【親子活動】落手落腳讓小朋友認識upcycling ！ 盡在Fest Zero 零捨好生活

雖然PMQ一直錄得虧損，但其實魚子醬一家真係非常鍾意呢個地方，每次黎都有唔同ge主題活動；對上一次就見識到民間傳統的手藝，而今次就係由減碳為題的Upcycling Fest Zero；去年渣打同一項目在Hysan Place舉行，今年在PMQ 規模大得多，可以涵蓋ge生活範疇都多左，「衣食住行」大家都可以係呢度搵到環保小竅門

9月20-21日一連兩日在PMQ的活動，大家想好周日的節目了沒有??? 推介大家來呀！是個有意義的親子好去處；而之後會移師往香港大學繼續「零捨好生活」，而十月初更會在啟德實行「踩單車去聽音樂會」，應該是個有趣的體驗

這裡有絲印T-shirt環保袋的工作坊，都是walkin就可以，純棉的Tee都是早前募捐而來的，經過簡單的改裝就是一個環保袋了！

在入口處有一條超強的環保袋走廊，結果魚子醬一家拍了又拍，面皮甚薄的我們，今天也忍不了，請了路人替我們合照；真係超靚呀！！！ 

「衣」除了有環保袋製作，還有百家被workshop可以幫忙製作，不諳衣車的我們只好「行開當幫忙」=P 而「食」 方面，這裡有大量由 惜食堂 義工 用收集回來的生果製成果醬，同場都有蛋糕和飲品可以試食試飲，還可以參與漬物工作坊

在「住」的方面，魚子醬無意中看到了自已一年前的相片，恰巧又穿著同一件衫，露出尷尬又興奮的表現，哈哈；眼利的攝影師哥哥sss 原來早就認得我們，難道明年活動我們又會「代言」????  

其實有一個親子耕作Workshop 利用回收的木地板製作種植箱，將小花圃帶回家，一家三口只是HKD 80，但考慮到屋企幾千呎，都係算啦 ^_^;;;;  見另一個田和設計 Solar Dye 陽光染物的工作坊都係HKD 80，就決定報呢個，因為學識左之後，都可以教其他小朋友整 =] 

係過程中，魚子醬的認真程度都係惹笑得很，不過我地ge進度都因此非常良好

用上不同的方法將襪仔 五花大綁，就可以做出不同的效果和Detail位，姐姐細心地準備了小朋友及男女裝的襪仔，又有小小環保袋和杯墊選擇，大朋友傾向揀袋，但我地就梗係整襪仔啦~yeahhhh

係姐姐的講解之下，認識到原來好多植物都可以用來作天然染料，最常聽的應該是薑黃之類，但原來用牛油果皮+核，係可以染到粉紅色！真係講到唔信，而今次就用上洋蔥皮，可以染到橙橙黃黃的效果 

將洋蔥皮和襪仔一層一層放入樽內，只要加入水，曬三日以上，因應顏色的深淺就可以隨時收成ga啦~~~好期待成品啊！！！ 姐姐話如果想顏色易上色d同穩定d，可以用明礬 和 白醋作附加物，而且也要確保「被染」的物件也是天然物料，例如純棉、絲綢等

「衣、食、住」都講完，就到「行」，其實用單車比起用私家車真係環保百萬倍，奈何香港的配套未是完善，要是學習一下北歐的國家就好多了

除左減碳的工作坊展覽，英國建築師 Thomas Heatherwick所設計的Spun Chair，呢度有二三十張可以任玩唔嬲！！ 其實想玩好耐ga啦，每次見到都怕醜，今次人人玩，就玩個夠本啦~hahahha~初初會好驚，但愈放鬆就愈享受 

同場仲有MaMaSwap二手換物的攤位，大家可以帶家中用不著的東西來換物 =] 

雖然部份要預早報名的workshop早已滿座，但姐姐話其實都有dd walkin位的，就算唔玩個d 要比錢ge workshop，現場可以參與的活動也不少，來一來，影多輯靚相，何樂而不為呢 ^_^ 支持 Upcycling！也支持惜食堂！這裡所有工作坊的費用和果醬收入都會捐往Food Angel 惜食堂的！有得玩，又有得做善事，希望大家都會抽時間來啦 ^o^

如果你也跟我們有著相同教育理念，希望小孩由體驗學習生活知識，又想同更多志同道合ge小朋友家庭一齊玩一齊學，追貼 魚子醬 - 親子玩樂指南 & 親子活動平台 實行從快樂中學習，謝謝大家支持

FestZero 零捨好生活

日期：2015年9月19-22日（星期六至二）

地點：元創方PMQ（19-20）＞＞＞香港大學（21-22)

參考連結:

報名: http://www.putyourself.in/category/festzero/

Smiley Planet Facebook Page

惜食堂official site