【親子活動】黃金海岸 - 登月大冒險 WE嘩！充氣嘉年華。體感光球 x 小巨蛋 抵玩又搶眼！

鐵人家族的原則，天晴的日子忙著玩，周末紅日不開電腦，抱歉讓大家久等了，先同大家分享我地迎月夜的那天在黃金海岸玩 We嘩!充氣嘉年華的片段，還記得當天中午九龍區暴雨兼嚴重水浸，在天文台黃雨下，屯門依然沒有雨，總算玩得滿足，只是天色麻麻，影相唔夠靚

奧海城與黃金海岸的嘉年華同樣在26/9 - 4/10期間舉行，因為中秋檔期的關係，三天Long Weekend在黃金海岸特別加開7-9pm的夜場，還加入小巨蛋 x 體感光球，連挖泥機都加了閃閃波，超特別的玩樂體驗

我們大約5pm前來，可能正正因為中午的黃雨嚇怕了外區的人，加上水浸又塞爆，所以當日人流就真係比較疏落。幸好魚子醬一家是街坊，不受影響 =P  

除左攤位遊戲、手工同造型流沙，這裡所有設施都適合90cm以上的小朋友，這個小丑魚星空漫遊，每次一出現都非常矚目 「MO 仔呀！！！」周不時都聽到小朋友講~~~hahah~加上小丑魚個口開合開合，小朋友每次都好興奮咁係彈床跳住等個口開落黎~~快快手爬上樓梯，上上下下都有哥哥姐姐照顧住，唔怕有危險。最後係pat pat出返黎~hahahah~

今次係中央廣場就只有小丑魚一個大型充氣設施，加上手工和攤位，比較靜態一點，魚子醬最愛玩的NERF，同爸爸合作之下，三發子彈射中 2隻鴨仔，有Sunraysia 果汁飲~如果射中一隻就有Tempo濕紙巾；而旁邊就是扔豆袋公仔的遊戲，跟射鴨仔玩法相約 

另外近酒店通道的一個小廣場，那邊仍然有超受歡迎的 嘩啦嘩啦!撐船仔同發光太空飄卷 [名黎je 名黎je XD] 前兩因為太多人 / 落雨都無緣玩，今次終於玩到啦！！仲無意中包了場 =P 魚子醬用了2分鐘就掌握到技巧，不過都係打轉多；旁觀的我們反而更加覺得可愛~ 

至於Water Roll，咁體力勞動的遊戲當然由父子檔上場！雖然呢個需要的遊戲券最多，但論好玩度，呢個真係爆燈，而且並不是經常有機會玩到

地面的玩完，係時候上一樓的遊戲區啦！ 

兒童殞石挖掘機，上次係 愉景新城 已經重點介紹過的新玩意！雖然應該要5,6歲以前ge小朋友先真係掌握到點樣自已玩，不過呢度ge helper 姐姐哥哥其實全部都好好人，會一對一教小朋友玩，入夜後加入閃閃波，仲靚

一樓部份有四個充氣設施，加上挖掘機和造型流沙遊戲；這個四四方方的反斗挖掘樂園，雖然簡簡單單，但小朋友有得係安全環境任彈任撞 [一個人ge時候] 其實已經開心得很

魚子醬一家最期待ge 係新新登場的We嘩！探月火箭！論外型同內涵，我地都一致認為呢個真係好好玩！首先係一個疑真疑假ge 出入口拉開拉鏈入去 [超正！] 

入到裡面，頭尾都係有一間秘密房間可以攝出攝入，而中間就係內置ge滑梯 

不過入夜後，一樓平台真係比較暗，加上呢度密閉式的玩樂空間，最後工作人員用了自動感應燈安裝在裡面，有人行過先開燈，有小朋友表示閃下閃下有d驚，魚子醬一於無有怕；不過戶外夜場確實少見，有這些應急的措施已經很不錯 

漸入夜，充氣的超級月亮都慢慢注目了，加上天上真正的超級月亮，拍起照來 相映成趣 

因為要等小巨蛋的出現，我們到了小手工Counter 慢慢坐、慢慢做，有眼鏡、屋仔等可自選，魚子醬選了牧場村莊，親子合力做了個紙板模型，這些都是在家很少接觸的親子活動 

入黑後樂見人流漸多，因為大家都出來晚飯了，超級月亮都愈來愈皎潔~hhahahaha

等到大約八點，小巨蛋終於都完成充氣，嘩~~~我地都係第一次玩呢樣ja，最Surprise係呢個堅抵玩，只需要3張遊戲券，抵玩係因為家長呢3分鐘都可以清楚望到小朋友玩，又可以影到相，高度推介！ 

這些體感光體好似一個個大氣球咁，小朋友係裡面玩倉庫翻，魚子媽都好想玩埋一份！！！ 

今次係黃金海岸ge嘉年華可能檔期比較短，設施無之前咁豐富，不過加了些特別元素之後，其實都好滿足，最重要係！依家ge天氣真係唔玩唔痛快，大家好好享受秋涼吧！ 謝謝公關姐姐的邀請，讓魚子醬可以自由穿梭於彈床之間；

想同志同道合ge家庭遊山玩水的話，都希望 大家多多支持「魚子醬 - 親子玩樂指南 & 親子活動指南 」，不時都會舉辦活動同大家一齊玩！還小孩一個童年好嗎！

We嘩! 充氣嘉年華@黃金海岸
日期及時間 : 上午11時至晚上9時 (2015年9月26 日 - 2015年9月28日)
上午11時至晚上7時 (2015年9月29 日 - 2015年10月4日)
地址 : 黃金海岸商場 (香港黃金海岸青山公路1號)
票價 : HK$10 – HK$80

FB: https://www.facebook.com/WeWaLand
網頁: http://www.wewaland.com/

【遊戲身高限制】
發光太空飄卷：90 cm or above
嘩啦嘩嗱! 撐艇仔：90 - 130 cm (<35 kg)
小丑魚星空漫遊：90 - 140 cm
體感光球 x 小巨蛋：90 - 140 cm
兒童殞石挖掘機：90 - 140 cm (<40 kg)
反斗挖掘樂園：90 - 120 cm
We嘩! 探月火箭：90 - 140 cm

相關文章:

【親子活動】魚子醬玩樂手記 - We嘩充氣嘉年華「小小建築師」主題樂園 盡在愉景新城

魚子醬玩樂手記 - 黃金海岸 Easter Dinoland 充氣嘉年華。盡興燒豬記!