家庭健康博覽2012 - BB用品展前哨戰

因乜解救大比變了大肚佬?? 哈哈，因為上周末舉行的家庭健康博覽2012 有給爸爸感受懷孕的counter，二話不說就捉了大比來試試，結果由無人玩，引到一眾路過的準媽媽逼老公玩，結果女士們都在笑自已的老公，哈哈。

這個展覽淨看名字沒有太多與BB的關係?? 但偏偏有半個會場是BB用品和不同的媽媽BB奶粉會等，會場不大也可逛上半天，因為你會不停填表入會取贈品，又排下隊登記，聽下講座等

因早前上網登記了雅培奶粉的錄心跳活動，所以一入場就到Baby-mo的 counter登記，結果得到大福袋一個，登記入雜誌會又有書和膠匙，還有2盒屋仔豆漿/乳酪的換領卷，錄完心跳，有一部心心型的錄音機，品質很差又錄到雜音多過心跳，看在免費就無辦法了，下次到醫生再用手機錄吧，但又再得到一大個bear bear袋的福袋

主舞台上有很多比賽和節目，baby model，爬行大賽等~家長們應該是最興奮的一群，小朋友分分鐘唔知發生咩事，不過都係一個回憶 

本來只是上網登記了錄BB心跳的活動，不知有產房體驗，幸好可以即場登記，但2點登記就要等到5點3才有位，不過博覽多野行，時間好快過~照報! 主講是仁安醫院的姑娘，很溫柔很詳細地講解，只是全程要站著聽有點焗促，不過太真實的講解某程度上都會聯想到以後有多可怕~haha 

不過醫院有心有力將真實儀器搬來又不hardsell地講解，已經很感恩 

講完生產過程仲有教埋點樣洗臍帶，可以近距離睇到，好過平時坐係度ge講座多好多~互動是很重要的

還記得頂頂的大肚照嗎?? hahah~其實這counter還有超可愛的屋仔佈景，真係幾抵死!正正正~ 

這個水袋掛衣好紮實的，足有20磅，就等你地d男人知道女人大肚幾辛苦先得!無端端多舊肉~重心都唔同左~hahaha 

我同大比講，成世人你最好身材今日GA啦~快d感受下~!hahahahaha~滿足的表情!! 

半個會場是BB野~另外半個卻是老人野。中醫，身體評估，健康你要知等等的區域完全無興趣，最搞笑係最後連Sofa電器都有得賣~果然吸納到好多唔同ge客源 

呢部自行倒立機，話會舒緩背痛，我就唔係好信了.... 

因為門票都是免費換，而且即使換好買好，都是3天全日通，自出自入，所以行到累係可以出會場外的休息區執拾行裝同坐下~然後再入去作戰過! 結果來來回回，我地2點行到7點，食埋飯返屋企又11點了，收獲認真豐富，贈品多到不得了 

最搞笑都係保濟丸，因為見到佢個環保袋超搞笑~好G.O.D feel~職員話買1盒$21已經會有~就毅然買了人生中第一盒保濟丸~仲送紙巾，抽下獎又送多2包，真係好像真好搞笑!!! hahahah~大比話要珍藏 

比想像中多好多收獲的展覽，認定了這是8月大型BB展的前哨戰，過2個月再戰!那時應該30周了，可能體力無咁多~不過都努力格下價啦! haha~

**如想得到更多實時飲食旅遊資訊，不妨LIKE一下我的Facebook Page =]