鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

7/11/2015

【親子好去處】鹹蛋超人家族亞洲區展覽 x 遊樂場 x 真人舞台劇【親子活動】超人ZERO 超人銀河 超人迪加 貝利亞

上次到 Nissan Display Room 參與超人家族50周年的Kick-Off活動,而呢幾日就係重點節目,一連四日ge 超人家族亞洲巡迴展覽 & 真人舞台劇,係亞洲博覽館Hall 8 & 10 舉行!加上同期舉行的 親子農莊,成個博覽館都好熱鬧!!一程車可以去到兩個展覽,貴貴車費都值返晒!

住九龍的朋友可能會取道於機鐵來往,而新界的朋友最舒服最快的方法,應該就係搭車到機場,轉機鐵一個站 $5就到達,而且仲可以行下 機場Terminal 2 兩間Disney Store~~好多3折、$20, $40超特價貨,衫仔又買4件3折,yeahhhh

係大堂一層,已經見到唔少裝飾,未入場已經可以先同卡通版超人怪獸影相~~~~



入場後,漆黑一片!? 因為第一區就係夜光大列陣!全個超人家族成員同怪獸都列陣迎接大家,超人迷一定勁開心啊



下一個區域係機密館!原來呢區展出左好多戲服同道具展覽,集郵區來了!


咁多個超人,唔知點解超人Zero, 超人迪加 同 超人銀河最易留下深刻印象,連魚子醬都忍唔住要集集郵

而整個會場最矚目的,必數這個超人 6米高的超人Zero大戰黑暗貝利亞,連帶為今次巡迴展覽排練ge 1hr真人舞台劇,都係以貝利亞為中心點,邪不能勝正!

入場門票$80,可以參觀不同的展覽和在會場走動,但每個遊戲區都要另外收費,並非每個遊戲獨立付費,而是購買超人光帶,然後再在每個遊戲扣光力,扣晒又可以充值!當中最有趣的,應該是這個巨型夾公仔機!如果可以夾住小朋友就好啦~hhah~依家只係夾瑜珈波

會場內仲有好多互感體感遊戲,小朋友見到自已係螢幕上打怪獸,份外興奮!

至於小小朋友最開心的,應該係這裡的「反斗銀河」區域,所有充氣設施都係超人/怪獸造型的啊!有波波池有大滑梯又有彈床,欣賞這邊是入區收費,有欄欄住,有鞋架,係15分鐘內任玩唔嬲,可以玩完呢個玩0個個



我地仲係彈床撞到天明同TJ [右圖黑衫] 又見到 李霖恩同囡囡黎玩,唔知點解成日去親玩都見到佢地 XD 


係眾多彈床之中,有一個節奏慢一點的小B玩樂區,盡是豆豆梳化,不過比得錢入區,應該唔會係度慢慢碌掛


彈床區旁邊有—個範圍好大的影相區,唔洗比錢,可以任影唔嬲,除左立體ge公仔,後面有咖啡杯、摩天輪呢d大大影相位都靚啊




大家都睇得Running Man多,他們經常用一大排Go Pro影特別效果,而呢度就有一大排單反,更專業,又夠特別,如果多個遊戲,個人覺得呢度係首推啊!完成後會email收到自已ge短片

我地影ge時候哥哥話OK ga~點知收到條片,4個人得1個跳起ja wo ~~~~哥哥太忙了一定係~~~~唔緊要啦~玩下ja ma~yeah~


入到1,2,3,4號廠,呢度大家可以化身導演同演員~haha~走入場景內影相




頂癮Pose 繼續送上~

魚子醬當日出席傳媒優先場,可以有幸近距離看到舞台劇的全個日本團隊,這份專業的精神值得加分,主辦單位並不會隨意在香港招聘,而是原裝團隊,確保有質有量

在超人遊樂場玩完,如果有買Live Show的朋友,可以動身到Hall 10看舞台劇,整齣都是廣東話配音,對於老粉絲來說可能有點打個突,不過小朋友就投入得多!

內容都離不開超人打怪獸,中途臨崩潰時又振作團結,最後由黑暗逃出一片藍天,燈光同音響都做得非常玩,而且途中會出現多次噴煙噴火的特效,一個鐘的真人舞台劇節奏都好緊湊!



雖然廣東話怪怪,但小朋友對指令都清晰得多,超人需要光之能量去幫助佢地打敗黑暗勢力,大家舉高手比d能量佢地啦!! 大仁話魚子醬真係聽話,舉左5分鐘有多 XXXD
途中仲會有超人/怪獸走落台,魚子醬就比向住佢來襲的巴魯坦星人嚇死了~~hahahahaa~鬼叫佢坐左出通道樓梯~~~不過成件事太突然,事後發覺我地全部人都影唔切,一係就out foc,不過諗返起真係好好笑


如果大家去開農莊,又有免費飛在手,不妨一次過走兩場,話唔定爸爸最開心 XD

日期: 2015 年7 月9至12 日 (星期四至星期日)
時間:互動遊樂場及主題展覽
地點: 亞洲國際博覽館Hall 8、9、10

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...