屯門 - 三姐松記糖水 - 在街市內的糖水店。吃完海鮮吃糖水

這兩年，幾乎絕跡於糖水店，帶著小朋友，10點已經開始跟隨他有睡意，莫講「出夜街」，所以難得的一次，魚子醬嚷著要跟爸爸練舞獅，然後再同朋友一齊食糖水，魚子醬足足在路上"Ice Cream"左15分鐘...到最後...就梗係無雪糕，不過都食左好多甜品

很少踏足三聖，今次要深入小區，走到入街市吃糖水，感覺唔太差又唔太好，地方都整潔，而且周邊都是賣乾貨的，不過感覺始終怪怪的；松記吃過了，但三姐松記還是第一趟，內部糾紛不理了，只知這店屬加盟店，不過都做得頗心良心，當日芒果酸，當客人點菜點到芒果糖水都會提一提，建議叫其他

不習慣吃港式糖水的魚子媽，還是選了腐竹蛋，但朋友點的芒果沙冰配明珠 [大西米]，淨看份量已令人吃驚，反問了三四次係咪真係普通一人Size!! 就算35度中午，都未必食得晒吧~~~而且沙冰入到喉同胃真係好凍!!! 驚歎的試了幾口，味道係幾甜幾真的，而且都有大量西米在碗底，無論用飲管用羹都食得滋味

西瓜西米，簡簡單單，西米發得好，粒粒分明有嚼頭，確是不明為何自已發西米永遠都又糊又黏，現在依然是西瓜當季，所以味甜得很

沒想到在新派糖水店吃個白果腐竹薏米加雞蛋，都非常有水準，完全足料，腐竹碎通通可見，薏米白果份量又多，好合心意

再來一個蘆薈清涼爽，非常豐富的一個配搭，有椰汁糕又有大小西米和蘆薈粒，全白的糖水卻有多種食材與口感

雖然在街市內，雖然坐在外邊的客人很多「公仔佬」，但又會有一家大細小BB一齊來，店員都是有禮貌有笑容的，下次再拉大隊也可以考慮，而且這裡就在馬路邊，駕車來都很方便

地址: 屯門三聖邨街市2號

電話: 2323 9368