鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

12/07/2011

大比。小比。結婚大大計 [檳城影結婚相。辛酸篇>_<]

影Pre-wedding究竟有幾辛酸?? >_<
係出發ge前一日。我地先去婚紗公司拎返改好ge婚紗,之後經歷左一整日ge甩甩漏漏,死塞爛塞的Pack行李過程,最後係臨去機場ge最後一刻係屋企搞掂晒d野~其實我地只係去4日檳城,之但係就好似走難咁多野拎,因為婚紗+晚裝已經4套了,加埋禮服同自已ge衫褲鞋,wowww


小比只係買左20kg ge行李,我地個大o急裝晒d婚紗之後竟然竟然係.........19.8kg...太好了!~唔洗開o急執野,拿拿聲綁埋行李帶,Check-in Counter一磅,剛好19.9kg!!!哈哈哈 Btw~我都係覺得用咁ge Full Gear去檳城4日係有d誇~哈哈~我地去11天日本都係咁ja wo

我地搭ge係夜機~~檳城落機出得機場ge時侯係11:50pm,檳城呢度ge的士,係12點後係會收貴幾成ga~~所以連個的士司機都話「你地就好彩啦,我就唔好彩」哈哈,約20min到達Tune Hotel就拿拿聲上房掛返好d婚紗同晚裝。大比ge禮服就慘啦~燙得靚一靚ge恤衫全軍覆沒,好彩,好彩酒店有燙斗借,半夜三更都係酒店走上走落,都幾搞笑。


第二朝準時同攝影師Sunny係Lobby會合,去化妝師Angela新成立的Studio化靚妝,yeah~為左靚,小比幾乎無食早餐,女人就是愛美嘛!! 坐定定化妝啦~~~ 


好搞笑的娃娃裝~heheh~整到一半時忍唔住對鏡自拍。不過唔知點解set晚裝改完之後鬆到係咁跌,有d尷尬,下次改完一定要再試先出發!

我整完之後就到大比整lu~~男人坦言是不慣被化妝,呵呵 


出發去第一站,30min的路程,到了檳城Air Itam的大壩,並唔係太多人知道呢度,所以今次有幸走出Town Area都好開心。攝影師自已做埋司機,真係辛苦晒,而且他的習慣是One Man Band,所有Assistant都隱形左,哈哈,我對佢有信心!


這裡就像梯田一梯,全部都是不同深淺的黃綠色調,好多層次。 

拍攝進行中的小比子被偷拍 =P 

我地成個攝影主要有4個主題,除了第一站的藍天白雲綠草之外,轉眼間又來到檳城較北的Batu Ferrigh ,在這裡有一個Tropical Spice Garden,一個熱帶雨林咁ge東東,其實也是一個香草集中地,特別多中東的遊客,因為沙漠無綠色?? 

一落車,Sunny叫我地2個上公廁換衫,但我地2個去到門口,有無分男女都係其次,因為簡直就好似係郊外荒廢左好耐ge廁所,d蚊大隻到肉眼都見到勁黑,加上好多Bug同埋成地都係水ge情況下,我地2個都呆左,最後係去左山邊換。平時換衫都易就,但拖晒地ge晚裝如何換???諗返都覺得自已係超人,而且山上面有好多修剪緊ge工人,不停聽到佢地ge對話但我又見唔到佢地,都唔知有無比人望到>_<

一路影ge過程,係幾辛苦的真係,因為一來好熱好熱,頭髮都熱到濕晒,撻晒係身,跟住全身又噴左一d用都無ge蚊怕水,跟住又要訓落勁多Bug ge地面等等。不過,影到靚相真係好開心,所以當時咩高難度ge Pose都完全無問題,而且比蚊咬到成手都係,都唔覺得痕,強! 
靜落黎,影完再上返車就知死啦今次,未計腳都已經有10粒比蚊咬>_< 開始痕啦死野~~~救命救命,我要無比敵!! 

已經3點啦,飯都無粒落肚,我地返返酒店換返衫,拎返少少行裝,就係酒店隔黎ge New World Park Food Court由Sunny買左d炒粉麵比我地係轉妝ge時候食,係Studio嘆陣冷氣降降溫。

之後ge時間我地都會留係George Town 喬治城的範圍,少不了到娘惹大宅Pinang Peranakan Mansion裡影相,其實我自已本身黎過參觀,但我從來都唔知原來可以比RM50影一個鐘,而且當地人仲幾鍾意黎呢度影,當日連埋我地就有2,3對couple,呢度有少少咁多多風涼水冷,比起Spice Garden,好受得多,也有好多檯凳樓梯可以坐下,同埋著起自已揀ge裡面最鍾意的一件婚紗,自已狀態也好起上來,這裡影的相我都幾鍾意。

影完大宅,再趁太陽未落山影一d街景,係經歷左大半日ge上山下海,我地2個都係靠影相ge推動力撐住,但係臨返Studio的最後一照,Sunny叫大比抱住我係馬路中心轉~而且仲要抱到我勁高~哈哈~大比笑言要係休息前整一個咁用力ge動作,想死! haha~不過影出黎都幾靚呀~呵呵 
返返Studio換埋最後一套,亦係著得最辛苦,扎得最辛苦但最顯瘦的一套,夜晚係檳城無咩好大ge燈光,始終人地唔會好似HK咁光污染,Sunny能夠係唔用閃燈的情況下都影到咁多靚相,真係比個Good佢先得~!而且我影呢一set相係最舒服ga!因為...因為頭先影完日間ge街景,我對腳真係痛到唔想行,最後執意換返對MBT涼鞋影呢set,真係叫我跑呀跳起呀都得呀! haha~超輕鬆!但係影影埋埋都成10點半先食到我今日第一餐「正餐」,終於可以唔洗為縮肚唔食野~但因為時間關係我都只係食左1塊咖央Kaya多士。

不過返到酒店,除左個身比Girdle骨彎腰時壓到有個印[成個月都無散]~最慘都係對我好鍾意ge銀閃鞋~~~~布質ge佢沾滿泥漬之外,個爭係不停插入泥地裡面,所以啡晒,最慘係有一隻直程「飛埋釘」,成塊膠磨到消失左,真係辛苦辛苦。


咩都唔想理,我地真係沖完涼就Bing Pang咁訓死左~直到第二朝自然醒~!!! 但朋友每一句「睇返d靚相就唔會記得有幾辛苦ga啦」~又真ga wo~~!一世難忘~~~多謝Sunny,多謝Angela,識到咁多當地朋友,對我之後ge路都一定有幫助,有緣再會^_^

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...