鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

8/21/2015

【暑期活動】BMW兒童交通安全城 2015 - 齊來當個小司機和乖乖行人

去年登次登陸香港的「BMW兒童交通安全城」將活動焦點放在馬場內的開季嘉年華內,今年就更親民,在海港城內的室內籃球場舉行,就算是路過的家長小朋友都可以一齊興奮一下

活動必須事先於BMW網頁報名,不設walkin,這點就應該令不少小朋友失望,不過就算報唔到都唔緊要,因為海運地下KidX的部份同樣有填色同砌硬卡車模型的工作坊,是可隨時walkin參與的,模型都幾精美!至少唔會失望到乜野都無嘛~~~所以呢個weekend都可以帶小朋友黎 

一心還以為直接到「交通安全城」報到,原來就算之前預約了也先要到KidX登記,填一填同意書之類就可以取籌進場~yeahh~~


小朋友先會到寶馬教室內,學習道路安全知識 [本來以為悶蛋蛋,點知當晚魚子醬掀書講返晒姐姐教ge野,真係有聽書啊!] 

唔洗擔心坐唔定,因為書仔內有貼紙環節,玩完一輪仲有卡通片睇,十分鐘時間好快過去 


這個小小的安全城都佈置精美,不過小朋友玩的是「豬仔車」,如果可以有電動的一定會更開心 [但都有機會玩到失控 XD] 大一點的小朋友可以玩帶輔助轆的小童單車;這個活動限制了3歲以上和110cm以下的小朋友才可參加 

道路上的標示、紅綠燈、地上的箭咀方向都做得好足啊,每位小朋友都會有做「司機」和「行人」的時間 [各10min] 魚子醬就先行當個小司機啦~~~
 

跟大隊出發了~~~四周都有哥哥姐姐提醒小朋友要看燈號啊


 而過馬路的小朋友都有姐姐帶住,記住綠燈先可以過啊

魚子醬經常「落單」所以有姐姐專責陪住佢行~haha~
 

現今的家長,應該都有好好教小朋友綠色公仔先可以過馬路,所以未見到小朋友亂衝亂撞。不過由司機switch 過行人的過程,魚子醬就幾乎崩潰了,明明坐緊架寶馬又要做行人,真係幾大打擊 XXD 他竟然在崩潰的時候用9秒9的速度跑了一圈,快到姐姐都追唔到;最後都肯扁住咀跟返大隊

要預先登記係有原因的,因為每位小朋友都會有自已ge證書,哈哈~睇黎要開始儲下呢d活動證書,為Portfolio 找出路 XXD   雖然玩安全城已經一早爆滿,不過去KidX 填色砌模型都好呀,另外FACESSS 對出的活動場地都有真係車展ge車展,爸爸們唔會悶親喎~~呵呵

考連結:

BMW兒童交通安全城
日期: 2015年8月11至23日
時間: 星期一至五 – 下午1時至晚上8時 
        星期六及日 – 中午12時至晚上8時
地點:尖沙咀海港城海運大廈地下中庭

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...