魚子醬玩樂手記 - 大年初七與車車的約會 + 美味泰國菜

初七人日，爸爸繼續忙著舞獅，而我們也來到表演附近的地方跟Maggie ee拜個年 =P 魚子醬事前也聲稱最想見到maggie ee的狗仔 - 車車，結果~!? 哈哈，睇落去咪知囉~

對小店有著極大的情意結，特別是街市熟食店，食材一定新鮮，這次二話不說選了街市外圍的泰國菜，身上流著四份一泰國血統的魚子媽，還是鍾情於甜甜的Pad Thai與生菜包，因為每一間小店做出來的味道都不同，很有個性。這裡色澤較深，甜多於酸，但配料好均勻

店子小小，這天氣坐外面很舒服，加上東涌近海，風很大，曬也不怕啊；看著Menu 價錢合理，而且另加飲品只是$2，連凍飲都係，真心抵! 朋友說之前是任飲添呀!! 依家每杯收返$2已經貴左 XD 最後朋友都點左2杯，只係$4就有兩杯凍檸茶~哈哈 

生菜包份量非常多，偏乾身，內裡摻有不少米粉碎，所以吃起來會有點沙沙糊口的感覺，較為飽膩，但調味微辣，也是平易近人的 

魚子醬最愛的炸蝦餅要登場了~! 每件都炸得極酥脆，比坊間不少泰菜小店做得出色! 炸後乾爽通透，肉質彈牙，破例讓魚子醬吃了兩件 

走幾走回到maggie ee屋企，對於超愛貓貓的魚子醬來說，原來會吠和熱情的狗是怕怕的! 成程都「有你無我」上捉上下捉下咁 XD 最後就一個人坐係度睇叮噹大電影~~同車車勢不兩立 

直至車車就訓著，先大搖大擺係地下睇雜誌，真係頂你兩個唔順 XD 互相監視對方 

點知車車都係管家婆上身，車車彈起身，魚子醬又彈起身，仲被狗逼埋牆角 XXD 真心笑了 

這對鬥氣怨家，應該未來還有見面的機會，即管睇下會唔會慢慢融洽到 XD Thank you Maggie ee，下次再同車車 RRR RRR~RRR又RRR

地址:東涌逸東邨街巿99號舖

電話: 3141 7076