母乳是好。但緊記不是萬能! 小心毛囊炎

餵母乳，是大部份這一代媽媽都想做的事，然而不少老人家上一輩都會哦哦哦哦哦「人奶稀。無營養」「人奶食唔飽，食到個孫瘦晒!」「又要座熱咁麻煩，我唔會幫你餵泵奶」......對放完產假就要返回崗位的在職媽媽確實是一個很氣餒的環節，但只要有恆心真係無人阻到你的；慶幸自已是FTM，慶幸身邊無老人家ee哦哦，至少口講都話餵人奶好啊好啊，而且我有藉口日日對住個仔，唔會放低比人湊；個仔係自已ge，如果一生出黎就預左比人湊，咁生黎做咩? BB每日都有唔同，每日都學到不同的技巧知識，日日對住佢其實好開心，也完全摸清楚佢想做咩。

入正題，餵人奶的媽媽都很喜歡稱自已做富媽、窮媽等，

意即夠唔夠奶比BB食，有d媽媽天生多奶，多到爆冰箱同沖全人奶浴；有d媽媽就日日追奶追極都要補粉；魚子醬So Far都食得幾好，到依家都係全人奶、全埋身，而多出黎ge我都無再用消毒泵，泵黎沖涼算，不多不少，每日200ml多出來到。沖完人奶浴ge BB真係會滑d，而且有傷口ge會快d癒合。但沖人奶浴可能都只係1比99的濃度 [未富到可以全人奶，亦唔會咁做]，因為純母乳接觸BB皮膚其實有利有弊，並唔係萬能，亦唔可以當藥膏用，雖然入面好多Antibodies

母乳搽皮膚，因為大量糖份與水份，加上皮膚的暖暖環境，是細菌最好的溫床，特別是秋冬乾燥的季節，搽Cream啦! 有媽媽曾經幫3個月ge女女沖涼後擠d人奶幫BB搽面同膊頭，結果?? 結果幾日之後BB塊面紅晒，不停R面，媽媽即刻幫佢用水洗面，翌日BB塊面流晒黃色ge膿水，仲結晒焦。經醫生診斷後，發覺BB是患了毛囊炎~!

醫生指出搽母乳是毫無科學根據，正正因為佢有大量蛋白質、脂肪同糖，就是細菌繁殖的Nutrient；而且初生B皮膚薄而嫩、多血管且皮膚通透性高，呢d都係細菌通過毛孔入侵體內的有利條件，因而引發毛囊炎，使皮膚起膿，如果無及時睇醫生仲可能會有敗血病感染全身，直程對性命造成威脅。

奶媽們，沖人奶浴已經好夠，唔好搽人奶啦!