【親子活動】讓孩子話事！意想不到的人力車觀光巴士之旅 Rickshaw Bus

人，往往會忽略身邊慣常的事情，我們外遊時，都可能會plan下坐Hippo Bus之類的景點巴士，卻一直忽略了香港也有的Rickshaw Bus，未認真做功課前，都認為遊客野一定貴到死啦！點知原來由尖沙咀到中環 / 中環到尖沙咀，都只不過HKD33一程，全日任上落都只係HKD 200；最滿足的，當然是首嘗開篷巴士的小朋友！魚子醬今天樂翻了，四歲前又免費 =P 一舉兩得

開篷巴士，往往會諗起政黨謝票又或者明星宣傳，其實也是一個很好的親子活動；魚子醬唔知幾時見過一次，就每次出街都嚷著要搭，要留意班次是每30分鐘一班，在官網有每個站的「實時抵站時間查詢」十分有用的小功能 

日夜行走的路線略有不同，而收費都以1號及21號站為單程計算，所以我們當天就在尖沙咀加連威老道上車，經過PolyU後就直接進入紅隧 

之前坐過朋友的開篷跑車經過紅隧一次，廢氣之多，完全唔明點解會有人愛上開篷車 =.= 魚子醬翌日仲起到全身風癩；入紅隧一刻才想起這事，幸好坐上層，空氣較好，不太覺廢氣，而且，原來，坐開篷巴士係隧道ge感覺係好正 XD 

出紅隧後，先經銅鑼灣再返灣仔、金鐘、中環；塞下車其實都幾襟坐 =P 而且人不多，任調位都無問題 

而且一直伴著我地的，除了可以用唔同角度去睇平時ge鬧市建築之外，仲可以同陽光玩遊戲，要靚Background絕對無問題，魚子醬都影到靚相~haha 

當真正ge遊客走得778899之後，就係我地獨霸巴士的時候~hahah~一趁塞車就影相，而行車ge時候，每經過一個景點都會有廣播中英介紹，雖然GPS就好似唔係好準 XD 不過聽下呢d歷史知識都幾好 

由灣仔鬧市走到金鐘中環地帶，一下子寧靜了，建築新舊交融，魚子醬話最靚係 聖約翰座堂 ，要留影咁話 

成個過程，當然魚子醬比較享受，往往做了人父母之後才更享受生活，除了家庭更完整之外，孩子的成長和笑容就是父母最大的得著；讀萬卷書不如行萬里路，我們是相信的，藉 體驗 去 學習； 更是真正的皇道

直至灣仔駛入中環碼頭，在九號碼頭旁邊停下來，結束我們的RickShaw Bus之旅，但其實魚子媽今晚依然是在尖沙咀活動的，結果我們又搭天星小輪回去 =P 跟魚子醬笑言 「去旅行~搭車又搭船」 好有麥太同McDull feel ~hahahhhaha 

人力車觀光巴士的下層，其實跟一般巴士差不多，有冷氣的 XD 過海時可以考慮落一落黎~ 

以下是巴士會途經的古蹟及一級歷史建築，雖然可能只係經一經，但如果小朋友讀緊小學，需要增長這方面的香港地理知識，坐上這巴士，不用頻撲已經可以遊走一次全數建築，邊走邊學的親子活動也

相信魚子醬四歲前我們還會再坐一次的，日間的景點較多，既然今次坐了九龍往香港，下次就試下倒轉一次好吧！？ yeah~HKD33的親子遊，抵過係街邊買杯雪糕 [話說魚子媽當時真係咁諗先標上車]

參考連結: 

人力車觀光巴士 Rickshaw Sightseeing Bus