魚子醬玩樂手記 - 信望愛。全球最大的海上圖書館郵輪「望道號」

又是沒有爸爸在身旁的一個大旅程，遠赴堅尼地城碼頭總站，為的是停泊在招商局碼頭的「望道號」，其實上周也停過在啟德郵輪碼頭，可惜正值復活節長假怕怕，終於在尾2的一個黃昏來到，要帶住隻Monkey上郵輪，諗起都頭痛

在遊覽的過程，全程要揹住佢免得撕爛晒d書，同時郵輪雖然夠笨重，不過有時都會微晃動，不放心他自已走來走去，但亦因為咁，魚子媽要承受埋他的重量再晃動，有點暈=.= 

身為新界人，今次真係第一次走入堅尼地城，有點慚愧，但同時發覺原來這邊的對岸風景超美，遠眺青馬大橋，只係有點迂迴 

$10入場費就自由看了~~~先是一系列介紹本船的相片與小知識，在過往的40年，這郵輪已經到過超過160個國家了，香港於前年停泊在海港城後，短時間內又回歸，實在是福氣，船上超過400位船員，來自45個國家，書藉有>5000個選擇 

在出入口處還有一排排凳比大家休息同睇video 介紹LOGOS HOPE~食下茶點飲啖水都ok ga~因為入到裡面就要坐地下睇書~呢度係cashier前有得坐ge地方~當然你都可以揀晒幾籃書之後過黎坐低慢慢考慮多次 

以為在船上排列會有特別，但與一般書局完全無異，正斗 

因為望道號會周圍去的關係，書上ge標價不是貨幣單位，而是以unit計，比方說100 unit的，就等於HKD 20，其實100unit都有好多選擇了~!而25就多數係文具玩具貼紙，50都有d 特價書ge選擇~所以唔好以為多數都500以上啦~錯了~絕大部份都係200,300 ga ja~平時Page One HKD300個d Disney故事集~呢度200units ga ja~殺死人的價錢!

除左書，其實都有cd, dvd, 玩具~精品滿足大家ge需要，所以一家大細上到黎都唔會悶~書籍涵蓋ge範圍都好廣，bb硬皮書唔少~以5-10歲ge raneg最多~都好多skill training 練習遊戲書~ 

揹住魚子醬真係唔適合打書釘，佢又會搞亂檔，又唔放走得~爸爸又唔係度 =.= 所以無乜心情，亦唔想買好多之後要自已拎~所以只係買左2,3樣野~我見唔少小學生family係買幾籃書 @@ 

相唔影太多，免阻住別人看書，但cashier以後就有生命之旅的故事，可以平靜一下大家ge心 

經過生命旅程~會來到cafe區域~座位不少，但賣的主要是軟雪糕~咖啡~popcorn等小吃~無正餐食~~~休班ge船員都會聚埋一齊jam歌~仲可以feel free搵佢地傾計~分享船上ge小趣  

買完書，真係要休息下先走~整理下行裝~腰斷了~就回到出入口的紅凳area~比魚子醬活動一下~有模擬駕駛的裝置~其實已經8點了~離關門時間只有30min~但同時應該要7點食飯ge我地都仲未有野落肚~食住麵包頂頂先~希望返返出灣仔區先食，再搭巴士回程 

有「示範單位」，看到船員的房間陳設，不算大，不過應該都算舒適的~ 

要跟望道號說再見了~今次係我地第一次踏上郵輪~上落ge鐵梯其實都幾斜~要小心小心~所以如果有帶B車來的~也是要在鐵梯下放低~不能帶上船 

接近九點了出返市區~要快食快回家~心裡只想到吉野家~沿途經過好多間分店~都落唔切車~最後在集成對面落車了~點知~無bb凳都算~個個都打邊邊~無位坐~~~唉~~~~走過鄰舖的元氣吧~本來病病不能吃生冷野~不過當前這刻只想有得食~! 點些烏冬熱一熱吧 

在全滿的情況下，店員給我倆安排了大卡位~好尷尬~但同時要夾住隻monkey坐卡位係最不想發生的事~佢會不停想拎晒迴轉帶上ge野落黎~抓狂了!!!!!! 點解連一向最保證有BB凳的元氣~呢間都無b凳!!! 灣仔都有好多人住ga je其實~咁d bb點算 =.= 

食到超狼狽~超抓狂~超想快d走~一個人帶住魚子醬周圍去都無大問題，但原來都有氣餒的時候，今晚只吃了青瓜小卷~烏冬~枝豆~飛魚子壽司同自已鯨吞左個軟殼蟹手卷充饑就急走了~~完全唔想再花時間自已食野~~~HELP HELP HELP~~~~幸好回家後，看到魚子爸在 景逸軒 的打包，那盒龍蝦伊麵超多腳~似乎公事應酬飯聚上大家都不太落手~最後我一個人幹掉了1x條鱈場蟹腳咁粗ge龍蝦肉 [要感謝人肉剝殼機~10年來我都無動過手剝殼 XD]