2013 BB春季購物節 - 荷花BB展大收獲

每年二月、八月都會有荷花ge大型BB展係會展舉行~二月小型d不過我覺得都好多野行~當然如果你一心衝住入媽媽會~拎sample要拎到盡ge話~就只有8月適合你~~岩岩呢幾日 22-24/2 ge 展覽~我地收獲都好豐富!! 去片~

考慮過好多路徑過會展~因為推入BB車~其實搭地鐵搭巴士到灣仔都唔算特別方便~最後選擇搭西鐵到尖東後轉船~唔洗收車又行得最少~~首先到海港城看Sedov~是世界上最大ge古帆船~入左Guinness Record架~!不過日前又無時候參加tour~今日ge飛又派晒~無緣上船不過齋睇都已經好靚~好宏偉呀~如果有幸見到佢走ge時候開返d帆應該仲靚 

每次看到這背影我都好安慰~無左魚子爸都唔知點算~

因為搭船過灣仔要行樓梯~~一手就捧起行上去~計埋呀B都15kg~~不過記起佢之前係日本JR站左右手各拎15kg行李一口氣上落樓梯~~個次我真係O晒咀兼好驚佢跌爆行李~竟然無野發生過~!勁!  

魚子醬第一次搭船，會唔會暈船ga你~?! 答案係佢繼續自得其樂~可能本身BB就已經鍾意比人搖黎搖去~所以一d影響都無~ 

有Lift直達3樓會場~都幾快~安排亦幾有序 

售票處都要排下短隊~都係一分鐘到 

$25一張~加$5要左本 Coupon Book 

差唔多食奶~就決定一入去就先換片食奶再慢慢行! 換片位ge設計幾好，我地用邊邊位仲有得泊車，原來好多爸爸都係負責換片架!比個叻叻d爸爸~好似參加緊比賽~hhehhe~魚子醬仲好八卦係咁撩隔黎 ; 不過我想講母餵房真係10個設計失敗!!! 用舊式個d膠簾做門本來無問題~但係因為成日有人出入~經常有條大隙~外面ge人一望入去就係靠牆ge一列位~屏風位得一半~痴左線~! 結果個個一有位就調過另一邊牆坐

除左人頭湧湧ge BB用品街~教材、保險、信用卡等都較少人流，不過唔係我地需要ge野，所以路過就算 

見到有BB爬行大賽，超搞笑，d 爸爸費盡心思叫佢地爬~有d反而向返起點爬~有幾個又坐係度傾計~有個B女仲爬去周圍d小朋友度錫人~hahaha~~第日魚子醬識爬肯定超爆笑 

呢架Origami BB車電動開車收車~超開心ge設計~不過係街咁樣好似有d嚇人~heheh 

魚子醬呢幾日會開始食糊仔ga啦，所以正好可以幫佢添置新餐具，之前一直都諗Richell/ Combi，不過最為我呢個偽環保媽媽都係決定用粟米餐具 

與其d膠成日話自已有幾威有幾無害，始終都改變唔到對地球ge傷害，到佢要扔ge一日始終都係一舊消失不了的膠製品

Combi玩具全部75折~但有部份明顯mark高原價先特價~不過我地都執到真係平左ge玩具 

 我地先係TT買左感溫ge匙，仲有張Magic Table Mat，呢張檯墊可以解決無吸盤ge餐具唔會比呀B撥走ge煩惱~出街就算餐廳有檯布吸唔實都可以吸實個碗；另外買左Healthy Times糊仔，$53有八折；而思詩樂濕棉$90有120包，平過出面好多下，出街都可以抹面了，雖然我地有手口濕紙巾，不過都費事成日用，佢寫純水我唔信

玩具一向都係我地重點項目，哈哈，係Combi買左貓貓手套[折後$120]，有bb最鍾意的膠袋聲，想買好耐架啦；另外係Lamaze買左好多野~因為我地一向都鍾意呢個品牌ge玩具好colorful，對比色用得多；想買個d圈圈好耐，呢度有一set仲要A-Z又有唔同花紋~殺! 

最勁抽都莫過於左上角個set大玩具，係好似平時反斗城見到Fisher Price熱帶雨林咁，不過唔係個個屋企都長期有咁大個位放咁大座野，所以呢個Jumper就完全解決左呢個問題，係掛係門框架!放心~好實ga~遲d再詳細介紹~呀B玩得超開心

Upside Down Mirror, 蝸牛等都係Lamaze買野加錢換，$20-30就有一樣~我換左3樣~正!

原本想買Soft Touch乾棉ga~$240/10包~散買$25，就算散買都抵呀!因為Jusco $32.9，就算有時做折都平唔到去$25，不過因為個Jumper好重而我地又已經好多野，仲要預一陣要搬BB車上落樓梯，所以好唔甘心走了!好想繼續行呀!雖然多人但都行得ok ge~因為大家都係BB父母 / 大肚婆又或者都有推BB車，所以即使人多到得返單程路要互讓，都唔會有人zep你同爬頭，期待8月BB展再來! 到時魚子醬就1歲就可以參加爬行比賽同添置多d大仔野

**如想得到更多實時飲食旅遊資訊，不妨LIKE一下我的Facebook Page =]