鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

8/13/2014

【親子好去處】 愉景灣 EpicLand 歷奇王國 (原名 Discovery Land) - 大人細 路必玩 playhouse。鋼線。攀石。彈床。迷宮。Golf。超高滑梯!!!

FB相片一出,360度都有朋友問係邊? 點去? 幾錢? 大人去唔去得? 因為不斷已經答左好多次,終於有時間打起全盡的玩樂文跟大家分享,這個是全港唯一一個照顧到大人小朋友的新Playhouse,在Discovery Bay 愉景北商場的 EpicLand (原名Discovery Land) 歷奇王國,搭車比較轉折,但超高性價比,建議在weekday前往。除了大路的幾層迷宮滑梯,呢度仲有mini golf, 彈床、攀石、鋼線! 超高黑管滑梯同超高Rainbow滑梯,真心刺激


因為在愉景北 [即酒店、教堂所在地],所以無論陸路水路到愉景灣碼頭之後,都需要再轉區內的shuttle前往,在愉景灣巴士總站,在5號月台逢00/30就會有免費的巴士直接前往,也可搭C4 / C9 兩架巴士前往,價錢為$4.4,但就要停唔同屋苑,不過班次相對密得多,大家可取捨一下,就到時間搭free shuttle就最好; EpicLand入口在JASPAS 旁邊,絕不起眼 

weekday 收費$148 [1A1C] 隨後每個大人$50;如13歲以上當成人計 $168;而weekend似乎是沒有隨行優惠,$188 [1A1C],成人$200,所以這就是我建議大家weekday前往的原因;如果要返工又想同小朋友玩得舒服又平d,一係就等A/L 了


這家playhouse真的不起眼,甚至你行入去都唔會望到任何一個玩ge環境,因為都要再落樓梯到地庫的,所以~就更加要睇魚子醬的介紹囉 =P 

在櫃位買好手帶,也可租用locker [$10全日,按金$100];鞋放在這lobby的鞋架,然後待職員為大家戴好手帶就可以落去玩啦!! 記住記住記住,一定要著襪的,這裡也有襪賣,大小均一$10,質地厚身不錯的,還有顏色選 XD 

期待已久的playhouse,最矚目的必數5米高的鋼線 Air Trek,而中央位置就是多條mini golf的球道,不過經驗所得,所有golf ball最後都會不翼而飛,儘管有10枝桿,也可能只剩下1,2個波 

這裡連迷你球場都有,踢足球打籃球都可以,隨心 

而數層高的迷宮雖說是11歲以下,但其實不少家長也會陪2,3歲的小朋友爬,大家都玩得開心,而滑梯都真係大人都會驚驚地,反而小朋友唔當一回事咁~haha,這裡有2,3層而且四通八達,關卡都同港式playhouse不同,刺激一點




給4歲以下玩的充氣設施在這裡好像格格不入,因為好國產feel,不過都玩得開心的,而且有網圍住,放小朋友入去就最安全 

這幾條有3,4米高的滑梯,三條是超多波浪的彩虹滑梯,長30米,而另一條就是全黑洞的水管滑梯 [上到去望入滑梯真係乜都望唔到!魚子媽都淆淆地],需要身高達120cm先比玩,所以小小朋友只能望著爸媽玩啦~~ 真心推介爸媽上去玩兩趟,各有各精彩!

黑洞滑梯只有一個緩衝位,所以下半條是超快超斜的~! 經常聽到慘叫聲~hhahahahah

Toddler Area 係比3歲以下小朋友玩的,不過裡邊就比較悶蛋了,對比外邊多姿多采的玩意,不過都有好多大ge軟Block同唔同角色ge costume 可以換黎玩下;魚子醬就做了Incredible 大隻仔 、薑餅人同被逼穿上的大隻佬小蜜蜂裝 XD






這裡共有3個攀石,幼稚園的小朋友可以試試這個在超長滑梯前的攀石牆,做足安全操拖,石仔都相當整齊大粒有踏腳位;大少少ge小朋友同大人就可以玩另一個全高的攀石牆,稍後同大家介紹 

這個波波大戰的範圍真係會令人樂而忘返的,魚子姨同朋友係入面玩左個幾兩個鐘都唔走,但識左d新盟位 =.= 上層左右各4把空氣槍,而地面就是小朋友最愛的噴波波機,大家都著迷般不停執波波落部機,然後按制,噴噴噴噴噴!!!!





