【Star Wars 熱浪】Bossini 聯乘系列。真係要講句 價廉物美！

經典就係經典，Star Wars真心魅力沒法擋，魚子爸老早就告之Bossini會出聯乘系列，而除左Bossini~都仲有大集團會出，不過個d就後話啦！收到Bossini 送來的大禮物，魚子醬開心到不得了！即刻落草地拆禮物啦喂~~~~~~

 這個冬天不再冷！呢頂Plush Hat [$200] 真心推介，暖到不得了，而且造型一流，耳仔位可以反上扣實，落雪都頂到下！

只要買Star Wars聯乘系列淨價滿$800，就會送大家一個限量版的毛氈Cushion 2in1 組合，係滑滑的質地，超舒服~! 如果我話魚子醬係草地訓著左，你信唔信？ [講堅] 藍天白雲涼風加草地，加埋個軟熟枕頭，真係無得輸~~~ 

Cushion 打開，裡邊就是七彩繽紛的毛氈，真心靚又舒服，面層是滑滑質地，底面就是絨面，保暖一流。係首賣日到旺角西洋菜街同荷里活廣場分店頭50位買聯乘系列的朋友仲可以有一set 獨家別注版禮物，Boxing 大袋好適合我地出表演用，另外仲有一黑一白的tote bag同一條頸巾

魚子醬深深愛上這 2in1 的毛氈Cushion，影影下佢又再一次舒服到訓著左 =o=  

魚子醬有新衫，我地都有新衫，早早係魚子醬收禮前，爸媽已經去左掃貨啦 XD 魚子媽揀左今年繼續大熱的銀河pattern衛衣 [$230]厚度適中，是滑身的物料，所以唔會太熱太焗促，拎埋個超可愛 Pouch [$250]！同魚子醬頂帽一樣，都係魚子醬一家認為今次聯乘最正斗的產品；魚子爸揀的恤衫 [$299] 低調得黎又可以暗地裡自我興奮 XD 著到返工就夠了~

 魚子醬的黑白棒球褸 [$350] 真係興足30年，黑白加灰迷彩，前方的小Logo與背部的鮮明印花，點襯都靚

天氣仲未轉涼，質地較厚的恤衫可以當外套 [$280]，黑紅格格加大Pattern，前幅就黑布為主配以格紋口袋，都幾易襯衫。現在只希望冬天快點來

冬天衛衣少不了，終於有千歲鷹出沒，小朋友始終鍾意有明確的彩印公仔，我們大人就比較偏向黑白Logo、字體，各有各喜好。

整個聯乘系列都非常有特色，用ToyRus會員卡還有75折，正！本來還想多買一把白兵的縮骨遮，只有個別分店有售，但我們家三個人已經超過10把遮 ^_^;;; 還是睇完當買左好了。再次謝謝Bossini 團隊為魚子醬一家送上厚禮，超超超興奮的一個大禮物包