新加坡的親子景點特多，雖然動物園在近郊位置，跟機場來往市區的路程差不多，搭的士是最直接的方法，大約SGD20；Singapore Zoo, River Safari 跟 Night Safari都在同一地點，所以整個範圍佔地極廣
在考慮興趣與體力後，魚子醬跟媽媽這趟只往日間動物園，獲益良多，也覺得動物生活在這裡很捨意，除了危險性高的動物，所有動物都沒有一道又一道圍欄，而是利用天然環境的屏障去分開人類與動物，而一些小動物更加可以係園內自由活動，超有良心的動物園！
爭扎左好耐帶唔帶BB車，最後都係決定用腳步遊走，但其實這裡都有輪椅、BB車同外國人愛用的拖拉車租借，一家大細用來放下行裝都唔錯，價錢合理
園內第一個區域是Treetops Trial，提到樹頂，當然少不了大大小小的馬騮同猩猩 [哈!其實到依家都未識分] 剛好是餵食時間，可以看到有趣的一幕。魚子醬大笑「佢識摵個皮呀！！」
真真假假真真假假，真假都一樣咁可愛的水獺!!
這裡的分隔真的做得很好，既自然又安全，動物都有足夠的活動空間，然而遊人又有足夠的視野去觀賞動物
魚子醬話呢隻白臉猴是「圈圈大叔」，其實猴子的智慧真的很高，很多表情動靜和技巧都跟人類一樣，很令人著迷
難得地可以係呢度見到孟加拉白虎，這種因genetic mutation 突變而成的老虎品種，因為是隱性基因，就算父母都係白虎，都只係有1/4機會生到白虎，非常珍貴
明明一直都超好天，無意中走入河馬的觀賞區，睇睇下突然滂沱大雨！！感恩我們剛好在有蓋地方，場雨一落就成個鐘，星馬的天氣真的太飄忽。但在這一小時，被「困」的大約10個家庭，小孩們卻細心上了一課河馬堂，平時睇動物可能睇5分鐘10分鐘，今次睇足1個鐘，觀察到的自然更多更仔細
一家三口，小河馬還未滿月，超可愛！
平時應該都無乜機會咁樣咁近距離望住隻河馬，連毛孔都高清看到
天雨路滑加上行程受阻，決定搭上穿梭園區的shuttle bus，一時忘記自已買的套票已包，但落雨濕濕趕住上車，個伯伯又一味 Ticket Ticket~我仲諗點解個個show張飛就上得~我要買~~anyway~個SGD 5就當買了個方便~要係袋搵返張飛都有排
呢個動物園都幾多猴子類，不過佢地活動性強，可觀性又高
wow~! 呢度睇北極熊ge 地方超級闊落，成個表演廣場咁大
看見肥肥的北極熊，就知道食好住好，而且仲好活躍
把握到無人的一刻，拍了這美極的背景
魚子醬是十分鍾情長頸鹿和斑馬的，無得解，但今次就真係第一次見到真實的，兩母子都超興奮 XD 仲有犀牛都好深刻啊！我都地花左唔少時間係呢區的動物
身邊有朋友超怕「四腳爬爬」，當我們在FB 告知這裡會隨時有大蜥蜴走動，相信她們以後也不會來 XD
今天入園的重點節目！除了看動物，當地朋友千叮萬囑要我地帶泳衣！ 因為呢度ge小朋友嬉水樂園真心好玩，感覺好似一票兩用咁開心！
話大唔大，話細唔細，都同平時香港公眾嬉水池差唔多大ga~! 又係有裝滿大桶水會一瀉而下的緊張環節
呢頭玩完刺激的滑水梯，又可以走到噴水區玩樂，媽媽沒有換上泳衣，但其實這些池區，好第走動位都可以唔濕身，所以問題不大，但就要幫電話著返防水裝 =P
魚子醬仲自已發現左可以用個呔盤黎控制噴水池 XD
係兒童的區域，除左玩水，仲有間KFC，另外都有唔同ge小動物睇，包括小朋友最愛的餵山羊，樹葉就掛在旁，隨意摘來餵；另外還有兔仔個d小動物，連馬仔都有啊！真心覺得新加坡動物員做得好好，又乾淨又多元化，也讓動物有足夠空間
時間有限都未行得晒，不過大部份想睇ge都睇晒lu~~~要搭的士趕往爸爸下塌的酒店會合!~yeah~~~希望明年又有機會跟爸爸同來，探下河馬BB~~~
秋風起，又係親子郊遊的好時機，想還小朋友一個童年「以大自然為師」，同一班志同道合ge家長一齊玩，可以Like 魚子醬 - 親子玩樂指南 & 親子活動平台 追貼動向！親子活動每次一報名，都極快爆滿，不要錯過
相關文章:
參考連結:
0 Comments:
發佈留言
記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮
文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance
邀約合作請聯絡: megan_wong@ymail.com