【燒豬玩樂記】香港街馬嘉年華2015！

2015年的香港街馬過一段落，因為嘉年華只有一天，所以這篇也沒有趕著出爐，只為記錄鐵人家族又一次玩瘋了；我們整整由0930玩到0430，玩盡全場的攤位，最後傻傻的貼到全身印水紙！代價是甚麼？經過一整個下午的日光浴，印水紙的形狀都就伴隨我們直到永遠 =o= 黑底白字的印記

人地跑街馬的，第一組0730就Standby了！嘉年華由0900開始，若然要購票的話是HKD50一張，但相信本身主辦單位都沒打算廣邀公眾參與，主要對象是跑手跟家屬，都已經夠多人了，讓魚子醬跟媽媽混進裡頭吧！ 

街馬嘉年華一直強調共融之餘，也確保老中青都有玩樂的位置！果然都一一做到了 

街馬嘉年華的位置，正正就在荔園範圍內，而當時荔園已經完結了幾日，但部份攤檔就有繼續營運，例如攤位遊戲同飲食檔口，不會死場一個 

今日最最最最大功勞的，絕對係自助水站，無限量的Bonaqua 任裝唔嬲，由清晨一路裝到臨收工都勉強仲係唔同ge位置搵到最後1,2樽，無左佢地，今日都唔知點過！

嘉年華前，在網上都沒有太多資料，但就知道有條跟愉景灣滑水梯一樣的充氣裝置在這裡，愉景灣的11m高，這裡只有7m，還以為人人可玩，但原來跟DBAY限制一樣是130cm，結果兩母子都無得玩 

當日九點幾ge時候，因為大部份人都未開跑/跑緊，所以輪候人數極少，估計2,3分鐘已經可以玩，不過為免自已玩完但唔了左個仔，都係算啦 >_< 

在場有售賣不同運動用品的「商店街」，有好多舒緩肌肉勞損的運動/用品 

這類「狼牙棒」我們家也有用，只要受得痛，其實真心舒服的 <-- 拿唔好諗邪野，只不過偉大的淘寶真係叫呢個名 

面部身體彩繪，大人小朋友都可以玩 ^_^ 

簡單快捷的，可以揀掃上亮粉的，有不同圖案選擇 

要動筆畫的，可能就要排耐少少，不過就可以更大自由度，魚子醬選擇了街馬嘉年華吉祥物的樹人 

其實成個街馬嘉年華，商業成份有，但社區組織的成份更高，有唔少攤位都係由社企/長者服務/傷健組織，平時扭波波，高難度的都索價不少，但今日係呢度就任扭唔嬲，但魚子醬也很知足，只要了扭好的長劍

係一個傷健組織的足球遊戲，我地需要戴上固定板，令膝頭動彈不得，原來看似簡單的動作，例如要踢波入正前方的龍門，都絕對唔容易

《陪著你走》一劇，將導盲犬的角色再一次得到大家關注，其實這一刻才知道原來有導盲犬助養計劃，小朋友都有機會接觸一下乖乖的狗狗，大熱天真的辛苦了 

在場有不少「老友記」的遊戲和攤位，還可以在大帳蓬下唱下舊歌，果然是共融嘉年華 

部份荔園遊戲經已移走，所以多出來的大帳蓬就成了大家的遮陰好地方；這個泵氣鬥快整爆波ge遊戲真心刺激，將大人小朋友的距離拉近，人人有獎永不落空！

玩埋足球士碌架，魚子醬同媽媽用勞力換取了一包薯片同一枝水動樂 XD 呢個時候有枝補充飲料真係Perfect到爆！

整個嘉年華的東南西北都有整印水紙的單位，最靚梗係嘉年華ge吉祥物，仲有太陽國際金融集團的金銀Logo

昔日的荔園溜冰場，今天成了考驗合作的大腳八遊戲

熱到唔覺餓，但就對糖份同降溫有莫大需求，園內的食物價錢真心合理，連帶一向係嘉年華抬價的飲品，汽水等都只係$6罐！$30的雪糕已教魚子醬滿心歡喜

由9點半玩到11點半，其實已經想想地走！點知呢個時候發現大帳蓬內是小朋友天地，有軟墊區任碌唔嬲，又有三個不同的小手工workshop；雖然入面一把風扇都無，其實有d辛苦，不過如果焗同曬傷，咁都係焗一陣啦，至少偶爾會吹來一點涼風

30min一節的手作坊，玩下玩下就2個鐘，中途Little K的加入，令我地無咁悶，可以邊玩邊做

三隻眼ge 馬騮同十隻眼ge大象，多謝姐姐沒有嫌魚子醬用左n倍材料 =P

到最後仲有機會整埋古時的敲擊樂器，名已經唔記得啦，但就好似將兩個扭蛋波波入左d細珠珠，搖下碰撞下咁，講到尾就係小朋友最愛的玩具也

荔園已結束，但仍然可以用一蚊雞扭香口膠，本著要錢唔要貨ge精神，姐姐話「小朋友扔乜都有獎」咁大人呢~?! 「errrr~如果你直接扔入中間個窿，掂唔到任何磚就比你」XXD 完全同當初ge玩法唔同晒 ~hahahahah

真係要走啦....荔園應該都唔會再重生，街馬嘉年華都仲可以年年去~~~~明年再會啦！

如果你同魚子醬一家一樣鍾意玩鍾意癲，覺得小朋友童年就係要無限玩樂mode，可以Like 「魚子醬 - 親子玩樂指南 & 親子活動平台」，接住落黎都有好多活動同大家一齊玩，希望係呢個平台聚合到更多志同道合ge家庭！