【全城必玩】愉景灣海灘11米高充氣滑梯。45度角衝呀~!!!!!!! 【附短片】

起初Slide the City聲勢浩大，怎料宣傳期過長，到現在為止，淺水灣的Endless Summer早就有得玩，而今次愉景灣的11米充氣滑梯絕對是重擊！因為完全免費！呢招Like FB就全日任玩ge招數，真係Win Win Situation~! 而且全個八月天天開放 [除非天氣問題] 真係要講聲「玩到你唔玩為止！」yeahhhhhhhhh

愉景灣作為魚子醬一家最愛到的地方，就把握開幕的第一天就來湊熱鬧！今日KickOff~同場還有CosmoBody! Party 位位$250~遊戲任玩，獎品堅豐富！頭獎係雙人來回澳洲黃金海岸14天之旅！仲見到抽獎有好多 Pandora~hahaha

未落到沙灘就聽到森美把聲啦~~~今日有佢黎做MC~一定無悶場，真係辛苦晒 ^o^ 

Party雖然只有一日，不過都比大家眼睛吃吃冰淇淋 XD 唔係Bikini呀~要睇自已去沙灘睇，識睇一定係睇六舊腹肌啦 ~~HAHAHAHA 

在沙灘上，玩滑梯ge人、開Party ge人同本身黎沙灘玩ge人都有自己ge節奏，沙灘不大卻容納得到全部人，一d都唔逼 

一心來玩滑梯，只需要係登記處出示Like 左 "Visit Discovery Bay" FB Page就可以蓋印任玩！就係咁簡單~更加唔會逼你share~~人家都只是跑條數~呵呵 

原本想11點一開就黎，不過落街食早餐之際就發覺今日太好天，中午會曬傷啊！我們四點到達之時，人龍需輪候60min，不過頭半有帳蓬，加上陽光漸收不太辛苦，一個鐘話咁快就過

人龍究竟有幾長?? 帳蓬內大約有10行蛇餅，不過去得好快ge~~加上今日有party又係星期六先咁多人~~成個八月流流長~~淡定有錢剩！

排隊前梗係做下心理準備先！睇人玩永遠驚過自已玩~呢條充氣滑梯高11米~斜度達45度，比起Slide the City平地瀡有時會撞停自已又一定要用水泡，呢個第一身感覺正好多~!落黎之後仲有大大衝力比大家Slide the Beach ~HAHA 

沙灘樹同太陽傘都係大會提供的，這個八月有福了 ^_^ 不過都要睇實自已ge財物呀，今日就見到地下好多地蓆都得袋無人。就算玩滑梯都可以全副裝備跟身，因為排到你ge時候會有tray裝野，有職員守住，話之你去到先除衫除褲，總之方便自已啦 

滑梯開放時間每日1100-1800，最後蓋印時間為1700，然後關閉前半小時會截龍，六點正會準時收工！留意身高超過130cm才可以玩，所以這次只派出魚子媽應戰！諗諗下其實下次可以好似等小巴咁，一家三口排，但去到擺野ge時候就爸爸玩先~媽媽照顧住小朋友，好快玩完接走，又可以到媽媽玩~~yeah

雖然不停有水流，但滑梯每日都會有兩段清潔時間，分別為1300-1330 // 1530-1600，隊可以照排，但會截人上，人龍會消化得較慢，大家要留意留意 

真係剛好1個鐘就到啦！就到ge時候又怯怯地添~點算好啊~! 不過最搞笑ge係臨上樓梯，有兩個BB浴盆，比大家洗洗d沙先上去，雖然盤水已經好混沌，但唔踩又唔得 

留意，防水ge相機好，電話好，都可以手持/用配件綁係身上滑梯，但絕不能用自拍棍；因為要手拎的關係，畫面有點搖晃，不要介意啊~仲加左音樂，費事慘叫聲嚇親大家 XD 排一粒鐘，玩十秒鐘，少少自虐但樂在其中，而且玩一次絕對唔夠喉！！！已經決定超短期內又會再去再去又再去~

魚子醬耐心的等待了一小時無得玩，接下來就是玩樂的時間啦！ 大家還記得上次海陸空之旅介紹給大家的沙灘遊樂場嗎?? 繼續大力推介

在香港找不到另一個地方這麼像身處外國 

六點正，望過去滑梯，風機已關，滑梯隨即塌下，噢~~~~沙灘上好似突然間少左d野咁 

之前都未影合照，諗住無咁快閂門架嘛~~~~算啦算啦~塌左都照影 XD  

帳幕內就是這樣的十小行，其實進入帳蓬內大約20min都已經排到 

沙灘上仲見到有人玩Bubble Soccer，好想試下啊~!本身已經論論盡盡ge 魚子媽，會唔會碌左落海架 ~hahahah 

小孩子的眼神完全流露出「我想食雪條~~~~~~」結果咁就有3件 Nice Pops啦~哈哈~椰子味同西瓜味都超真實~原本要參加Party 再玩20sec 呼拉圈先有得食架~~ 

碰巧遇上的Party加上滑梯，沙灘火辣辣之餘都真係好熱鬧~~~ENJOY~! 同場加映聞歌即起舞的魚子醬 XD 

在沙灘邊邊仲有花灑沖洗區，可以手執花灑係一向最想在沙灘遇到的事，愉景灣真心體貼！ 

回程問魚子醬好唔好玩，他現在會補充「好玩呀，好好玩！」可以第日會好好好玩同好好好好玩，有幾趣~請比趣~~~~送大家一首魚子之歌~睇下大家聽唔聽到佢唱乜

好快又會再黎ga啦我地~~~~如果係沙灘見到我地記住say Hi啊~~

相關文章:

【香港特色遊樂場】訪問分享 - 魚子醬的終極海陸空之旅

活動詳情:

日期: 8月1日至8月30日

時間: 1100 - 1800

 [清潔時間 1300-1330 / 1530-1600]

身高限制: > 130cm

連結: 愉景灣 Facebook Page