唔好意思又係魚子醬 ^_^;; 其實呢個棍網球都已經玩左一段時間，我們在報名後，穿針引線下 明報 Happy PaMa也決定來採訪親子棍網體驗，所以魚子醬有機會客串一下
原先報讀了YMCA 幼兒棍網球的weekday恆常課程，但在小朋友界始終是非常新興的運動，過往可能都只有某些大學有組隊，所以在香港不多人認識；開唔成班，唔緊要，好彩仲有一個親子體驗日，一家三口落場都只是三兩百，就決定小試牛刀；當日約5個家庭一起，我們沒有鬥波，但也學到了不少棍網的規則和技巧
YMCA的棍網球課程由香港棍網球總會舉辦，從教練Gemini口中得知佢地都有教幼稚園，平時總會練習就在何文田或跑馬地居多，如有興趣的話可以直接聯絡她們看看課程資料。這次我們來到YMCA京士柏中心，這位置也算方便，近巴士站也近佐敦地鐵站，所以起初才萌生起想報regular course 的念頭
練習在有蓋的球場，不受天氣影響，不錯，同場另一邊也在進行曲棍球的練習，好想踩Roller啊！ 這個我們手執迷你版的球棍，有最愛的桃紅色和青色，真係有一刻覺得d球棍好靚而學落去，哈哈哈哈
易學難精，因為真正ge棍網比賽，球速可以去到170km/h，快到傻，但我們這些入門雞丁，要學下拉棍都唔難，因為魚子爸話同平時功夫打棍的原理一樣，所以大家都很快上手
由淺入深，先學自己上下拋接，然後二人一組拋接傳球。棍網球的一個小規則係，即佢波跌落地，都只能用棍剷返起佢，呢一環反而要多練幾返，因為棍頭唔係真係好薄，要加d速度
魚子媽好怕要追逐的遊戲，所以這天還是待父子親子一下 XD 反正他們不消一小時已經上手
到後期，練好傳球技巧後，就可以練習射門，小朋友面對的也是小朋友龍門，Mini版但命中率都幾高ga XD 因為無人守嘛
在魚子媽的角度，自己唔係太投入到呢項活動，雖則3歲起可報，但從觀察的這幾小時，也察覺三歲的魚子醬未係好享受要守咁多規矩去玩一個運動，所以Fun Day有Fun Day好，先體驗一下才知是否適合
今天雖然玩得開心，但似乎未係好適合魚子醬，都有嫌悶嫌疲倦的時候，可能小朋友專注力真係無咁多個鐘，加上愈後期要跟ge指令愈多，例如要S形走飛碟，然後射波等，這些不停重複的步驟都不討好
小朋友還是喜歡向難度挑戰，呢個五個窿窿的球網，又可否挑戰成功呢？
上完呢次體驗課程，最興奮似乎是爸爸，心感他好想繼續學落去，而魚子醬興趣是有的，但未係時候，心裡暗想 "好彩開唔成班" 希望未來的日子會再有機會接觸這項運動，當魚子醬大個d，我相信會比較ready；朋友話: 學下新興的運動都幾好啊，吃香d嘛 XD 有道理
0 Comments:
發佈留言
記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮
文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance
邀約合作請聯絡: megan_wong@ymail.com