鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

7/11/2015

【親子好去處】魚子醬玩樂手記 - 暑假重點節目 - Baby-Mo 探索大自然遊學園 x 動物農莊 2015 【親子活動】

來到Baby-Mo 探索大自然遊學園 x 動物農莊 2015,已經是魚子醬第二年來[去年的分享按這裡],但畢竟我們只是第二年來,已經覺得有點悶,因為活動 換湯不換藥,近半的遊戲甚至擺位都一模一樣,雖然近三歲的魚子醬更獨立更靈活,但整體較第一年來悶蛋,都跟大家分析一下場內外的必玩 AND 可SKIP位! 周末攻略~去片~~~

這個親子農莊的活動 7月10-12 一連三日在博覽館Hall 3&6舉行,跟媽媽咪咪嘉年華同一地點,而周五六入場更有限量小禮物,就是憑1張大人+1張幼兒小童票,就可以在一入場的位置換領 一盒Kinder出奇蛋 [只有女仔款] 和一枝AQ消毒噴噴試用裝~~~即係如果媽媽一拖二入場,都只換到1 set~! 

面對正門的恐龍區,跟去年擺位方向都不變,完全沒有驚喜,直接Skip了,雖然有一個考古的沙池,但場內其實有另一個Playright的沙池,近入口這些人煙稠密的地方,不必心急一時


看看地圖背面,幾吸引眼球,但要有策略地玩,真係唔好心急見一樣玩一樣,別忘記最受歡迎的不是充氣設施,而係有親子互動的workshop,早上入場都仲可能有walkin即玩,但,我都建議大家先走一圈,拎晒「無撞時間」ge籌號先,再順序玩手作仔,否則見一個玩一個,可能行多2,3個,已經全日爆滿啦!其中最受歡迎ge係~~最裡邊的 德國寶Cooking Class [地圖星星個度] 一直向入衝就無有錯啦~haha

周五11am都已經排到這樣,不過我見有d登記ge人好似有購物收據,唔通要係百貨公司買過野先參加得? 因為魚子醬遲d都有另一個GermanPool Cooking Class活動會參與,所以會場這個我們反而沒有上心,大家有消息記住update我們!

返返最近入口的workshop開始, 插秧體驗不用籌,因為只是幾枝膠ge道具插入花盤中,還有農夫帽,影下相都呃得下人,不過比起上年係用真泥,真係插秧,真係會整到成手泥,兼有職員講解,互動程度認真大減,呢part要扣少少分

而綠色小工場就會有環保紙筆筒和葫蘆瓜飾物 間住間住舉行,魚子媽覺得前者比較適合小學生,而後者就小B都玩得,因為只係比個葫蘆瓜,水筆畫畫畫,綁繩就完成!筆筒要將報紙捲捲捲捲捲,然後再將好多好多「報紙卷」痴埋一齊 


飾物工作坊旁邊全是關於蔬果的小遊戲,任玩唔嬲,人流唔太多 

再向前行就是余仁生的中醫工作坊,好欣賞他們有數件小朋友size ge LabCoat,比小朋友在整個參與過程著住影相同整驅蚊小包,連執藥part和「中」碎d藥材都是親力親為,高度推介的工作坊啊!!! 藥材有七種,分別是薄荷、白芷、石菖蒲、紫蘇葉、八角茴香、艾草、藿香;唔好問我係乜,我淨係識幾種常用ge香料~hahah 

每個小朋友可以執三種,經常一輪發洩後,就可以放入袋仔帶返屋企,香味真係好勁抽!效果應該ok 掛~~放係窗台先 ^o^ 不過魚子醬之家一早已經裝晒蚊網~hahahaahahha

大豆救地球係用最傳統的棉花種豆豆方法比大家帶返屋企,小朋友過程中可以DIY自已ge溫室....背景~~不過都有條SoyJoy送返,另外填完問卷仲有一個摺摺摺ge儲物盒仔,幾ok ga~!放係書檯、化妝檯、公司都實用 


魚子醬理想的溫室是,要有好多糖好多糖,同埋一個太陽 LOL 


Workshop過後,先睇3歲以上小朋友ge玩樂選擇,今年充氣設施確係多左,但變化不大,都是滑梯佔多,所以重複的可以skip;而地圖黑色框框個兩個「遊戲」真心覺得可以唔理~其中一個係齊齊走入全黑ge房睇星座,房內有好多星空投影機~errrrr~~你先要有好高ge想像力 


因為場內充氣的都是滑梯為主,所以不必急於塞在最近入口的這幾個,經常看見這兩邊排長龍,但較入位置的玩樂設施都較少人 

這座在會場正中的「八爪魚吹氣樂園」新意是有,全開放式,家長不可能無時無刻跟著走圈,裝置有一定高度,大部份時間小朋友都離開視線。假設他是專心跑圈穿過障礙就放心,但若然在是但一part走開,都已經唔知去左邊,這個「危機」較大,好玩係好玩,但作為家長,唔太放心 

主舞台旁邊的Kinder 出奇蛋小型波波池,比較適合3歲以下,不過就只是一個四方空間,像是家長的休息時間較多 XD


在八爪魚後方的,是120cm以上才能玩的攀石牆,旁邊就有另一個彈床 

而最裡邊就有常常在BB展出現的彈彈馬場,家長可以一同內進 


要數最最最好玩的! 一定係靠近出口,係「黑房」旁邊的 升空火箭旋轉滑梯,整座裝置近 5米 高,小朋友先要走上旋轉樓梯,再由高處滑下來,這個適合3歲以上,不怕黑的小朋友,雖然上面都有工作人員,但始終家長能夠做的就只有在出入口等,甚麼都看不到。每節3分鐘,大約玩到4次,可以自已衡量一下小朋友的膽量 

 在黑房的另一邊,有保兒加營素的遊戲,也是波波池,但這個有小任務的,就是池內有不同的生果,小朋友入內前先抽卡牌,看看自已要抽甚麼生果和數量,然後在池內尋找自已的生果放入環保袋 [不過其實結果係點~都會有印仔ge~haha] 同P仔影埋相~就可以有禮物啦~

三選一的掛頸八達通套,講真真係幾靚,另外仲有一套硬紙質地的度高表,足足可以貼住地面上到150cm,超有份量! 

