【親子料理】德國寶開心廚房 - 親子便當製作班！

由魚子醬可以享受固體食物開始，我們家已經入手十數套卡通便當和三文治的工具。麵包類的我們經常用得著，但飯糰類的，做多兩三次又覺得，花了數小時整靚靚，其實成品睇得唔食得，紫菜淋了，公仔型的飯糰壓得太實又無醬汁伴吃，最後還是半放棄。今次跟Weshare到德國寶開心廚房，齊齊上一課親子便當製作班！

我們的親子料理分享可以參考<3d小熊多士> 和 〈卡通三文治〉~~便當仲未上得大檯同大家分享 XD

教室座落MegaBox五樓，一條大扶手電梯就到，全玻璃的設計很開揚。導師細心考慮到有小朋友，將所有煮食爐具都放在鄰桌，爸媽煮材料時，小朋友可以坐好等吃。

企鵝、熊貓與海豚飯糰工具可借用，而所有小朋友可以自選鬆弛熊或白熊飯盒帶成品回家

這裡還有小朋友廚師帽和圍裙，超可愛啊！！而媽媽穿的卻很優雅的黑色孖襟樣式。燈凳！魚子醬小廚師登場了！

想要幾張正常的合照，魚子醬卻在搗蛋，可愛又勞氣！

Happy Kitchen的導師們最近就編寫了一本親子料理書《日式親子便當這樣做》，雖說便當食材變化不多，但手法百變，動動腦筋又成了不同卡通人物。重點是真正以粵語編寫的便當書不多，多是台灣譯本，好些食材的名字總是看不慣，現在有這本就正好填補了這市場。導師還即席預備了三個款式，等大家看到實物有更清晰的印象。

雖然導師準備好三款給大家參考，但其實小朋友可以自行在書本內選擇喜愛的款式，到底小廚師魚子醬又會揀咩呢??? 「我要車車！車車！車車！」其實...今日無車車模wo...「車~~車！」

揀好款式，洗乾淨手仔等開始啦！

同魚子醬細心看看食譜書，發覺款式都幾多，而且不是全部都用模，就算是意粉也有多變的款式，最驚喜是，最後有齊所有食譜的印尼文！方便姐姐在家做給小朋友吃，想得周到

導師先示範製作牛肉卷和其他簡單的花式設計，其實另一個令魚子媽減少製作便當的原因是，適合卡通便當的食材來來去去都是蘿蔔、獅子狗、蟹柳、玉子、腸仔、火腿、西蘭花、車厘茄，不算健康也缺乎醬汁，不宜多吃，經常看到日本媽媽做出Elsa又龍貓真係好勁抽！

今次在導師引導下，發覺其實牛肉卷都是好方法，但可能要大少少ge小朋友先食到，魚子醬未食到咁韌ge肉

對上一次趁魚子醬午睡，躲在廚房做卡通便當身水身汗，點知「食得啦~~~」ge時候，完全唔So個靚靚飯盒~~而今次調返頭，點解?? 因為基本上烚熟材料「待砌」時，魚子醬已經不停食緊d材料，同小小豬足足摵左三四隻鵪鶉蛋食~~!

媽媽在一旁砌到香汗淋漓 [跟車媽媽學的XD] 但魚子醬完全忘記了車車事件，到媽咪大叫「呼!整好啦~!影相~~」魚子醬一個唔該，倒!晒!成!杯!黑芝麻落去，然後話「我鍾意食芝麻呀!bebu bebu bebu」噁~~~~~~~~~~~~~~!!! 所以我們根本沒有拍成品照 >_<

就只有一堆黑芝麻的卡通便當......[強顏歡笑]

【番外篇】原本打算同SY小小豬三個一齊著住毛毛衫整便當，可惜時間不夠，所以就換成尾尾空檔換裝派對一下 XD 超可愛呀!!!特別是細細粒的魚子醬，最能穿出胖胖的感覺

Little K對毛毛衫超好奇，萌爆妹妹摸摸看這一幕，每次看相片都會心微笑，跟這班小朋友一起成長真開心

感謝教室職員的包容，讓我們在教室內小小搗亂了十五分鐘，下次再約埋一齊Cosplay吧 XD

參考連結:

德國寶開心廚房FB Page