鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

1/22/2016

【親子活動】親親小馬。走入馬房。小朋友重要的一課 【屯門公眾騎術學校】

2016年有一個好開始,就在元旦翌日,跟一班讀者朋友一起到屯門的公眾騎術學校參觀,雖然只係短短一小時,好唔夠喉,但當日ge 互動真係好多,大家都好過左短暫而歡樂的時光!好多謝每一位遠道而來的朋友,最遠的一位朋友由TKO過來!睇返當日ge相,呢五蚊真係抵到爛,睇黎可以有第二三四次的可行性。

屯門公眾騎術學校位於屯門碼頭,近蝴蝶灣燒烤場的位置,亦即入龍鼓灘的大路口。魚子醬一家住屯門都未黎過=o= 特別係近呢10年已經無人會入龍鼓灘BBQ~~~ 

話雖如此,原來除了導賞團要以團體Book之外,逢星期二至日都係免費對外開放,大家0900-1200 / 1400-1800都可以來自由參觀;我們參加的是導賞團,三歲以上每位只係 五~蚊~雞!比左呢$5 又有咩特別呢?其實除左有哥哥講解之外,仲可以走入馬房,近距離觀賞佢地ge生活習性!

當日在辦事處門外集合之後,哥哥就引領我地入一間活動室看短片,大家在參觀前都要知道 Do and Don't ,短片極生鬼,睇到大家笑聲此起彼落 


及後會有跟雪特蘭小馬近距離接觸的機會!呢隻 大花 係咁多小馬之中最有經驗、最淡定的一隻,哥哥話所以每次有活動都有 大花 做親善大使 =P 又真wo~!原來魚子醬一家去年在 同心同步同樂日 已經同過佢影相 [排左45分鐘呀!] 

小馬性格溫馴,大小朋友都可以摸下,呢part warm up真係無得頂,大家一下子都超興奮 

大花 食鹽多過你食米,對住做親善大使已經做到慣晒,而小朋友們都遵從頭先短片學到ge小知識,唔會企係馬ge PatPat


時間緊逼,來張超興奮的合照 ^o^ 多謝大花

大家可能會問,如果平時都可以自由進出騎術學校參觀,點解又要團體Book導賞呢?分別就在於一般遊人不能入馬房參觀,若然有甚麼意外也不會負責;而這次有哥哥帶領下就可以見到純種馬同混種馬的分別同習性,在馬房內聽講解,特別有風味 XD 

講下笑je~其實馬房ge味道,遠比想像中低,非常整潔企理,剛巧我們到訪的時間是進食時間,馬匹比較愛理不理,唔會對我們這群遊客太熱情,都係好處黎ge~ 

騎術學校內,大多是混種馬,比較溫馴也較為細隻,適合作馬術技巧訓練和讓學生練習策騎;而所有跑比賽的都是純種馬,血統愈優良就愈矜貴。來這裡的純種馬,大多是退役馬,退役 =/= 退休,只是過了運動員的黃金時期,所以就可以留在這裡作學習之用;魚子媽還是鍾情白馬王子 XXD

在這裡,每一匹馬都有足夠的活動空間,欄外就有每匹所用的工具、名牌和標示了每日的膳食安排。如果個日無活動要休養ge話,佢地係得草食ga ja~唔會有乾糧,因為乾糧ge營養同能力太豐富,如果無野做又食咁多,只會谷住晒


係呢度真係見到好多退役馬,十多年前大家超瘋愛的 靚蝦王 退役後都來了屯門這裡,一直住到2011年先飛去紐西蘭休養 [嘩做馬都咁嘆~~~] 而今天我地就見到同馬主的 開心蝦王 ,唔怪得哥哥話「好多馬根本都未出過賽已經要退役」規格體能唔適合都無計~~喔噢

馬馬食欄杆你見過未 XD 佢好enjoy ga~

這裡既然是騎術學校,看見馬匹隨處走動不是夢,真係型爆;其實要學騎馬都唔係想像中咁遙遠,除返開都只係三四百蚊一堂,但據悉就要排隊排幾年先有得學,就算大人都學得ga只要唔超過175磅就可以報名!時間都幾多選擇添ga~~ >>報名資料可以按這裡看<<

馬同人一樣,都係每日沖涼了,每日要幫幾十隻馬沖涼,真係「咁又一日」其實 乾皮症 係馬匹身上好常見,當不能正常排汗ge時候,就好容易中暑,所以何時何地都以凍水沖涼以降溫之用。

來到馬房的另一邊,我們見識到釘甲換甲的工具,大家見到個枝幾吋長ge釘要打入馬蹄ge時候都忍唔住睜大了眼,不過其實馬並唔會覺得咁係痛ge~大家放心放心。 當哥哥捧來一盤乾糧比大家摸下ge時候,小朋友們係咪當左星星餅d fd 呢?好幾個都放左入口試 XD 咁又無害ge~仲好好營養tim~~不過未必乾淨je ~hahahaa

馬都要剪指甲ge~~~呢塊馬ge指甲,大過女生的手掌 

導賞團完結後,我們繼續到處逛,除了沙圈的部份我們不能進,其實可以遊覽的地方也不少 

左右兩邊的沙圈都是集訓的地方,所以由此起一直到最後,我們都不能前往 

碰巧是上課時間,我們在馬房通道就看著學生們一個一個上馬,好英呀 =P 真係好想即刻走去報名~~~其實我們在場的家長,個個聽罷要排3年先有得學~都即刻衝晒入Office拎表,但原來要足6歲先可以排~即係排得黎都8,9歲了~~~

三百幾一堂算是大眾可負擔的 [上一堂playgroup都二百啦] ,只是隊有點長


在馬房內看完,大家依然可以在馬房外走走看,馬匹都很樂意同大家打招呼的,但就盡量保持安靜和不要作出威嚇的動作 

魚子醬一家打算到停車場的獨立圈看看雪特蘭小馬就離去,剛巧碰到牠們 愛回家~ 雖然成班都唔係小朋友,但咁樣望住佢地真係好可愛 XXD 好似幼稚園校車隊放學咁~~~hahahaha 


短短個多小時的騎術學校之旅,在小朋友角度真是好好的課堂,連大人都按捺不住滾動中~~~以後一有空餘時間,魚子醬應該都會來走一圈,牠們真心可愛的呢!!大家想唔想魚子醬再辦多幾團導賞?[其實我地自己都想再入馬房] 記住緊貼 魚子醬鐵人家族 的動向吧!



0 Comments:

發佈留言

記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮

文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance

邀約合作請聯絡: megan_wong@ymail.com

Related Posts Plugin for WordPress, Blogger...