鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

11/16/2015

【粉色系希臘神殿】屯門市廣場 Little Twin Stars 40周年星之傳說!【2015 聖誕燈飾裝置情報】

沒有特別喜愛的卡通人物,但Little Twin Stars絕對是童年時有一種喜好叫做「阿媽覺得你鍾意」而儲落一大堆Twin Stars東西,而且粉系公仔女生沒有抵抗力,2015年屯門市廣場將中庭打造成Little Twins Star 神殿一樣,到處都有掌管不同界別之諸神,粉絲必定瘋狂

首日的開放時間為1400 [早上為傳媒環節],正常為每日1000-2200,魚子醬跟媽媽吃過午餐後,時間剛好兩點正!可以順利進入,應該稍後會大排長龍了

午餐前先在上層拍攝,商場的設計,令不能內進的人都有種同參與的感覺,而且視點比地面更全面,每年都係 「識影一定上二樓影」 =P 在整個場地設定內,既有掌管裝飾的太陽神,又有葡萄酒之神,還有詩歌之神、雲彩之神和月神,裡裡外外的色調都離不開粉紅、粉藍、粉紫,連本年度的聖誕椅都是藍色的!樹頂以月亮代替星星,更為特別


  

二樓近SASA 的位置跟聖誕樹最為接近!魚子醬靠近看了看「點解樹係藍色ge!!!」並表示唔想見到藍色ge樹 XD 

其實粉藍系的聖誕樹都幾靚啊!而且係好多唔同ge聖誕波中間,仲夾有KiKi 同 LaLa 的鏡,完全是細微的亮點所在 

 在可愛之上再添幾分優雅,場內所有Twin Stars都好靚啊 [真ga!!!] 雖然主舞台依然只能遠觀,不能走近,但在平安夜當晚,KiKi LaLa就會現身同大家影相,只要由12月14日開始,捐$50予「愛心聖誕大行動」,就可以獲得合照機會一個,合照時間為平安夜 1730 及 1830兩場,每場只有30個名額,換完即止 [即係根本你12月14號下午1點捐款前就要排定係場地對出的 商場禮賓處]

首日開放,人多但還可接受,影相都係排1,2個就影到,相信很快粉絲們就會蜂擁而至 

今年2015年是Little Twin Stars 40周年,感覺這幾年好似好多卡通公仔都已經四字頭慶祝,當年又可以有本事一下子創造這樣多經典的人物,現在卡通人物,可以紅得起40年的,應該沒一兩個,可能Gudetama最有機會可以hea足咁耐 


在葡萄酒之神的酒瓶,前面可以同LaLa 影相,但大家都唔好忽略後面設計一樣超美啊 

人仔同人仔影相,高度差唔多,同聲同氣 XD 不過家長都要請小朋友愛護佢地啊,因為今次ge公仔都似粉色系,希望聖誕過後都仲係白雪雪 ^_^

Pop-up Store由Sanrio營運 [營業時間為1000-2100],最特別應該是日本品牌 Crystal Ball x Little Twin Stars - Kaleidoscopic Fantasia 手袋及化妝袋,另外應該仲有日本設計師 Kayo Horaguchi 特別設計的精品ga~~但唔知係人多得滯定未返貨?唔係好覺眼,得一個粉紅長銀包是獨家發售;不過pop up store得一個四方框一圈咁,有半圈都係排隊ge人,即係要邊排邊睇先得,睇中就拎上手繼續等

影相位仲有南瓜車同pop-up store外的牆身Logo,南瓜車稍後應該會有其他紀念品/小吃發售? 現在還是空空如也的影相位 

大家可別忘記到聖誕樹同kiki lala的鏡合照啊~~~好靚 ^O^ 

係主舞台的兩側,都有兩個不同的「館」,靠近聖誕樹的是 「極光探索體驗館」,只要在整個屯門市廣場或者pop-up store 憑單一發票消費滿$100就可以入內,但該張發票用完後就用唔到係其他換禮物或者蓋泊車優惠,自己衡量了 =] 必要時分單買野都係一個好辦法 

剛好魚子媽在AEON超市入了貨,魚子醬有機會入內玩玩,其實極光體驗沒那麼夢幻,而係小朋友最愛的拍牆遊戲 XD Projector 放映出極光的遊戲,不時會有little twin stars的人物「星座」同彩色的kiki lala ,小朋友可以拍公仔消失,又在另一個位出現返,不過奇奇怪怪ge係,既然這是小朋友玩意,但完全不是小朋在觸手可及的位置,上排的公仔,應該要高大ge男士先伸手掂到,倒不如設立一個安全的高台位置比小朋友玩,又或者將Projector投射ge畫面降低  


另一個靠近會場出入口的是「浪漫星河拍照館」費用全免,內置四款框框,有kiki, lala也有合照的,職員會替大家拍照,之後就會有QR Code發票給予大家,大家只需要scan QR code就可以download相片,upload上 自己的facebook, wechat, 微博或者instagram,tag返tmtplaza,show比職員睇就可以免費獲得一個會場限定的限量版File 一個啦!!!! 

個File 堅靚啊,有d後悔無分開影 tim XD btw 留意換領file只限每日2-6pm呢段時間,影相你可以10am影,但禮品counter就會2pm先開放,換完即止。其實呢個方法有好有唔好,因為平日下午,其實好多小朋友係公公婆婆湊,點知影完又無得收返張相,望住個QR code又唔知乜黎,但公公婆婆又照排隊,去到檯前先黎搞reg account之類ge程序,令人龍消化得極慢之餘,也有令小朋友失望而回;
counter就得2個姐姐負責,教得黎又塞住後面d人,但d老一輩又要換到為止,希望主辦單位可以安排多d人手,又或者早早就在影相ge龍尾表示必須有這4個社交平台acc先會受理 

好夢幻的希臘神殿聖誕裝置,希望這個小小的分享可以幫到大家諗住山長水又遠專程來朝聖的朋友仔,值得一來啊!呢2個月應該又會做每年的聖誕例行公事 =P 除左18區親子好去處,聖誕裝飾都係魚子醬一家的愛拍之地,緊貼 魚子醬鐵人家族 ,追蹤最新動向 ^_^


Little Twin Stars 星之傳說

日期:2015年11月16日至2016年1月3日
時間:1000 - 2200
地點:屯門市廣場
一樓中央廣場

0 Comments:

發佈留言

記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮

文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance

邀約合作請聯絡: megan_wong@ymail.com

Related Posts Plugin for WordPress, Blogger...