鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

2/19/2013

Day 136 - 小朋友的學習速度真的超快

明明剛出世細到粒豆咁,點解可以咁快就肥嘟嘟,咁快就長賴賴,咁快就重過個保齡球架! 
都算啦,但BB的學習同模仿速度真係快同強得驚人,太多太多例子

四個半月的魚子醬,可能因為坐得HipSeat多又或者係我成日比佢挨住坐係度玩,琴晚突然唔比人扶,要自已坐係度,用呢個角度周圍望,你會覺得佢真係認緊野,認識緊每樣野

經常發覺他有沉思的時候,呆一呆,諗一諗,跟住就會流一大滴口水出黎 =.=
雖然距離真正可以自已坐起身同坐得直仲有段日子,唔急,不過可以自己斜斜地坐,以四個半月B都要比個叻佢先得 

例子二,可能因為我成日係佢面前飲水,我一日飲十幾杯水,有時抱住佢我都照飲,所以佢對我隻杯實在太熟悉;琴日飲水,佢伸手埋黎拎走我隻杯,杯入面仲有一兩啖水,然後佢推開我隻手要自已拎住,跟住學飲水;當然,最後有一半水係倒左落頸濕晒,不過出奇地佢飲左咁大啖水都無瀆親,我又比個叻佢 
因為玻璃危險,我拎走隻杯換個BB耳仔學習杯,佢大叫鬧我咁....要拎返呢隻比佢先靜,太過份,人仔細細就學人用杯飲水,仲要係玻璃杯! 算啦,我一向鼓勵佢咩都試左先,有危險有難度有苦有辣有野拮佢自然會知咩應該掂,咩唔應該掂

例子三,雖然佢已經學識拎住玩具自已玩都好一段日子,但圈圈類ge就最穩,一d肥大d又或者薄dd ge野,最緊先識用2隻手指執起,好似下圖ge波波,佢仲可以左手交右手,雖然最後都係會食到濕林林~hahahaa

我大部份時間都比佢放野入口同食手,始終口腔係BB探索ge主要途徑,味道質感等都係用口試,唯有勤力d抹下,不過有時都好難避免,下個月就可以食糊仔,唔洗再得個睇字啦!

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...