既然訂不到蛋糕，自已整都總算係一個可行的方案，當然整了多年甜品蛋糕的魚子媽才這麼大膽，朋友聽到都覺得Mission Impossible，個個都覺得蛋糕錢唔好慳啦，費事辛苦自已。不過整開餅ge人都只會覺得出面訂價實在太高，好似一個8吋大ge公仔形狀Macaron，竟然收我$750，我只想講句，Macaron ge材料簡單到不得了~你買$750雞蛋，由零開始都整到變神仙了
所以~!自已靠自已~相信多年來的經驗可以應付+應變得到
[場地篇+下水禮]: http://megan-soso.blogspot.hk/2013/09/1-party.html
[必看的蛋糕甜品篇^_^] : http://megan-soso.blogspot.hk/2013/09/1-party_22.html
係香港走了幾間最大型的烘焙店都找不到心水的蛋糕模，反而在萬能的淘寶找到 [因為清楚知道烘焙店的現貨都是同一批，所以放心淘]，九節車卡，大部份不相同，成功的話一定好開心
係Party前48小時先收到個模，時間無多，第一二次Trial都是用最簡單的海綿蛋糕，但脫模真是一大難題，因為Detail位太多太多，好多時都會斷同漏咁d，第一晚失敗，之後成晚攝高枕頭，個腦似乎無休息過咁訓左成晚，第二朝一起身就決定用朱古力殼試下~如果ok的話~落街買Cream整Mousse Fillling
結果~我將原本用黎整裝飾ge朱古力塊都溶了當火車，估唔到每節火車因為多Details要整厚d先唔會脆裂，所以用好多先整到~但So Far明顯地脫模時超開心
已經是Party前夕，顧不了那麼多，一成功就去馬，賣相very good超滿意，即買Cream!
雖然做First Batch時都見到有氣孔唔記得鄧走，但到做正式ge第二批時，都唔記得，算了算了
魚子媽為了方便已計，今次所有野都是以時間取勝，因為主要是裝飾為主，用的是植脂的無需調溫牛奶朱古力，室溫已可凝固，看一邊倒模時已經開始有d凝固，但為了脫模靚同時間快，我都有放入4度雪櫃15-30min，反正最後Fill Mousse都要雪
Mousse的一Part我無影了~因為當時已經12am，只想快做快睡，內裡的Filling是檸檬慕斯，最後用先前試驗性質的朱古力海綿蛋糕放面 [即反轉上碟時就是火車底]
運送是另一問題，但在家中的櫃隨意一翻，我又看到了一PACK未開的方型蛋糕小盒，WOW~!簡直是為我而設的，所以就用了九個來獨立包裝，沒有它們的出現，相信真的呢咁hea
木盤也是新買的，到了現場才裝飾擺盤，有星星朱古力、M&M、彩針等，而路軌就是大家都愛吃的可樂味粗繩糖
時間無多，要在客人來之前砌好放入雪櫃，所以原先想用朱古力筆慢慢劃線條，最後都沒有加工
另一個親手DIY的就是Baby腳印朱古力百力滋棒棒，話易唔易，話難唔難，但for party幾好
淘寶有這些Wilton的模具，但我自已最後在二德惠買，$32，有好多款的，Love, 心心，花花，咁我當然是買BABY的款式
只需用朱古力筆浸溶後勾出字型同公仔，放入冰箱雪30sec，乾了表面以後再倒上一半已溶的朱古力，放上百力滋，再倒另一半on top，得左!
燈凳~效果是不錯的~!不過因為每次只能整6枝，所以進度係會有d慢。倒完朱古力漿放入冰箱5-10分鐘，因為冷縮熱脹，唔需要諗盡方法，基本上已可自動脫模，拎住百力滋就拎得起
雖然唔係咩大搞作~但呢個Chocolate Decoration for Party真的不錯，可以周圍插，又靚又精緻，雖然咁大排朱古力未必有人食，不過影相好靚，各位BB家長不妨參考一下，有咩都可以隨時問我 =]
魚子媽，您好強呀����
回覆刪除