至於3歲以下的玩樂也不少,Friso 的滑梯設施都是較小型給BB的,另外巧虎又有小樹屋,彩虹彈彈圈和小城堡都是限小B玩的,playright的小遊戲都有指定3歲以下區域 



Playright的沙池其實大小都合適,不過就放在這邊跟大家介紹吧,沙池內有好些水管、竹枝、沙灘玩具和木珠,小朋友可以隨心玩,家長也不要插手吧,Playright 就是主張 FreePlay! 也是魚子媽的教學理念



沙池旁邊是水泥工,這邊就真的要哥哥姐姐玩了,因為都牽涉好些工具

魚子媽覺得細仔區上年好玩d,不過今年同樣有波波房,就大人細路都開心,情況就好似無啦啦溜冰場變左波波池,最開心ge竟然係d大人 XD  

上年玩ge時候已經超開心,甚至同朋友計劃過租間office 來比人玩波波 XD hahaha 今年同樣好享受在這裡的時光,建議大家早黎早享受,人一多,氣流受阻,d波就無咁飛~

手作做完,體力時間完結,可以來點慢慢的了,因為動物區ge人流去得快,範圍大,唔急睇,玻璃缸內的有倉鼠、龍貓同天竺鼠,欄內的有小兔,另外都有一隻放係檯上的欄,是可以餵食同摸摸的,但請提醒小朋友要溫柔 

山羊欄有兩大個,要留意牠們有指定的餵食時間,大家不想錯過就要預時間回來這邊 

馬馬在山羊旁邊,兩隻會輪住休息的,只要排隊ge時侯做電子問卷,之後再拎牌牌同馬仔影相,就可以有小禮物啊~ 

從前的魚子醬超怕「頭行先」的動物,但這裡馬馬平靜的在吃草,他就大膽多了 

小禮物算不上甚麼,不過小朋友都開心的,三選一,魚子醬選了羊咩咩? 公仔,其實媽媽想要個袋多d啊~~~ 

最後回到海洋區,有海星的大池,去年只可遠觀,今年就有哥哥姐姐用透明盤抽起一兩隻,比小朋友摸摸看。魚子醬早就到過佈滿海星的沙灘,所以沒有興奮感覺~haha~


朝早睇完Nemo DVD,係現場又有得睇真Nemo,yeah~!

食物價錢就唔算抵ga啦~都預左~大家可以出場外 [手背記住蓋印] 又或者係Menu揀揀揀~~~最平靚正絕對係 $20雞蛋仔,而且質素唔差喎!厚身脆皮,街買都要咁上下價錢 

連動物都睇埋,就梗係購物時間,呢間TePe 係真係牙科品牌,5月媽媽咪咪嘉年華ge時候第一次擺Booth,魚子媽同朋友已經掃左幾百蚊,因為小朋友牙刷只係$19,仲有大把顏色公仔揀,大人牙刷都有,連少有的牙縫刷都有咁多個粗幼度,真心掃得過,反正牙刷是長久必需品!! 姐姐話見埋今次唔知幾時再見啦,因為始終係走牙科專科路線,8月荷花展都唔會參展,所以大家有買趁手啦! 

今次都幫魚子醬再買多2枝牙刷,媽媽又買左牙縫刷,even我們家 大人細路都用緊,大人刷毛都好軟,所以推介啊,以後要買可能就要去指定藥房、牙科診所先買到,又或者上HKTV買 [不過online 無得揀款 T_T ] 

到最後一刻先醒起仲有d隨地圖附送ge coupon可以用,又有d小遊戲可以玩,今次大概3,4小時就完結我們的農莊遊了~~~如果下年再係咁多重複,真係未必再黎啦~~~~

【舖史王】又出動,魚子醬這幾天突然model上身,包你估佢唔到的pose都會隨時擺出 

 因為同期有鹹蛋超人ge 遊樂場 [稍後再同大家報導],所以整個博覽館都超熱鬧,而館方有自已的會員登記活動,而且即場抽獎,看看玩具的陣容,超強大,而且所有看得到的,都是當下小朋友最最最愛的人物,妖怪手錶 McQueen, Frozen, Thomas, Minions, Lego, Kitty, 仲有Kodak cam同其他大獎;不過最多人中的都是爆谷~都ok 好味架!離開前記住玩埋先啊~我前面的呀姨就中左大獎! 但佢同姐姐講「其實我原本諗住食杯爆谷ja 」XXD


希望這個周末大家在農莊都玩得開心啦~!!! 無論是之前預售已經購票,又或者7-11買了門票的,臨時想去都好,即場都有門票發售,而且天氣仲好多了~~ENJOY~!!

相關文章:


0 Comments:

發佈留言

記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮

文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance

邀約合作請聯絡: megan_wong@ymail.com

Related Posts Plugin for WordPress, Blogger...