鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

4/28/2012

[新欄目] 小比。孕記 - 魚子醬的出現

我倆於年頭在布吉的婚禮,稍後時間會慢慢跟大家回味與檢討,但最慶幸整個流程最順利的不是甚麼,而是回港後發覺身體有點變化,雖然無嘔,但胃口差了很多,眼訓了很多,而且還不時暈倒,考慮了一星期,到Mannings買了棒棒,再打電話約婦產科醫生Re-confirm,等了又等,原來最緊張是那段日子,因為婦產醫生經常爆滿,足足等了10天。

第一次見醫生,就問了我上次的Period是何時,然後就說,照日期計就應該已經8周了,但通常排卵情況人人有差異,應該照肚就可以了,訓上床吧。頓時放下心頭大石,因為見很多早發現的媽媽是要除褲由陰道進入照超聲波的。醫生看到電視解釋,拿,這就是胎囊[上圖黃色長度],中間的一粒豆[上圖紅色箭咀]就是胚胎啦! 但應該是遲了排卵,現在只是7周多,相信很多人和我同一樣,望著超聲波根本完全唔知講緊咩,一臉迷惘,然後醫生度過size後說現在BB應該只有一隻指甲大,而且開了mic後還聽到心跳聲!勁快的心跳~約是170-180/min,一粒豆的size也可以有心跳,那應該整粒豆都是心臟了吧??? hahaha,就這樣,帶住迷惘的心情離開診症室,還未感覺到開心,太虛幻的超聲波圖,接著驗過尿,磅過重就離開了,這樣照一照就$580了,原來市價來說已經算平 LOL

我看的是在元朗、中環、佐敦也有診所的馮樹明醫生,在診症室內,醫生也盡了他的私心,問我倆在政府還是私家生,如果係私家,或者已經無位,要快d經佢落訂,意思即係搵佢接生,小比最擅長這些時候扮傻,問很多政府私家的分別,再說回家考慮,當然心裡早就決定在政府,幸好醫生沒有黑面睇症[外間有不少醫生一知你不搵佢開刀就無心機睇症,黑晒面]


第二次覆診時是三星期後的事,約11周,這三星期可真難捱,雖然無嘔已經是大幸,但基本上我每天的胃口都不同之餘,還要所有乾身的食物都不想吃,麵包,飯,餅等,結果一日4,5餐也是吃湯粉麵和粥,吃完就睡,睡完再吃,電腦已經離我很遠,我每日除了吃飯洗澡的時間,我有20小時以上是躺下來,別說踏出家門,坐起身睇電視都無力,就這樣軟禁了自已一個月,大家也知我忽然失蹤了,我只好說我身體很差要休養,所有約會都推掉了。 
其實上星期參加醫院唐氏講座時都有照聲波照,但就沒有相拎走,當時跟姑娘說大約是九周多,但姑娘話10周有多啦!可能之前太細個不能作準,咁醫生話原本預產期1010,計日子就應該0930,依家照就應該1003,我地跟0930架啦,其實差一周通常都唔會特別轉,預早好過預遲 =.= 所以今次都有同醫生講呢個情況,佢照完都話應該計大一周,不過唔特別再寫紙了,我心諗,可能訓得多,呀B肥過人啦,哈哈。不過我想講,我到依家望住個超聲波相都唔知點睇,不過都隱約見到個頭仔[上圖紅箭咀]仰睡的姿態,今次沒有問特別問題,很快就可以走。


第三次覆診,已經17周了,點解隔咁耐?一字記之曰: 懶,其實因為20周會照結構,到時會很詳細照近20min,所以想11周之後就直接慳返一次覆診的錢,照結構大約是3次覆診的價錢,但最後想到16,17周應該已經可以知道呀B的性別,私心起,又臨時book了這次,幸好呀B都很合作,沒有用個背脊對住我地。

小比自已倒是超想要女孩子,因為粉紅色和小兔公仔都是自已的最愛,早就的街上mark了很多小裙想買,而且還可以幫她扮靚靚。大比嘛,他當然想要男孩子啦,因為可能有藉口不停由小朋友Lego買到大人Lego,培養仔仔同佢一樣咁鍾意Lego [要破產了@@] 究竟係男仔定女仔呢!!~?!? 

一訓上床,醫生話,嘩!你個肚都幾大ga wo,結果呀B真係中碼偏大,哈哈,但見到上面呢幅相ge時候真係笑左~因為呀B指住個咀角笑緊,,紅色箭咀的就是手仔啦,哈哈,終於睇得明超聲波圖啦,因為佢開始大個,人形清晰很多。

醫生照了又照,用幾肯定的語氣指住一粒光點[下圖紅圈]話應該係男仔啦!幾肯定係男仔,我發覺我失望的表情上晒面,相信坐係側邊的大比內心在Yes~!緊,而且呀B的腰椎好好好清楚咁睇到,紅色箭咀的就是頭仔,同上次相比,佢個頭由左邊去了右邊啊!佢依家有13cm到,大半隻手臂了,Good Good Good~ 
之前一路無公開同大家講呢件人生大事,不過其實熟悉我的朋友早就知道「有d野!」,畢竟我竟然突然唔出街,唔練功夫,唔做運動,日日食外賣,成日訓覺仲要唔玩電腦,哈哈,所以已經是公開的秘密,不過當時人講聲confirm下嘛! hahaha 

我地可沒有偷跳,有過BB的父母都知道,Day 0是由上次Period第一天計起的,當MM來近一周,之後一周是安全期,第三周才排卵,基本上真正開始結合成長都已經4周了,所以懷胎絕不是10月,哈哈! 太長了,講住咁多先啦!!至於點解叫魚子醬~~~~~遲d先同大家講! hehe

4 則留言:

  1. 小比恭喜你呀!!
    我睇左你個blog好耐架喇,由yahoo blog睇到而家
    真心覺得好開心

    回覆刪除
    回覆
    1. 你支持左咁耐我咪仲開心~~haha~~不過依家少左update我覺得唔好意思就真 =P
      放心~有時間有體力我就會繼續分享我的生活點與滴~多謝啊~~

      刪除
  2. congratz siubei:)))
    reli happy for u!
    wish u a healthy baby n sweeeeet family!

    回覆刪除

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...