鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

6/12/2015

【溜冰場波波池】太古城中心 Sea of Happiness - 魚子醬在波池的海中央!


太古城中心 "Sea of Happiness" 《波池的海》 將於6月13-15一連三日進駐溜冰場,成為百年難得一見、大家夢寐而求ge 溜冰場波波池!!!!!!! 整個溜冰場以5米長大滑梯分開了小朋友池同大人池,只要高過80cm ge人仔就可以入黎玩啦!!! yeahyeahyeah~!!!!

太古城中心到處都是Live Happy的裝飾,中庭的吹氣波波裝置已經引死人了~~一到商場急不及待要過溜冰場望望先 

CHEERS~~~~LIVE HAPPY! 


昨天 6月11日係第一日內部開放試玩ge日子,除左公關邀請的傳媒朋友之外,仲有太古ge職員家屬 加上部份太古屬下商戶等等等等,所以都好熱鬧啊~!! 

每節玩樂時間只有40min,之後工作人員就會寸步難行咁幫大家消毒波波池;明白大家係呢個時候特別關心波波池的衛生,但職員真係好細心走勻全場,用電動機器噴灑消毒劑,仲會用竹筲箕翻起底層的波波,辛苦晒辛苦晒!!! 


量好體溫,就可以排隊入場啦! 

場內有Locker 免費供大家使用,又有不少鞋架,大家不必擔心無位,數量非常充足!連洗手間都有,咁就唔洗怕行出行入啦  


一入去ge區域係兒童池,始終波波池向來是小朋友的專利,所以這個晚上也不少家庭前來,兒童池深 0.4m,只要小朋友介乎0.8-1.4m都可以係度玩,家長當然歡迎~! 亦都需要打醒12分精神啊! 

魚子醬在這等地方零Warm Up就可以玩瘋了~! 雖然話0.4m,不過因為浮浮狀態,大家好容易一跌就潛左落去~hahaha~~潛左落去唔驚,最驚有人行過睇唔到你,踩到受傷 

小朋友有幾何同爸媽一齊玩波波池 ?? 今次真係皆大歡喜!!  



愛玩的魚子爸媽都忍不了自拍自拍再自拍,魚子爸成功用波淹沒了媽媽,可惡可惡!!


在小朋友池有不少大水泡,咁小朋友就唔怕每行一步都浸親啦~hahahhahaha  

波池的海唔係淨係一個欄一堆波咁簡單,會有唔同高度斜度地墊鋪底,所以有d位係可以比大家碌碌碌又或者跳跳跳!! 

平時游水鬥潑水玩得多,但可以互潑波波真係開心好多啊!!!! 


好多人問,點解只辦三日!! 30日就差唔多~!! 浪費d波~! 其實~~衛生問題都仲容易解決d,只係因為本身是溜冰場的關係,係技術上確實有好多問題要解決,地面仍然有少少凍,都有部份位置可能會有少少濕氣印落對襪,所以,地面的準備工夫要做ge已經做晒,計算過只能承受數天。而波波浪費問題,都唔需要擔心,部分膠波會捐贈予慈善團體,剩下的所有膠波都會送到全港唯一只進行本地廢棄塑膠回收及資源再生的機構「仁愛堂環保園塑膠資源再生中心」,重塑成各種塑膠製產品的原材料!!因為波波本身就係可循環製造ge物料 LDPE製成

攀上5米滑梯,就代表我們即將進入深0.8m的大人池啦~~yeahhhh~~謝謝上面的2位職員,不辭勞苦不停推人落山~haha 

可能因為入場人士好多都係family~集中在小童池,所以這邊超鬆動啊~~~大家可以盡情玩~! 到正式開始ge時候,每日9節玩樂時間,每節只會容納80人,可以幻想下成個溜冰場咁大~得80個人~~非常疏落~絕對不存在人逼人的衛生問題~ 

係呢邊除左有樓梯位又有大波波裝置可以到處扔,絕對係最佳ge自拍場地,可惜唔用得自拍神棍!! [不過都見有dd人偷雞運入了] 

 大家都唔係特登浸淨個頭~係因為真係好深~hhahahaha~


大滑梯玩極都唔厭啊~!! 可惜父子檔要留在兒童池,無人幫手影video~ 


每節40min 真係唔夠喉啊~!重回魚子醬身邊ge時候,已經玩到有d腳軟啦~haha,把握最後幾分鐘ge時候又繼續影影影影影,這個千載難逢兼唔知有無機會再遇到ge 超大波波池~!!! 


當工作人員請大家離開ge時候,呢一刻大家ge步伐都好似特登較慢左咁~個個都好想玩多陣~hahah~魚子醬繼續「潛行追擊」~~~真係好易唔覺唔覺架~所以大家ge隨身物品要睇緊d~跌左有排搵啊~~~~包括自已個小朋友~ 


得40分鐘真係唔捨得,不過今次上上下下ge安排都做得好好~~~由入場前量體溫到派貼身腰包比每個入場人士再派代幣入locker仲有藍色膠襪套同船襪比有需要ge人 [起碼唔會臨時收你$10對咁呀!] 係locker出入仲有一整排酒精搓手液,要做ge都做晒啦!! 魚子醬一家比10個讚啊!! 

日期:              2015613日至615
地點:              太古城中心冰上皇宮溜冰場
開放時間      上午10時至晚上10 - 每節40分鐘(9),每次最多容納80
                   (清潔小休:下午1時至2/4時至5/晚上7時至8/晚上10時後)
參加方法:     於太古城中心憑任何6月消費收據、及facebook專頁「Cityplaza Hong Kong按讚便可入內體驗
入場限制:     成人區域 (身高1.4米或以上)
                      小童區域 (身高必須高於0.8)

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...