鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

4/01/2015

【學習分享】AirBox x ToyBank 玩具銀行 x Ohmykids - 玩具捐贈計劃。有專人上門收玩具!

在年廿八清屋大行動ge時候,將好多BB時期ge衣物用品同玩具都用Airbox送左去倉寄存 [時運高我睇你唔到~yeah],但恰巧月尾又見到同樣Airbox x YMCA ToyBank玩具銀行 x 社企Ohmykids 三者合辦的玩具捐贈活動,同魚子醬+爸爸商量後,決定不如call返airbox返黎,係裡面揀d玩具送比有需要ge小朋友,好過我地擺到唔知幾時用得著,反正玩具幾時都可以再買 
預約了周日的早上送箱返黎,魚子醬一打開蓋好似見返d老朋友咁,但因為事前講明係揀玩具送比其他小朋友,所以依依不捨都無用,係箱入面揀左幾件,又係屋企揀左幾件


之前send 左5個箱走,今次call back 2個箱,其實主要係望下放廚具的一個有無跌跌撞撞同拎返少少電器,so far個箱無穿無爛無受潮發霉,合格~! 

魚子爸第一次見Airbox,同樣地對個轉左密碼都開到ge鎖有d微言,不過大家互信啦,相信Airbox新一批ge箱都已經改善左呢個問題~! 但門前交收呢點就真係超方便 

執執埋埋,不多不少ge玩具,主要係大量ge HappyMeal玩具,仲有d已經學識晒玩ge認形狀學習玩具、布書、BB車玩具等,因為平時都有拎落救世軍,所以唔算好多,不過叔叔都話做慈善,多多益善~少少無拘啦! 

翌日早上又約了Airbox司機叔叔上黎 ~今次係送紙箱黎裝玩具,其實仲大仲實用 =P 而且運送仲方便,同叔叔一個箱夠啦,唔該晒~~即刻痴好個箱 ^_^

更加依依不捨ge時間到了,不過魚子媽再三提醒是送比其他小朋友,因為可能有d小朋友買唔到玩具,我地有咁多就share比小朋友吧!~明白事理的魚子醬都乖乖放晒d玩具落箱 


其實真係上網click幾下約時間就有專人上門收玩具,門口都唔洗出,平時好多理由積係屋企,例如又重又大盒唔知點拎落樓,放上FB Free又要約時間又可能要受氣,依個玩具捐贈計劃係費用全免,有人黎到門口收玩具。個人認為一定要支持下~! 而且香港好多小朋友都太富足,捐比玩具銀行起碼一定係幫到有需要ge小朋友家庭,唔怕有人呃完你件野走去賣 
大家都支持一下吧,捐贈計劃去到4月14日,可以隨時上網預約上門收玩具,online submit後會有Airbox的職員打黎reconfirm時間地點,趁復活節長假清清屋企未嘗唔係好事 =]
連結入面有清楚列明有d咩玩具係唔收 [eg: 放入口的牙膠類、Puzzle、唔完整/爛左 等等],家長除左可以清屋外,都係教小朋友要分享的好機會,身教永遠比書本知識來得實用




0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...