魚子醬第一個農曆新年的黃金戰衣

剛過去的星期日與一班好友到1881 Hullett House的隆濤院飲茶，食記後補，不過J姐姐又買左新衫比魚子醬啦! 係一件全金色的米奇棉襖夾衣，size 70剛剛好，係帽仔大左d戴唔到出街

姐姐話套衫係兔之皇國 買，有藍金兩色，仲有其他款都ok~不過呢d衫仔始終女仔款多d靚d~

之前都叫住佢唔好買，因為始終新年一星期，頂多比你著到2,3次，基本上之後3個月都唔會有機會著，之後就唔岩著。不過J姐姐話點計都係魚子醬第一個新年，要新衫啊! 

媽媽們如果想新年前呢2星期把握最後機會買棉襖比BB，都可以參考下，呢件質地都厚厚地，唔會好似大人個d做樣ge唐裝薄到得一層咁。魚子醬已經整裝待發，拜個早年先!