魚子醬自知不夠高玩槍,轉移在高空窿窿直接攻擊 XD 然後自已落去執波就好醒咁戴住個籃做頭盔,哈哈哈哈哈 


大人最期待的Air Trek,建議愈早去愈好,早上可以直玩,而下晝真係有排排,下午一轉我個足足寫名落list排左3個鐘,成為收檔前的last group,6:30pm出發,playhouse收1930,而Air Trek 到7點為止,走一轉要多久就看看你的膽量和速度,平均每位教練帶2-4位,要看看大家的技巧和速度,如果是這裡住的小朋友,幾乎都熟練了,就數分鐘走完八個關卡,如果初次又怕怕的,可能要花20分鐘ga~所以排得後的話,分分鐘無得玩 

剛才的滑梯是120cm 才可以玩,而Air Trek就是145cm以上,所以這就是13歲以上收費貴的原因,確實這又是最值得玩的東西,畢竟歷奇項目一般要入外展day camp先會玩到,鞋ge size都齊全的,而且因為每轉都有限人數的關係,一般唔會有缺碼的情況出現,頭盔都是必需的;工作人員會幫忙穿上裝備再齊齊踏上六七層超大級樓梯上平台,5米高的旅程正式開始


都唔知幾多年無著過gear啦~可能對上一次已經係中學攀石的時候 

每個關卡的難度有異,但其實只要唔係太畏高,同對安全帶有信心的話,踏出第一步之後,係無想像中咁驚的,而且愈玩愈上手~如果真係玩左2,3 part之後覺得自已做唔黎,係有個位可以比你選擇放棄的,有參與過已經好叻啦!盡力而為 

  


係等鋼線ge期間,可以去玩下彈床同攀石,前段介紹的小小攀石牆係比幼稚園生而設的,而小學生可以選擇大牆的junior level,記錄是10sec啊! 而右邊的一幅就是大人版,石少又尖身,不過朋友都爬到上頂啊 ^o^ 


魚子醬起初只係做觀眾,但哥哥就幫佢上埋頭盔,抱佢攀~haha~戴頭盔好可愛呢~ 


這裡的攀石設施都真係幾多,這個自由轉動的攀石可以練橫向移動,永無休止

前前後後我地玩左近八個鐘先走,魚子醬早上8點起身後都無扭,好叻叻啊,$10 租金的locker數量有限,如果想有安全位置放行裝,就最好早d黎啦 =] 每個locker都ok大,我地放到2個大背包 + 1個hipseat + 1個大腰包,僅僅閂到門 ,鎖匙係用膠彈弓圈戴住係手

離開時,記住係對面超市門前的八達通機嘟一嘟,即時減$4! 即係就算搭唔到free shuttle,搭C4同C9都只係$0.4~~~~超有用的小貼士! 

這一個玩樂地方一post相,提問接近瘋狂狀態,看來大家都超想玩,而且少有地這裡是零強國人,所以大家玩得特別安心,但其實外國小朋友都玩得好癲,所以要小心自已小朋友 =] 有咩問題可以再留言/email問我,會盡量答大家的 =]

相關文章 [Nov 2016更新]

【親子好去處】愉景灣 EpicLand 歷奇王國 (原名 Discovery Land) - 兩年後再會Playhouse。大人細路同樣興奮! 必玩鋼線 AirTrek



地址: 愉景灣 愉景北商場31號舖
電話: 2441 0098
營業時間 星期一至四:9:30am – 7:30pm
星期五、六及公眾假期前夕:9:30am – 8pm,星期日:9am – 7:30pm




4 則留言:

  1. 玩8個鐘唔肚餓?

    回覆刪除
    回覆
    1. 全日自由出入的,一踏出門口已是餐廳~食完又玩過 =P

      刪除
  2. 會不會好多人,咩都玩唔到?

    回覆刪除
    回覆
    1. 這2年都無再到訪,未知現時受歡迎ge情況,但應該暑假都好難人少,除了行鋼線要留名登記,其他都自由進出,唔會玩唔到;建議入場就排左鋼線,再得閒check下到未,因為一路係場內玩,都大約望到玩左幾多個 [未知登記方法有無變到]

      刪除

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...