BB食記 - 瓜蓉。菜蓉。肉蓉冰粒製作方法

一開始煲粥仔，魚子媽的工作量倍增，因為要食唔同ge菜、肉、蛋等來平衡營養，每朝又要早d起身煲粥睇火，所以最後都出絕照，整冰粒，咁就可以每星期忙一次就ok

當初考慮過用雜貨舖的磨薑蓉板製作，但真係幾辛苦同成功率低，BB品牌的人手研磨器又好貴，最後都係決定買電動攪拌機，畢竟作為超忙的全職媽媽，十數秒就有人搞掂的程序，總好過自已在廚房作戰，萬一魚子醬當日係咁喊我無整唔到? 下列為節瓜蓉冰粒的製作圖

首先洗淨節瓜再刨皮，最後切成手指頭大小的粒粒，放落水煮至熟透，最重要看見它帶點透明軟身就可以，我地只需要一個搞蔬果的攪拌器和一個有蓋的冰格就可以，冰格在$12店有售，有多款大細，個人認為這款麻雀大小的最為適合 

因為節瓜水份多，所以當全部節瓜落晒後都不用加水，直接打成蓉就可以，看，一個節瓜約可做到十粒冰粒，以頭2日吃一粒，慢慢加至2粒的程序，這裡都夠吃一星期 

從前的冰箱放滿冰奶，現在所有冰奶都用來沖涼了，冰箱就轉了很多一盒盒的不同冰粒，只要煲粥臨煲好時加一粒落去翻滾就可以，超方便，外國的網站說這些菜冰粒的保質期為一個月，但個人認為5-7日較為理想，畢竟BB食的東西都不應雪太耐，而且無必要一次做1個月份量吧。不過因為瓜菜肉結冰後張力較大，比一般冰難取出，最好都係用熱水浸一浸個底

豬肉冰粒製作方法

買$10瘦肉，切片，零調味蒸熟，放攪拌機[記得換攪肉對應的杯]，加水要蓋過肉，開快速打蓉後再慢打至滑身，同樣倒進冰格即可。$10約可做到14粒上圖的冰粒。

西蘭花蓉冰粒

因為西蘭花本身較易藏蟲蟲，所以製作前建議用鹽水浸幾遍，洗好後要花唔要莖，蒸熟後倒入攪拌機加少許水，打至合適的糊度即可

咁以後就只需要煲粥時冰唔同ge粒粒就可以做到不同combination的雙併粥啦~!yeah~其實連粥都可以做冰粒~~不過做人都係唔好懶得過火~粥就食新鮮啦~反正45min內都煲好

**如想得到更多實時飲食旅遊資訊，不妨LIKE一下我的Facebook Page =]