鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

2/04/2013

全港育嬰室大比併[一] - 尖沙咀海港城 - 海運大廈地下

自從魚子醬開始定性,這個蒲精媽媽又點會放過每一個外出的機會呢,要補返過去幾個月無得shopping的時間,呵呵! 但始終目的地會有所限制,多數會找有育嬰室的商場行,最好有埋獨立房間餵母乳,我還未練成在公眾地方用餵奶巾那麼勇敢[二來魚子醬食奶唔係好乖]

整理相片時發覺自已都到訪過不少育嬰室[其實應該比相片更多,因我會無端端行街見到育嬰室,唔用都睇下,至少自已知道大概邊度有d咩設施,所以相片陸續補影返] 

第一炮選擇以暫時我最滿意的育嬰室 - 海港城海運中心地下作介紹,因為好少商場會肯空出一整個舖位來做baby care center,人流集中但流量快,而且設施管理都做得好好,給一個讚;連清潔呀姨無咩野個陣都會企係門口講byebye~又會問入黎ge人換片餵奶粉定母乳


因為始終這裡人多,相片要快拍有點Blur~請不要介意,有一次試過臨閂門黎得我一個但又唔記得影相,有機會補返 =] 除了一入門口右手邊有4,5個換片位與洗手盤和鏡,左手邊是大B玩樂區,有軟墊和玩具等 [我經常看到呀姐清潔的],再入入面有BB車泊位,呢個真係細心,都泊到5,6架 

「停車場」對面就是近10個位的開放區域,有暖奶器,每張梳化兩邊扶手都有安放奶樽的位置,經常看到不相識的媽媽們會餵住奶交流,幾好 

最入面有三間獨立哺乳房,只要一鎖門就會亮起「使用中」的燈,所以無試過有人喪敲門,而且等房又可以一隊等3間,好快有得用。三間我都用過,大同小異,但今次用最入的一間有埋全身鏡,真係Perfect~! 有小檯放暖奶器,也有抹手紙 

Standard的餵奶梳化,雖然房入面無換片位,但好多時我都係度換埋,梳化都夠大,咁就唔洗兩頭騰~ 

近三十呎的空間相當充裕,推埋BB 車都大把位行,梳化旁的位置設計到可泊BB車的闊度

今次見到有鏡,忍唔住同魚子醬來張自拍 =P 如果真係要數缺點,可能就係房入面無得插電,用電泵的媽媽可以要用電池盒或者上樓上的育嬰室[容後介紹]

另外一提,這個大型的育嬰室是收9pm的,咁之後點算? 原來近反斗城的電梯底都改裝了一間育嬰室,這裡是獨立大大房,有齊洗手大鏡長梳化暖奶,不過都係無電插,根據經驗呢間仲搶手,不過我成日覺得如果餵奶粉又霸晒成間房就有點兒那個

位買就在反斗城對出的扶手電梯底,與大育嬰室只是幾步之隔,呢間就商場閂先閂;除此以外Toilet都有得換片 

**如想得到更多實時飲食資訊,不妨LIKE一下我的Facebook Page =]

0 Comments:

發佈留言

記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮

文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance

邀約合作請聯絡: megan_wong@ymail.com

Related Posts Plugin for WordPress, Blogger...