鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

8/07/2014

魚子醬玩樂手記 - 愉景新城。愉快動物餅 35周年。走進立體動物世界~!

愉快動物餅,幾乎是所有父母的童年回憶,雖然現代人追求健康了,這類帶點油的餅乾不再經常吃,不過這一下35周年爆出來的動物世界,好多動物餅化成立體公仔同人咁大ge紙板公仔,真心真心超可愛!! 連個盒都幾成立體2米高! 無論大中小ge朋友都玩得好開心,不忘留影


愉景新城向來人流唔算多,特別這年來大裝修,又租了大範圍作示範單位,不過地面的兒童街率先新裝上場,示範單位又完結,變回一個「似返d樣」ge商場了~今次動物餅ge範圍唔算好大,不過影相位就好多,都可以玩到陣 ^_^ 


先來兩盒大家熟悉的動物餅放在正前方,你喜歡這那種味呢? 除了超大盒,連盒面都變立體了~好有質感~而且五面的圖案都照足原盒印上,背面的「對照表」一樣係度,不過就是英日的 

小朋友就最愛騎上立體的動物餅~! 兩邊都是軟身Cushion來的,不怕撞傷,真心超有愛! 

影相場景有2個,一個是森林,一個是沙灘,都是可以企入去揀位影,好多層次的,魚子醬係「森林」走來走去,有時真係比d樹遮住匿埋又係第度標返出黎,好似真係去左樹林咁開心


而另一邊的沙灘,都是一樣的木板公仔豎立在地上,有d痴得無咁穩,已經可以連鐵板底部一齊轉動,魚子醬無意中發現這「漏洞」,係咁同隻八爪魚跳舞 XD 

在小朋友的眼中,這個森林同沙灘可能已經係一個好大ge遊變場,魚子醬與小情人幾乎在這裡唱起"Love is an open door~~~~" 不停追逐say hello~~ 

平日的下午人不算多,已經大多數人影一影就走,2位小豆丁走來走去都不會影響到其他人~不過如果大家周末去的話就可以要這「等一等位」 

這個Bus Stop上有6隻小動物,其實都是紙箱包了絨布,不過自由進出,幾乎所有小朋友都當puzzle block咁玩,然後保安叔叔又要定時來執拾,但在充斥小朋友的地方有自由可拿上手的Block,真的無乜可能時刻齊整 [其實叔叔未過黎之前,在場所有家長都以為係用黎玩的] 

坐這Sheep望那Beach~魚子醬又一次騎上羊羊的頭上睇風景 

一次愉快動物餅都無食過ge魚子醬,可能心態與媽媽大不同,只顧與動物玩耍就夠了

大部份動物都圈養住~hahahah~隻犀牛真係好大!!


旁邊有Stroller Parking,周末來的時候可以停在這邊拍照,不用在動物餅區內左一架右一架 

愉景新城離我們家只是15分鐘車程,所以新裝後也來過幾次,慢慢睇到改變和兒童街花了不少心思,而且育嬰室都好靚好齊全,雖然行ge野唔多,都會黎邊走邊玩

兩位小情人坐上JR列車,齊齊做車長 


最後在Holly Brown來個ice cream afternoon tea,很少見雪糕店都有如此重型的highchair,真係超正~!本身麻麻地想食都變成即刻買杯休息下 =P 

隨住魚子醬大d又大d,母子檔每星期花盡體力尋找更多親子好去處跟大家分享,自已開心,看到其他人對我地share ge地方有興趣,玩完又開心,真係一個好大ge動力,希望係返學前的這一年,可以去多d唔同ge地方,做一個真係夠勤力的鐵人家族 [其實可能依家已經係全港出勤率最高的FTM XXD] 不過出得愈多,就愈少時間寫blog,盡力盡力!!



0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...