倒數88天 - 整理BB用品清單 & 走佬袋

由一開始知道Bingo，應該不少準媽媽都毫無頭緒，去邊度登記、要做d咩檢查、咩叫閃閃oscar T21 nifty 結構 飲糖水，對嗎? 慢慢上網做多d research，去圖書館/書局打多d書釘、聽下講座都有好大得益，至少慢慢會摸清成個concept。

但走佬袋同初生BB用品清單，就真係會因人而異、因醫院而異，開刀還是順產? 政府還是私家? BB春夏秋冬出世? 就算決定了政府私家，每間醫院的配套又唔同，私家可以有package，政府又唔同，所以真係要做多d research，問下過來人同埋醫院都應該會係後期派Checklist，希望我的少少整理幫到您

這幾天假期忙於點算呢半年忍唔住買ge BB衫，仲有朋友仔比ge衫，仲有買/聽講座ge BB用品、產前產後用品，加埋都唔少野，做份inventory會好好多，之後順便做埋走佬袋checklist [我會在屯門醫院生]

Jusco BB部拎到ge卡仔其實真係好有用，拎多幾張比埋老公溫下書都得，因為我成日都唔記得放左張卡係邊，得閒又發現返咁，所以都係決定base on呢張卡做一個清單，加加再減減咁。

因為我短期內都會是全職媽媽，所以餵人奶可以嘗試全埋身，奶樽類的用品[奶煲、鉗、刷、奶樽數目]我都好唔在意，好多都無買住，純粹是見到Chu Chu的花花奶樽pack好靚，買左3大1細，再配左1個chuchu母乳奶咀頭到時真係泵黎用樽餵都唔會有Nipple Confusion

至於「走佬袋」，一路都諗住散執，因為4包產婦衛生巾真係覺得好多，48塊大過塊面ge M巾，真係用得晒? 有朋友話係屋企都照用係用得晒的，因為惡露唔知幾時完，如果少ge話可以用返夜用M巾就ok。 不過係Jusco BB展見到佩麗ge Pre-packed 走佬袋特價再2個95折，平過散買好多，所以怕煩的我最後都買了一袋。

大家所見ge 6+6+4+1之外，仲送多左塊特特大衛生巾，但我決定帶入院的將會係1包6條網褲、3片床墊[聽聞TMH有提供]、1包產婦衛生巾、清洗瓶。其他放在家備用又或者叫老公到時探我帶黎

個Excel打下打下原來都好多野，有d靠過來人的經驗得來比起醫院的list一定有用，例如廚房紙同背心膠袋其實到時非常有用，BB野盡量分開多一袋執，方便自已產後12小時就要貼身照顧BB時一手抽黎用，唔洗搵，同埋有d野可以產後先叫老公帶，出院的衫褲更加不用急於帶 

點解見d人話2個 agnes b大旅行袋都裝唔晒? 我一個蝴蝶袋都帶左8成野，係d棉花野未買、毛巾拖鞋未放落去，個袋仲有位剩，真係要帶咁多?? 我覺得帶必需ge就可以了

我好似真係有d早執走佬袋? 仲有2個多月，不過因為我太多時間係屋企，做 research同執呢執路ge時間都多到不得了，所以諗起想執就執，至少我依家仲可以爬高爬低活動自如，同埋可以清晰d知道自已仲要買d咩，周圍格下價[乳墊、棉花、濕紙巾呢d好大差價]。

希望呢篇文可以幫到煩惱緊BB用品要預備咩又或者諗緊走佬袋應該要帶咩ge準媽媽 =]

**如想得到更多實時飲食旅遊資訊，不妨LIKE一下我的Facebook Page =]