鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

12/08/2011

大比。小比。結婚大大計 [我們的安樂蝸 - 睇樓驚嚇篇@@]

當初因為預計婚後幾個月可能都有d較長ge Trip要去,未必係HK,所以都曾經有諗過暫時繼續住係自已屋企,同時亦希望年中前已經可以上到樓。BTW,原來身邊ge人一聽到呢個方案ge時候,幾乎都係藍左囉塊面.....我自已唔覺得有問題啊..哈哈。

最後,在網上做了些Research後都係決定開始尋找自已ge安樂蝸,而最Surprise ge係...只係幾經勸阻而無人反對,咁就開始利用我地Weekday, Weekend日間得閒ge時間周圍睇,也有在放盤網留意住最新ge樓盤。依家ge樓價不尋常,我地亦唔會選擇買樓住,所以今次關注的都係租盤,而素素曾經有一絲搬出九龍ge意思一下就比人篤爆左呢個夢,因為屋企人全部都係屯門、大埔等。OK...唔講咁多~!去片啦!

素素先係網上看到元朗廣場側有一唐樓新裝放租,行3層,但交通配套極方便,於是呢間就成為我地第一間睇ge樓,行三層,對於做開運動ge我地完全唔係問題,不過我會考慮到搬屋ge問題有d麻煩。呢間屋新裝修,幾ok的,而且樓下真係極方便,行過西鐵站都係2,3分鐘。點知...一打開個廁所,OMG~!!!!老實講...我接受唔到,要坐係個廁所到沖....雖然媽咪話以前個個都係咁ga啦~但以前嘛...依家2012年啦就....即刻拉埋大比走走走...NEXT~!

再行過10min路程ge村屋群,呢個村總共有99座,每座6個單位,管理好好,有看更,有停車場閘先入村等,我覺得好有綿繡花園個d feel~好靜好好環境~樓下就已經可以BBQ同踩單車咁。 今次睇ge單位係350呎ge中層單位,但係樓底較矮,我行6步樓梯已經上左2/F,一入屋~點解...點解係全屋都藍色ga!!!! 經紀話係上手租客好鍾意藍色~問過業主之後就油晒全屋~~問題係~佢連玻璃窗同紙皮右連地腳線,所有表面面積都油晒藍色!!痴線~我話~住係間藍色屋會Depressed囉一定!但係我好鍾意個巨廳,差唔多係13x13呎ge正方形,玩Kinect同Wii都一流~!哈哈,但業主唔肯油返白先放租,但會比多d免租期我自已油都得~
呢度ge廚房就搬左出露台,但原本係鐵欄露天ge地方又封晒做窗 [僭建?],我係好鍾意呢度ge環境的老實講,而且係有少少難搞ge藍色都未必係問題~會自已油返~~但係客觀意見就係離超市商店同西鐵可能都有10-15min ge步行距離~~平時行唔係問題~~如果黑雨、打風、36度、拎住2包米ge話.....就真係幾係野...但我當時鍾意ge程度係~我地即刻搭左車出IKEA,畫左Floor plan諗晒擺位等....

過幾日,大小比就開始尋找屯門ge地方,白撞咁行入中原地產分行準備比人鋸,哈哈,但serve我地ge叔叔都ok nice ge,快閃黨咁已經睇左3,4間,其他吉屋就唔放啦~但最後我係去到一個我覺得滿意到200分ge屋,仲即刻同媽咪&好朋友仔不停wtapps話好想覆實...呢間屋ge業主都係度,原本係個女自已住,但佢都嫁走lu~所以呢度ge所有所有傢俬電器都留比我地..我地一d野都唔洗買...好吸引.........當然租金都會較吉屋貴~但係可接受ge範圍!!!!!!
真係好大掙扎,因為呢度景好開揚,呢座樓ge間格好實用!同埋真係隨時拎件衫就住得,個業主係太太來的,佢好似都好鍾意我地~之後個幾日差唔多日日問個經紀我地有無decision,我地仲連睇左2日樓,一早一晚.........點算..........~!!!

同時我地都有叫個經紀帶我地睇d最平ge屋~當然不是套房!我地黎左間就搬走ge單位~一入屋~!嘩~!!!!殘到呢~~~~磚由白變黃~仲有d烏蠅紙!!??? 24樓wo~!????原來之前地面有大工程,所以多左bug~依家已經無~~嚇死!!!之但係望住個黃晒ge浴缸實在想死~!而且~佢竟然同我講~呢間屋無煤氣~一係自已買電磁爐!!OMG~其實間格ok ge...同埋價錢絕對係強! 個經紀都幫我fight到翻新、裝多個冷氣、加返廚房門同抽油煙機等,好,繼續睇。 

總之上一間個業主就真係無乜信用啦~乜都say yes之後~漏夜就打比個經紀話封盤~話租比自已個朋友~仲出多我$300之餘仲即住唔洗翻新。我先唔會信~算~~!之後個經紀係咁say sorry話收少我地$1000佣,woww...之後第三日又繼續見佢,繼續睇,今次個盤同上面個間「酒店屋」同一座,同一個unit單位,不過就低層,個牆唔係白色,廳係青綠而房就紫色,最搞笑係上手業主應該係無搬晒櫃咁油油,所以有個電視櫃白色印,哈哈哈,仲有好多Wall Sticker,整體都幾企理,同埋2隻色我都接受到ge應該~好~再諗諗

呢度5間屋~其實租金差異都不超過$1500,當然最平就一定係殘到黃個間,而「酒店屋」就最貴~如果你係我~你會揀邊間~?!? 咁大家又估我最後揀左邊間~!?其實我都幾慶幸自已係屯門元朗區成長,租金真係比起出面有競爭力好多~亦唔會負擔得太辛苦,出面$5000應該連套房都租唔到..係屯門已經可以租到四百幾呎靚靚仔仔架啦,而且其實交通配套極方便,唔係大家想像中咁差,出上環都係25min到,觀塘都差唔多啦係咪??


3 則留言:

  1. 呢度5間屋~其實個價錢都不超過$1500的租金上落??
    $1500 only???

    回覆刪除
  2. 公關: 唔係「酒店屋」 XD
    someone: 哈哈~係租金差異~[打個陣趕住出門口~所以無改]其實average呢度$4000-6000到~

    回覆刪除

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...