【魚子媽的第一次】A-Plus GentleLase Pro 24mm 的腋下激光脫毛分享 （Vol. I）

向來都極極極少接受「保養自已」的邀約，魚子媽家中現在連粉底都沒有，頂多都只係bb cream走天涯，平日上山下海更加不施半點脂粉；今次A-Plus 公關姐姐問起有無興趣做激光脫毛，因為同Blog的方向大不同，都有猶疑過...

之但係佢講左句「我見你成個夏天都背心短褲周圍去，所以搵你啊」...講中Point咪就係呢d，係有實際需要的情況下，就接受左！有用ge就真係幫到一世 [激光脫毛應該係永久ga嘛? ] 好！黎就黎啦，不過我揀ge部份係 underarm 腋下，我諗大家唔希望上上下網，見住我個加拿大下話，所以無乜相睇ga ja~

A-Plus 係一間強調唔sell package、逐次收費 ge公司，除左脫毛，都有美容瘦身等項目，公司就係尖沙咀最最最旺ge 金馬倫道/加拿芬道十字路口，同座有兩層office，所以去之前問清楚做ge項目係邊層先；出入是要Reception姐姐按制，大堂位置都有幾張梳化、水機、洗手間同糖果一大碗，就算魚子醬係做緊激光ge時候唔入得去，都一定唔會走失 [成碗糖放係隔黎 XD] 不過~~~~雖然做laser只係1,2分鐘ge事，小小豬ge媽咪都好好咁一齊陪我地黎，所以魚子媽都好放心咁入房做療程

如果著背心來的話，其實連袍都可以唔洗換就可以訓上去，不過因為脫毛前幾日就唔可以自已再脫，所以...我接受唔到自已著背心出街lorrrr XD  房內的激光機 GentleLasePro 24mm 內置冷凍系統，可以係做激光ge同時噴出-20度的噴霧，減低溫度與痛楚 [理論上係]

換好袍，訓上床，戴返副護目鏡就可以開始消毒同脫毛ge程序，拿，老實講，我自以為自已都幾忍到痛，亦聽先前做過laser ge朋友話少少痛ga ja。但係，雖然，只係短短十幾廿的秒，但魚子媽真心覺得是這世人最長的十幾秒，而且邊做邊聞到自已d毛毛燒焦的味道，好彩唔係做腳，否則可能起左飛腳！ 不過，一熄機後，痛楚又散得好快，搽埋cream之後就乜事都無發生過咁；治療師謂大約7-10日，毛頭先會慢慢脫落，頭幾日都唔好用剃刀住，免得有疙瘩會損，敏感的話，都已經配埋藥膏可以有需要時使用

治療師話可能因為第一次，比較多毛毛，所以就會痛d，做多幾次，痛楚都會愈少，因為毛毛愈來愈少，大約7-8week後再返黎做，一般4-8次就會脫去大部份；不過要留意 [其實係魚子媽已觸礁] 做前同做後2星期都唔可以曬太陽、去海洋公園呢d全戶外ge地方 [其實已經唔顧得幾多，行出街都好曬] 腋下始終較少接觸陽光，應該影響不大。等我做曬四次療程之後，再同大家詳盡報導；暫時第一次無好明顯ge分別住，之後幾次分享可以留意住 魚子醬 Facebook Page =] 

腋下算是小部份，單價$1000，如果手腳360度脫毛就算是大部位，不時都有組合優惠價；如果有朋友有興趣去A-Plus 脫毛，可以係登記ge時候講魚子媽的會員no.，可享脫毛全單六折 [不限部位及數目]或Facial 護膚療程 全單八折。我的會員號碼 AP-8602 純分享，中間沒有任何利益關係

地址：九龍尖沙咀金馬倫道18號萬勤大廈7樓及16樓

醫學美容：2723 0616 脫毛中心: 27231200

參考連結:

A-Plus Facebook Page