魚子醬周五手記 - Party Buddies 放電好去處~!

其實一直都知道屯門工業區有不少BB用品舖頭，也有室內遊樂場，不過一直的唔起心肝過去，又怕工業大廈會唔會好Dirty呢? 經過今次的視察後，我又覺得Encore機會甚高啊~! $30可以玩2個鐘 [其實無咩人我又覺得佢會比你任玩，但小朋友都捱唔到咁耐啦] 地方唔算好大，亦可以話全部野都係淘的，不過，好就好在真係成間Playroom都係軟身ge野，無尖角，所以玩得超放心，這個價錢當係幫補下佢ge租金，又可以是媽媽們的吹水之地

我都係第一次踏返工業區，不過都好易搵，係鳴琴落車 [又或者505山景南落，行1分鐘出返黎]；上天橋，沿住天橋ge大斜路樓梯落 

一出天橋口，左手邊的大廈已經是「廣建貿易中心」，普通商廈大堂，非工業大廈 

上到16/F就見到這易拉架，應該無搵錯地方了，不過就係密封的門，有點怪怪的感覺，又說入場時先付同除鞋先，所以我地就放左對鞋係個架，拎定$30出黎，再按門鐘 [大人緊記要著襪] 

瞄一瞄周圍，well~~得一個2歲左右ge姐姐同婆婆玩緊，幾乎包場了~! 太好了~所以一開始就放手讓魚子醬自已周圍玩了 

雖然我地屋企都有波波池，呢個夠大但唔深，不過有滑梯 =P 但魚子醬面對其他更新鮮ge大型玩具，就明顯覺得波波池不夠好玩 

我地來到旁邊的大彈床~! 一向嘉年華呢d都超多小學生玩，我們不會玩，玩在可以獨霸!!hehehhee，魚子醬一開始企唔穩~好搞笑~ 

經歷過無數次ge彈走，終於成功啦~!yeah~~ 

之後一路都可以如履平地，不過有時都會彈左彈右醉拳咁，哈哈~好鍾意他捐出來的樣子 

周圍走周圍走，係屋企就成日掉轉坐豬仔車，黎到呢度就調轉坐馬仔

這裡都有三架不同的豬仔車，不斷被他上演連環相撞 

呢度都有座地的電子琴，其實一直都想買，今次試過之後發覺無論高度定玩樂成份都Perfect~! 看來屋企遲d又會多了點嘈音~hehe 

呢架大型電動車~就當然唔郁得~否則就大件事了~hahhaa 

不過一落車佢又發覺隔黎有工具檯~比晒d螺絲我，然後把鋸竟然唔比我，但攝係我對腿中間=.= 然後再拎個鎚仔去破壞~hahaha~ 搞咩ar你

玩左一陣，姐姐走了，我地約埋朋友仔過黎一齊玩~Lucas 仲有幾日就11個月啦~!快d學識行~一齊周圍玩啦 

魚子醬上到個「公園滑梯」到，起勢跑黎跑去，呢度影相又幾ok~好似自然光 

HELLO~~~ 

爭野玩，爭野食，哈哈~小朋友真係好可愛，爭完又要比返你，比返你又要爭過 

一盒Candy 道具就係咁比佢地催殘了~ 

一個大盒內有6,7架車車，又上演一幕倒晒出黎，扔返入去，倒晒出黎，再扔返入去 

就係咁，我地玩到差唔多5點了，都玩左2個鐘，Lucas更加之前個覺只睡了15分鐘，魚子醬都過鐘要昏迷了~所以呢~比再多ge時間你，都要個細ge捱得到~heheh~我地走人啦~臨走ge時候叔叔仲送左每人一張貼紙，真好~! 下次再黎玩過啦~thank you~~

留意Playroom 開放時間是二、三、五 2-6pm ； $30一大一細，多一個大人$10

星期六 都係開2-6pm~但就$50/2hr, $60/4hr~~留意有時SAT會有人包場開Party~問下先好

地址: 屯門建發街5號廣建貿易中心1601室

http://www.partybuddieshk.com