【親子好去處】青衣城 - 妖怪手錶運動會。被健體操俘虜的小朋友 【地縛喵。美拉美拉獅。哥瑪。景太】

在日本大熱的《妖怪手錶》上兩月登陸香港之後，週邊商品已經出唔停，而且片尾ge健體操原來好多小朋友都瘋狂跟住做，青衣城把握了這個快閃機會，2015暑假的主題裝飾，就用上《妖怪手錶》一眾人物，當然有主角地縛喵，仲有哥瑪先生、哥瑪次郎、美拉美拉獅同威斯帕、反而景太 沒有立體公仔，妖怪當道~hahahaha

妖怪手錶運動會在青衣城的大堂位置，雖然規模沒有Frozen村落那麼壯觀，影相位唔算太多，但一個大電視已經KO晒小朋友，全部小朋友都企係大電視前跟住跳，不停播不停跳，跳足成個鐘都得，所以反而影相位輕易排得到，因為小孩的心已被健體操俘虜 XD 

外圍的有美拉美拉獅~~ 

然後有午睡中的地縛喵和哥瑪兄弟 

最爆笑的 海帶弟弟、昆布哥哥、海草妹妹都有在場邊打氣支持

而在靠近電梯的一邊觀眾席，就有大量常出場的妖怪角色和徽章 

小小粉絲們，可以講得晒全部角色嗎??? ^O^ 這個觀眾席超有氣氛啊！8月8號還真的會在這裡舉行親子運動會，到時一較高下吧！ 

洗腦式的健體操不停放映，主辦單位都早就預留了跳舞位置，確實唔會被路人撞到 

魚子醬跳足15分鐘，被要求小休小休，同主角們集下郵先!!! XD

今日係成功男士 Pose Collection XD

有訓覺豬ge 細細地縛喵，最矚目的當然係大電視旁邊的 巨型地縛喵~! 又竟然影相ge人唔多，好多時都抓住空檔可以盡情影~yeah~!  

美拉美拉獅本身就係過份投入同執著的妖怪，所以力求完美，典型的處女座? HAHA 

7月11,18,25日 及 8月1,15,22,29日 星期六2pm & 4pm 都有快閃的健體操，出來的四位哥哥姐姐都是在大電視一路播放的香港版MV主角，小朋友一見哥哥姐姐帶隊，更投入啊

哥哥姐姐帶領完一次之後，就邀請所有小朋友一同內進跳舞，魚子醬平時係屋企個個星期都有跟住跳，但今日就不停彈不停彈，好似去左街頭音樂會咁 =P

會場外還有pop-up store啊！從未見過如此齊全多款的妖怪手錶精品，由文具玩具到衫褲都有，乜都有啊真係！ 而且有d仲係會場限定發售，粉絲們不要錯過啊 

Pop-Up Store還有小小攤位遊戲，$30 三個波，必中3份禮物，分明有會場限定的徽章、Cushion 和明信片，好多選擇！ 其實係扔波波去上面ge窿，睇下跌落邊一格獎品，所以就一定有獎，睇下會唔會扔中三樣唔同啦；魚子醬就中左 兩個限定徽章和一張明信片~~~  

媽媽懷疑，特登中咁多徽章，唔通係想爸爸買隻手錶比佢 XD 二百幾蚊得隻發聲ge錶 [完全無功能啦]，唔洗旨意啊你~~~~ 

係大電視後方，一個很多人忽略的位置，是即影即有的Photo Booth，而且只要憑青衣城任何消費已經可以影，偏偏水靜河飛 ????  

雖然依家經常係婚禮又或者活動上遇見photo booth，但有得揀背景都係第一次！而且四款都好靚啊！早知分單買四盒tic tac糖啦~hahahaha~最後魚子醬揀左地縛喵~~~

成品靚靚啊！！ 大家記住記住，係前面跳完影完買完，仲有後面ge booth啊！ 

呢個妖怪手錶運動會照相館，會一路開到9月6號，大家成個暑假都可以黎！而地縛喵同哥瑪先生的見面會，會係7月18,25日及8月1,8日舉行 [3pm & 5pm ; 8月8只有5pm] 因為8月8日當天會有真正ge親子運動會，大家想報名就要快啊~~~官網海報有QR Code比到詳盡資料大家 

參考連結:

青衣城 Official Site

青衣城 FB Page