鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

1/19/2017

【親子好去處】小朋友大愛!Angry Bird 闖關遊戲走入黃埔新天地 + 新城市廣場《花語祝福》自製 3D Hologram 利是封

年末年始,在石屎森林之間總是多姿多彩,因為節日一個接一個,魚子醬跟媽媽也不放過每一個玩樂機會 [其實我地唔係淨係匿係山上的 ~  18區有野玩都關我地事 XD] 這次大鄉里出城,第一次搭地鐵去黃埔 [yo...熱潮終於過了,太好了] 方便到一個點係..竟然有出口連在商場內!我們要找的 Angry Bird玩轉雞年 就在C1出口的時尚坊內~

苦等多年,終於不用由紅磡火車站行落黃埔,特別是這幾年的工程令地面過路煩上加煩又沙塵滾滾,只能講句真係好好好方便!繼聖誕節在時尚坊有得玩冰滑梯,緊接迎新春的有 Angry Bird 的三個小遊戲,小朋友親身上陣,有得玩就開心! 

連續兩個weekend 在中庭的遊戲區,14-15/1已經舉行了第一Round,21-22/1會是第二Round,只要在整個黃埔新天地任何一家商店單一發票滿$200就可以參與,三個小遊戲包括「雞咁腳走障礙跑」、「百發百中彈彈彈」及「金蛋滾動碌保齡」 

 「雞咁腳走障礙跑」好邪惡,明知小朋友最愛玩波波池,但要限時1分鐘內跳過d雞腳,再捐過隧道衝線,SY同魚子醬第一第二次ge時候都好遵守規則,之後就直接跳入波波池算 XD




「金蛋滾動碌保齡」其實就係碌保齡,不過將球換成蛋蛋,因為唔係圓球所以未必直線滾滾滾,小朋友加大油 =P



最後一個 「百發百中彈彈彈」,是利用阿紅去扔豬,兩個小朋友扔到,結果行埋去直接扔就算 XD 其實真正玩ge時候好似要用3定4隻雀,扔晒5隻豬,有d難度架!

只要三個遊戲裡面,有其中兩個遊戲達標,就可以在四個圖案之中揀一個,自製Angry Bird銅幣一個,SY同魚子醬也揀了黃色的阿查。有得玩,又有獎品拎,小朋友夠晒滿足




除了黃埔新天地,上周魚子醬跟媽媽也到了新城市廣場,中庭的新年裝飾【花語祝福】足有20呎高,只要在商場以電子消費滿$1500,就可換領一套八個利是封和Hologram膠片,有專人幫大家拍攝3D Hologram,然後Print出 QR Code,好讓大家可以貼在利是封上,派利是之餘也可以讓親友看到自己拍攝的30sec 賀年短片


突然要拍祝賀短片,硬硬地 XD 即管睇下有無親友會係今個新年收到我地ge 特製利是啦哈哈



0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...