魚子醬玩樂手記 - 親子好去處。迪欣湖野餐小記

秋高氣爽最適合去野餐~!!! 其實香港有好多好舒適ge野餐地方ga~不如好好把握秋天同朋友或者屋企人一齊去郊外玩下~大家心情都會好d! 魚子醬一家係中秋節翌日就去左迪欣湖，上次黎得魚子醬同媽媽，夏天變左燒豬仲發埋燒，今次就一家三口來，雖然人多，但呢度地方更多，所以完全唔會覺得逼。比起大熱的佐敦谷，我地覺得呢度更適合我地，望住迪欣湖同噴泉，心曠神怡就係呢種感覺啦

係近公園入口的地方有一個頗大的兒童遊樂場，詳情可以睇返>>魚子醬之前的介紹<<，黎到呢度所有滑梯都被比下去了，因為呢度有好多個小型的噴水池係平地，小朋友們最鍾意玩水，相信有經驗ge父母早就帶定幾套衫替換

在藍天幾乎無雲的狀態下，雖然太陽夠猛但都無損大家玩樂的心情，有家長們索性就地拿出野餐墊坐在陰涼處，地方之大，有這好處

每次無晒水水，小朋友都會露出豬咀出來，然後d哥哥姐姐就會逐個窿走去叫d水「出黎呀~出黎呀~」好可愛~

玩了個多小時，再唔野餐，公園就閂門了，迪欣湖唯一缺點就係因為私人地方，收七點，另一原因就是因為入夜安全問題，所以都正常ge~畢竟七點好多時都開始昏陰了

換套衫，Trunki又大派用場了，我地走到附近的草地找個地盤先XD

你永遠不會知道，為何這裡的錦鯉為可會大到咁! 而且經常聚集在同一位置，好壯觀

野餐要開始了~來幅招牌笑容合照，魚子醬一家的野餐準備還未去到製作神奇飯盒的階段，多半是帶粟米粒和零食之外，都會去超市買飯糰同小卷，加些小盒維他奶，已經好豐富了。希望未來的日子收到卡通飯盒的工具後會加把勁

各位觀眾~五~~條~~煙~~~~~~仔餅! XD小學雞的爛gag，有時都幾有用ga，哈哈

這裡的風景真係好舒服，重點是草地夠多，保養得好，雖然大路上會時不時有單車，但整體的評分都相當高，魚子醬不經不覺就走左去附近的姐姐群玩Bubble la~haha~

大約6點半左右就有職員用Golf Car行一圈通知大家7點尾班車，要閂門了，如果想少人d，6點8都有一班，可以執快少少就搭得切。於是我地就執拾行裝離開了；因為中秋前後的太陽還是較猛，所以要5,6點先適合坐著慢慢食，相信來季可以再早一點，玩耐一點，相信不久將來又會再來了~yeah~緊記著 「讓大自然成為你的導師」 ^_^