鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

3/06/2015

魚子媽「還我家園」大行動。Airbox 儲存箱。上門存取超方便~!

回顧新年前後的進度有點落後 XD 但也想介紹在~~年二八。洗邋遢~~call上門的AirBox儲存箱服務,隨住魚子醬成長,在家的佔據率早就達100%,所以羊年的最大願望係「還我家園」哈哈~! 在迷你倉同上門存取的airbox之間,選擇了後者,比較方便帶著小孩的我們 =] 

雖然依家好多迷你倉都標榜「運輸存倉一條龍」,但計過費用和整潔度後,都係Airbox比較合心意,因為將箱送上和回收存倉這過程是免費的,如果放ge野唔常用,只為儲存 [多數都係] ,只係$49/month 真心抵到爛,都佔成2,3格磚ga,如果你屋企$10000/呎,放係屋企成本已經高好多 XD just kidding

 係官網上見到一個Airbox放到好多野,2張被,20件大褸~!? 連抽濕機同行李都話放到~有無咁美好~?! 見到實物後,其實同平時放床下底ge箱差唔多大,抽濕機..er..應該講緊座檯個d,行李箱就..應該軟身手提行李size都得ge,而衣物同被就用真空袋慳位好多~ book ge時候係1-5個/6-10個咁book,就算你本身只想用1個,都會送多4個黎做後備,自行決定用定唔用~真係用左1個,就收1個錢。


但實際上,五個黎到之後,恨不得要十個先夠啊 XD 有機會執走d野而唔扔,幾時都唔會嫌多

 可能因為係新新開張,頭一批客戶的關係,打開其中一個箱有禮物,哈哈,Surprise =P 唔係講笑,竟然有現金利是,真係迎接農曆年的最好禮物,有魚子醬最愛的貼紙和Key Chain同襟章,全部都係可愛的小樹熊 
 

其實另一個貼心服務係送箱上門後,有20min可以執野入箱,然後職員可即時取走儲物箱,咁就唔洗放幾個箱係屋企咁阻訂;憑魚子媽一人之力,加上魚子醬「咁~~幫得手」,所以就無選擇「即送即取」,而係預約左翌日先有職員上門取回Airbox
今次主要想收納的,都係好唔捨得ge 初生BB物品,無論係衫仔定玩具都好,真係好唔捨得送比人,都希望不久將來~~~可能或者希望會再次用得著 =P 就算真係無弟妹,都留黎比最最好ge朋友~! 無數的小BB玩具,這個玩具架真係由出世玩到依家,魚子醬都有唔同ge方法去玩佢,但兩歲幾大個仔了,係時候收埋佢,結果難離難捨,拆左電都要玩

你話...點會20min內執得到d野... 

左左右右前前後後,加埋執左4個鐘..因為有人不停要緬懷玩具...=.= 又唔係扔,洗唔洗咁 

其實好多物品同玩具都係朋友轉贈,唔算新淨,但正正因為有幾個小朋友ge回憶係入面,唔想白白捐左去救世軍就算,留得ge都想留,反正只係幾十蚊個月,第日call返個箱返黎,又係另一次開心的經歷 =] 

除左魚子醬的BB用品,魚子爸媽這幾年在不同比賽贏的獎杯,我地都決定先放入Airbox等佢有安穩平靜的生活先,將來有再大ge Display櫃先一次過show曬出黎~就咁放係屋企實在太容易氧化了;五個儲存箱都放滿魚子醬一家的東西,最重要係五個箱內ge物件都係我地一家好重要ge回憶,而我地就選擇用呢個方法去暫時保存住先。屋企騰空了,新年親朋戚友黎都多d走動空間,新一年Sharp醒咁過,魚子媽都成功奪回家中的佔有率了~hahahahaa
兩次上門的司機叔叔都好有禮貌又有交帶,每次online booking後又有職員打電話reconfirm,暫時都好滿意,如果遲d要call返d箱返黎再放多d野入去ge時候,再同大家分享。不過可能新新的關係,這批箱似乎有d甩漏,有時較左密碼,但轉其他數字都開到,似乎只能靠大家的互信,同埋所有客戶都唔會知道d箱去左邊,爸爸常質問「會唔會運左返大陸擺ga...」其實用得呢間公司就應該要有信心,起碼唔洗自已搬又好禮貌,已足夠 =] 

參考連結:
AirBox 儲存空間: http://www.airbox.hk/


0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...