尖沙咀 - 媽咪雞蛋仔 - 稍遜的加盟店

小朋友總希望自已可以在購物過程中幫到手，有時簡單買野食，比小朋友去試下也未嘗不可。本來這天在尖沙咀下課後，跟魚子醬約好到紅磡吃媽咪雞蛋仔，但走了幾步，想起「咪住！好似尖沙咀都有間新ge加盟店」果然search到兼係附近，唔洗搭過紅磡再行好遠 =P

尖沙咀的媽咪雞蛋仔就在K11對面馬路，舖面小小的，又長又窄，可以看到的不多，但這樣感覺又衛生d；今日成個購買過程都係魚子醬負責，媽媽只係負責..比錢=.= 「唔該，朱力雞蛋仔」比完錢都要d時間整..但魚子醬就不停係佢僅僅望到ge位不停「得未呀?得未呀? 朱力雞蛋仔得未呀? 」最後呀姨忍唔住請左佢食粒雪米糍！ 嘩~你咁到R到野ge~~~~hahaha

由紅磡店開的第一天我們就吃媽咪雞蛋仔，現在直營的依舊只有紅磡，其他都是加盟，不過上次在銅鑼灣的感覺不差，一於試試尖沙咀的，價錢不變，還多了雪糕三文治~well well~我地琴日都係STACKS食左雪糕三文治wo XD

等了又等，問了又問，終於有得用張飛仔交換雞蛋仔啦~~蹬腳咁耐，唔辛苦ga咩? haha

單看賣相，色水不夠金黃，看似結結實實的，其實也吹不透，所以雞蛋仔來得不夠香脆，這情況在吃頭幾粒已發生，所以袋內的也凶多吉少，今次這$18 只能作魚子醬果腹之用，算不上享受這最愛的街頭小吃

結論是，要吃還請誠心到民泰街吃，又或者銅鑼灣的也不錯。

地址:尖沙咀加拿芬道8-12號嘉芬大廈地下