魚子醬玩樂手記 - 玩具圖書館。大玩特玩平時唔比買ge玩具

係香港中央圖書館入面ge玩具圖書館，可以話係全港唯一的公共玩具圖書館，由Playright營運，有借不完的玩具 [因為每節限 大+小40人]，玩具過百款，而且同一款玩具可能有3,4個儲備，小朋友唔洗眼紅人家有得玩~! 這裡的玩具種類多不勝數，由家長們最怕買的 TOMY 大型路軌、LEGO、煮飯仔、照顧baby、醫生扮演等等等，想得出的都有，甚至小B玩的搖鈴玩具都有，大至8歲玩的紙板遊戲也有，算不上是Playhouse的空間，但是這裡是個「好想買的」玩具樂園

館內以軟墊平地為主，只有一個簡單的小閣樓可以上去，其他都是檯凳和小診所場景等 

這是魚子醬第一趟來中央圖書館，沒有事先計劃來，所以沒有預訂甚麼，結果走到門前的counter就發覺原來大家都習慣性地會book未來一星期的時段，每日一節，d「姐姐」可以放小朋友玩，又同朋友吹水，所以超多節數都已滿；當時大約2:45pm，職員告知最快「一定有得玩」要7pm =.= 但可以嘗試排後補3pm，是waiting list的第八位，當然照等先~! 

全室都是透明幕牆的，所以就算只是媽媽和小朋友進去，爸爸也可在外路過時看看玩樂情況  

我們的後補8 也終於成功進場了~! yeah~可想而知有幾多人係book左唔黎~唉~~香港人~~~記住入內大人小朋友都要有襪，特別現在夏天，大家如果著涼鞋外出也記緊帶襪，不然就要到地下服務台買 

一入內，其他「熟客」都圍滿櫃台，奇怪奇怪，唔係入去玩ga咩~?! 原來大家都會填表借一盤玩具坐低玩，well~~本目錄花多眼亂，也分好了歲數，但最後還是選擇問姐姐仲有d乜野，只要是火車的就可以~~~結果我們也借來了一盤Thomas and Friends路軌自組 

2歲還未很適合玩這些火車路軌，因為火車大部份時間都在魔怪手中，唔比車自已行，還未做到「眼看手勿動」，不過本著人有我有的心理，也是要搶著玩 

小朋友的專注力只有數分鐘，有很多小朋友隔一會就「離座」，無形中交換了位置玩別人的玩具，其實無傷大雅，不過大少少ge小朋友好多時都會有佔有慾，會起槓唔比人行埋，甚至有d家長會黑面，都係玩玩具 share je~唔洗咁呀嘛....每節45分鐘玩樂，唔信所有小朋友都會45分鐘玩同一盤玩具，大人都未必有咁ge耐性 

走進小baby area，這裡有更保護的設計和厚墊，魚子醬20m，走進來顯得格格不入 

魚子醬最愛的是這個閣樓，經常在上面俯瞰場內 

說大不大，但因限人數的關係，玩樂空間非常充足，而且原來45分鐘飛快地過，快樂不知時日過，魚子醬最就放棄了火車路軌，改玩這小屋，不過上面是木板地，著襪非常非常滑，建議職員加上地氈會較安全

真心佩服，竟然連中藥的實物模型都有，好多連魚子媽自已都未見過真身~強! 

最後時段跟魚子醬來玩食物的磁貼遊戲，也認到不少，可以考慮在家也買些食物磁貼，跟小朋友重溫每天吃過的東西 

職員會在最後時間跟大家說要收拾玩具了~~就是這樣一盤盤的借出，所以借還都很方便，每次交還後職員都會拿去消毒，場地也會稍作清潔整理

雖然在圖書館內有一個可以嘈ge地方非常好，不過本身玩樂設施不多，單憑玩具不夠吸引我們經常來 [我們家確實很少玩玩具]，而且其他家長圍威喂，不太願意在場內做個「臨時朋友」，小朋友想加入一起玩都唔比位入，呢樣野係幾無奈的。我雖然推薦大家來，但這裡不太適合熱愛戶外活動的魚子醬一家

玩具圖書館分段開放，每節45分鐘，最多可容納40人。讀者可在使用服務前七日內親臨玩具圖書館或致電2921 0386 預約遊戲時段，每人每日可預約一節，即場後補也只限每日登記一節後補

地址: 香港銅鑼灣高士威道66 號