2013 聖誕燈飾裝置情報 - 樂富廣場zone B - 珍寶珠 Color Your Mind 遊樂場

今年是珍寶珠55周年，特意與領匯合作為旗下幾個商場佈置聖誕裝飾，當中以樂富最為壯觀，平台過萬呎的場地這幾年都有不同主題的玩樂區，今次都有不少珍寶珠的大型裝置知攤位遊戲 [只限周末假期]，遊樂場位為zone B，搭地鐵的可留意出口，否則要走一段路才到

室內有八米高的珍寶珠糖果機聖誕樹，真係大人ge回憶，小朋友ge興奮 

超超超多真ge珍寶珠，不過當然就扭唔出啦~haha 

大家又有無試過收藏糖紙? 我都係今日先知原來咁樣拼埋都幾靚! 戶外場區是25分鐘為一節的，不過當日前往是平日，遊人根本不多，就可以自由出入 [不過都有保安在門口]，眼見有唔少「蛇餅」圍欄，相信周末會好多好多人，就要分批進場 

見到如此多七彩裝置又不會排隊搶位影相固然興奮，不過領匯ge Logo幾乎無處不在，要做到「你點影都一定會影到」，這一點就真係小家左d 

拋磚ge攤位，獎品都是珍寶珠吧，不過平日沒有開放 

有火車卻不能內進，可惜 

可以圍的都被圍了，影相確實無引得多，不過香港人周不時都會破壞裝置，都總算明白這樣做的用意，要是人人能自律就會自由得多 

在尾條還有草草迷宮，好就好在只得一條路，一定唔會迷路，以小朋友的角度來看，已經超好玩，不過要小心場內好多高低起伏，要小心 

唉呀! 堀頭路黎ge?~!~ 走啦走啦走啦 

迷宮內都有幾個影相位，這個公主椅好受歡迎 

離開迷宮，面前是音樂樓梯，可惜當日天陰有積水沒有開放，否則應該是其中一樣最好玩的裝置，七彩繽紛，小朋友踏在其中，不過都要小心不要忘形，始終是樓梯 

除了拋磚遊戲，也有籃球game，大家不要錯過啦! 

看過整篇文章，吸引麼`?! 最好是揀晴天的平日來，可以多影相，但周末來又可以玩攤位，各取所需，不過始終都有點介意...介意咩?

過份地Hard Sell~~! 只會令人反感，你有logo大家都會從商業角度明白，但實在太多超多，有時珍寶珠的糖紙上不是寫Chupa Chups，而是寫領匯的，可惡，要避來避去拍照

大家想知道更多日常生活的小趣事，Like 我們的Facebook Page會看到更多，多謝大家支持^-^