大比。小比。結婚大大計 [婚紗左揀揀右揀揀?]

由年頭話減肥講到年尾。出發拍婚照前半個月。要試婚紗啦Bor~!結果?

無減過wo~hahaha。呢一年大悠閒的飲食訓生活。無變大大肥婆已經好好彩了

因為每星期都做好多運動。算係力保不失啦。體重無咩大跌。但雞肉多左

試婚紗試婚紗。GO~!

我們婚禮和Pre-wedding也是join同一間公司幫我安排一切 - Paradiso Wedding Services

主要是幫新人搞海外的Wedding Planner來的。

office在金馬倫道~所有Briefing。試婚紗。都係度搞掂晒ga啦

但係我覺得係樓上Office最大ge好處係~~唔洗係金都個d商場舖咁~又細又逼~試乜都比人睇到晒~真係見過有個女仔試件細過佢身型ge婚紗然後後面d肉......er.....如果我係佢。係商場咁樣比人睇到。我會介意。所以我好滿意上office試。朋友同大比都可以有位坐。有相簿。有書睇下

女人試婚紗。是馬拉松式任務。男人坐係度可能覺得有d悶。因為只需要坐係度隔幾分鐘比一次意見。而係Fitting入面。其實Karen同我係出晒汗咁係咁又著又除。哈哈

多到要分開2日試。最後終於有四強啦~~!

有朋友見到我揀呢件即刻忍唔住講左句好膠袋~!不過我真係好鍾意桃紅色就係人都知。哈哈!所以我點都會揀佢囉~! 

呢件係2nd Day先補試的~因為第一日試好多都係貼身魚尾~好似係會幾靚~但好似又暴露自已ge缺點同埋會著上身之後要唔敢輕舉妄動咁~最後決定A-line返~著得自在d 

呢張個樣好傻B。唔出鏡啦!haha。不過好憎黃色ge我。

著上身之後都覺得幾唔錯。就決定要埋佢!

第四件係1st day試完已經決定左~今次係試埋頭紗同首飾 

花球好自然我應該會揀粉紅色~不過竟然最後因為顏色鮮度而選擇左自已唔鍾意ge紫色。

不過影出黎靚就得啦~! 

臨出發的一天。d衫改好就上去拎行李了  

我地ge婚紗、晚裝同禮服就掛晒係度啦~!原來~都幾鬼多同幾鬼重身。今次大鑊

夾手夾腳入晒落環保袋入面。成2大袋棉胎咁 ~雖然Karen建議我地Hand Carry上機。但我真係接受唔到咁呢Hea。所以。對唔住啊Karen。我地最後都真係帶左個30吋大大行李箱去 [去2星期shopping旅行又係帶1大1細行李。依家去3,4日仲要檳城都咁多野。 Orz]

回家之後發覺婚紗無左條帶。拿拿臨打比Paradiso Mandy ~佢話放工返屋企係荃灣西meet一meet我地。仲順便比埋唔記得拎走ge Miffy Wedding Doll~! Yeah~! 慳返$780呀真係~

帶你地2個去旅行啦就~! 

好~!下一篇就係<婚照攝影篇>啦~係咪好期待~~heheheh。希望我好快會得閒打到 XD