煩過揀樓。應如何選擇BB車?? 魚子醬的林寶堅尼

不少準父母，知道Bingo後，唔多唔少會有種難以形容的滿足感。那方面?? 哈哈~就是以往絕不會逛的BB用品區，早午晚行足三次都唔悶，連男定女都未照到就想買住d買住d先。完全正常，因為小比與大比也是，而當初都是從硬件先行著手，例如BB車、BB床、網床、Highchair、奶泵、揹帶等選擇花多眼亂的東西先行著手，已經足以煩足半個孕期，敢說買到一架自已心頭好的BB車必定居首! 那究竟如何是適合自已的BB車?

上圖的Stokke Xplory是不少年輕父母的Dream Car，變化多、座位高、夠穩陣，但太大架、出街太矚目[當然滿足了虛榮是個人的事]、加上價錢貴是不少人卻步的原因 [>$12000]，有d人衰衰話呢個價錢真係窄窄地都買到架二手私家車了[又真wo!] 不過呢架車如果一個人帶住BB出門都真係幾煩~係就係幾安全同埋夠高身，BB就吸少d廢氣，Eye-level都同成人差不多。不過都係「正ar~~~」嘩完算啦~

實際d，實用d，Peg-Perego是一個好好的品牌選擇，皇牌之一的Pilko 3 [簡稱P3]和2012年的P4幾乎是全香港最多人用的一架BB車，可能你望到下圖，就會醒起自已見過，因為多年來出過ge顏色極多，加上係amazon ebay等都可以直接係英美買過黎，所以本港出現ge顏色真係好多，最新出的是牛仔布是不少人追尋的花色 [但個人覺得牛仔布重而焗而難清理] 

P3 的座位比起市面上其他Combi, Aprica等都闊身好多，BB大d肥d、冬天著得多衫都唔會有種塞入車ge感覺，而且車架都算高身，轆大而且全有獨立避震，可平躺，初生已經可以用。無可否認，這曾經是我的First Choice~!紫色真係很美~哈哈，現在遇著大大特價的話，價格約為$2800-3000左右，而在Amazon買舊款[非二手]可以連運費$1900-2100已經有

至於下圖的是Pilko Switch，多數都叫它Switch就算，它整體感覺與P3其實無異，但香港行貨價錢約$6xxx，與P3差一倍，很誇吧? 它的Selling Point是整個座位可以拆出來，調轉放[推ge時候對住BB]，雖然P3都可以拆座位~但只限裝 BB籃、Carseat 等，可以轉方向就是它的特點，同樣初生可用。 你可以話市面上好多日本車都可以轉手柄方向，但歐洲車唔知點解就係鍾意調座位而非手柄

買BB車，其實2邊分開ge「士的柄」比起U型柄是好得多，一來不用加掛勾，二來重量可以平衡一點，不易反車，當然本身P3與Switch都相當有份量，接下來再Compare

睇埋呢架最新出ge Pilko Mini，同樣有5,6個顏色，整個感覺很大仔「士的車」，很輕身，收車極方便，但平躺的角度不是太多，勉強的可以話比到初生用，但因為背墊薄一點，前面無圍欄，避震無咁好，個人不建議初生用，6個月以上會較好，適合換大仔車ge父母，遇著大特價$2000樓下就可以買到手

以下的是官方的Comparison，主要留意P3,Switch以及SI。前2者的平躺角度都是175度，最值得留意的是P3重8kg本身已經屬重型車，但Switch是11kg，試問要捧18磅落幾級樓梯都未必是易事，22磅真係有點舉重feel~不是一次半次，不是每次都有老公在身邊，不能確保每次出街都順利遇不到樓梯，這點就是Switch在香港熱不起的主要原因。 

因此，SI的出現是不少人的佳音，它用上P3的車架，但前面的圍欄用了絨布軟欄，平躺只有160度，尚算可以給初生用，但重量只有5.4kg~價格亦比P3約平$800不等，但避震不及P3，要取捨了這點。

Peg Perego所有車都是雙手收車設計，但用得熟手ge話其實單手都勉強可以，因人而異

我幾乎沒有看過Combi Aprica一眼，無錯，真的很輕，收車極度方便，單人匹馬都無難度，不過避震差、易反車、座位窄、接合位手工一般，是不爭的事實，如果大家都是二千多的價位，我個人就不會選擇。Chicco是一個不錯的選擇too~不過只有專門店有售，價格較為穩定，不過不在此多說。

在朋友介紹下，認識了Bugaboo這個牌子，也自已到過Mothercare、荷花分店看實物，顏色選擇多，因為歐洲車著重車架，太陽擋可隨心換顏色、可換Car seat，加踏板等，很多變化，而且推起來極順，雖然單轆，但每個轆都可有獨立避震，而且有得當Accessories咁買返黎逐隻自已換，自由度大，座位同樣可以拆起再面向自已推，重量7kg，唯一考慮就是U型手柄了，這個全球幾乎公價發售，都要近七千的價位，但考慮到顏色變化以及實淨度，我發覺我愛上它

Rain cover咪Rain cover，點解要整到咁靚，覺唔覺得好似異型，哈哈，不過我好鍾意這個設計，官方價盛惠USD 50，我諗$400買把大人遮都未必捨得，仲要係一年未必用到5次ge Rain cover，除非真係特登落雨先推車出郊外用到盡，哈哈，但我真係好鍾意

最後我都係買左Bugaboo Bee，有用過的朋友跟我說有2個version，新一點的是Bee+，設計較為簡單易用，但她的經驗是轉座位時因為新版太易，試過試車ge時候有幾次個座位滑左落地，相反舊version人工力學d，間接d，可能拆位會麻煩少少，但佢覺得安全d，而且太陽擋個設計大幅d，最後終於找到了發售舊版的Bugaboo地方，挑了桃紅色的Sun Canopy XXXD

對，我的魚子醬是男孩，但可惜他有個超愛桃紅的媽咪，連呀爹都幫佢唔到了，哈! 

舊版的背板設計較為多格，新版就整幅d~不過無咩影響 

Bugaboo Bee的背墊比起P3我覺得更舒服更厚，而且舊version的兩邊有2幅橢圓的Seat Liner保護手仔唔會成日出左個欄，無圍欄~!?對，是無圍欄，也聽聞過Chicco有一款Bumper Accessories可以配，那是後話，因為在街上看過Newborn BB坐，平躺之後好深，加上通常對住媽媽訓，感覺還好。 

獨立避震的轆我親身試過壓上去 XD 是真的有用，拆轆換轆都簡單快捷 

整個車架我都很滿意，唯一不滿的是摺埋後不能站立，簡直是我考慮時的最大隱憂，因為歐洲大多是駕車一族，他們不用顧慮，而我們是在人逼人的香港啊，前轆可以lock實之後靠著牆/凳半躺半企，唯有安慰自已用餐時可以放在身邊吧 

相信除了這個桃紅的Canopy，我會多配1,2個男孩一點的，希望我會，買了這架BB車，我不禁跟自已說，我已經當它是林寶堅尼了，希望BB會鍾意佢坐多d

**如想得到更多實時飲食旅遊資訊，不妨LIKE一下我的Facebook Page =]