小朋友剪髮 Salon 推介 - 魚子醬變回男生的清爽髮型了!

魚子醬的髮型已經菇到不能再菇，而且夏天來了，每次訓覺都滴汗，總不能4月就開始晚晚開冷氣吧~!? 最後決定狠狠的剪提長髮~做回真正男孩子 

[因為一直都太多途人誤以為他是妹妹]

原想選擇在奧海城/皇室堡的專門兒童Salon，因為他實在超怕剪髮~不過爸爸一聽到$320就黑面 =.= 大人都剪到2次啦呢個價；所以最後退選家附近的Salon，收到傳單，有家店也有BB區，於是就上了柏麗視察一下，有2間車車，地方好闊落，而且只是$68，試試無妨

店員有問想搵邊個師傅，魚子媽只答了一個「邊個最handle到小朋友就邊個」~結果幫魚子醬改變形象叫Rick，先前選了車車，坐好了，一圍上布就大喊了~可能是未warm up的關係~所以最後全程都是抱著剪，幸好地方夠大，中間有大圓梳化，可以坐在那邊剪~要不就重死了!!!  

車車嘛...就剪完先玩得開心囉~! 不過第一張圖都仲係負面情緒緊~一照到鏡見到自已就唔同晒

  

呢度除左2個車車，仲有大量玩具公仔~不過最後最有效的都是播Barney =[ 車車是淘回來的貨色~原先係真係行得有燈有聲，現在就安裝了上剪髮凳上；雖然最後魚子醬都係無理過~無bye過~不過心情總算平復了，而且$68實在超值，而且配套不錯的，有碌碌棒比我地碌返衫上面ge頭髮碎~~因為我們是抱著的關係，所以魚子醬與媽媽二人都相當受災~ 

如果在屯門區想找小朋友Salon的話，不妨來Wehair 2306試試，因為燈箱廣告也大賣有BB區，至少髮型師們都預左要應付小朋友~又多d經驗~價錢仲平過平時跟爸爸到荃灣找熟悉的師傅剪 ~店名已道出在23樓~樓上舖地方真係好大~以後都應該會再來

剪完到戶外審視一下~效果相當不錯~而且即時upload上facebook page的回響都很大~大家都很喜歡這新髮型~感謝感謝 

清爽多了~! 而且滿足到媽媽的要求~保留前面的劉海~同時下半又是清爽的~這是一直以來剪開的髮型師了解不到的形容~所以一直都說向bob頭出發 =.= 

見唔少媽媽每到呢d天氣就會問邊度小朋友剪髮好~魚子媽同大家推介這間試試吧