錯不錯。


呢套顏色特別在除左齋填色,呢幾個公仔ge填色紙仲運用左AR技術,可以透過電話apps將自已油ge公仔「跳出黎!」out out的兩母子還是頭一次接觸這種玩意,超興奮 XD 
[魚子爸在身後 =.= 嗯~~係wo~~~嘩~~~]

顏色紙就得幾張,一開盒爭住玩!?梗係拿拿臨影印多幾張啦~~~hhahahah~好彩開學ge時候買左部三合一打印機,可以隨時係屋企影印 yeah~! 佢本身都有彩印ge Standard公仔係顏色紙背面,所以可以得閒scan下自已油ge公仔,又scan下示範的作品


除左可以隨時按制拍攝 [其實即係cap screen]仲有框框可以揀 XD 他們整整有八個角色,而隨盒的有四個,Color Pals官網可以免費Download一款,另外的就要靠回購Crayon Rocks時的彩數了

都係唔好睇我地d作品啦~hahaha~standard個d顏色鮮d又分明d =P 公仔係keep住一路郁ga,有唔同動作,而每隻公仔旁邊都有個小小問號箱ge東西,只要按一下,又會有新奇ge情節發生,好搞笑 XD 就係咁,我地每一日都係度油油油,玩玩玩,盒顏色講都底都係正常蠟筆,用黎做功課一樣可以,比起粗身Crayola,手眼協調更易

$250的聖誕禮物組合,除了24粒Crayon Rocks之外,仲有七選一的MakeDo Connector System,有大型的整車整飛機,都有小型的桌上玩意;其實創意無限,盒內的是不同的散件可以隨意組裝,只要有紙盒、紙杯、紙筒呢d已經可以創作起來

要係屋企收集物資真係要d時間,否則就失去左upcycling的意義;紙碟紙杯呢d就應該真係年中都無乜機會有,唯一寄望係速遞送件來的紙盒,另外就要等下d廁紙筒同紙巾盒~haha

其實唔同ge款式,盒內零件唔會有大變化,但就可能會因應唔同ge創作而有數量差異;我們這個大象的,有15個針扣和2個活動栓「較位」,當然少不了小朋友都可以幫手鋸紙箱的安全鋸一把;有大象的圖解說明和裝飾貼紙,不過這次物資有限,用不上

當我們還質疑小鋸是否可行的時候,果然鋸到,不過碎屑都比較多,要吸塵機standby

MakeDo其實是一套組裝零件 Connector System,最常用的就是下圖用作固定兩件物件,類似「螺絲」「絲母」的鎖扣,而鋸的另一端就可用左拮穿紙箱之用,一物多用


未動手前,生怕女人仔未必搞得掂,呢d「工程部」ge習作好多時都係爸爸職責,但因為原理只有一個,就係拮窿再扣實,所以熟習整個模式後,已經非常熟練了;魚子媽最愛的是這個可以當作「門較」的活動栓,而且仲可以隨時鎖定角度!

我地今日用紙盒、紙筒整ge係一隻簡單ge小狗,將兩個盒連好後,就準備耳朵的部份,在這裡小零件同樣大派用場

因為鎖定角度後,就更像一隻小狗的頭部了

將紙箱邊位再鋸短,輕易就做到尾巴

眼睛同鼻鼻都懶懶的直接用扣鎖實就成了,算係咁啦下話 XD

完成品的內裡,看似複雜,其實簡單的原理

除左小狗,魚子媽都係鍾情這種小屋設計,如果有機會可以散買「較位」的話,一定大入貨,有左佢先可以整好多可動的部份;而今次得2件的情況下,先整住個講故事用的小屋面板

小屋的牆壁,就是魚子醬的大畫板  

之後我們就在這裡講故事和玩樂;簡簡單單的快樂  


Crayon Rocks比較簡單直接,小朋友自己玩也可以天馬行空,也方便攜帶出外,不怕放袋壓斷;而MakeDo就更著重親子合作,可以來一個大大創作都可以!再次感謝Gadgets Engine團隊為我們送上這個無限點子的聖誕禮物 =] 


0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...