【親子好去處】嘉道理農場「動物全接觸」- 餵騾仔。摸蟒蛇。難得的體驗！

嘉道理農場，其實就算weekend來，都唔會太擠逼，因為地方之大，大到根本無可能一日用腳步行得晒，最逼應該就係每年影櫻花ge時候；車位需要預約，但更多人泊在路邊，每周可見 [會唔會抄牌就自行衡量]，巴士雖然只有64k一條線經，由大埔、錦上路或元朗出發都方便的； 「動物全接觸」這個每月不定時舉行的周末互動環節，魚子醬一家就十個推介！

舉行「動物全接觸」當天，會有四個不同的工作坊，時間上不用重疊，可以全Join~!不過我地全部參加晒，後來都發現有d可以改善ge地方，慢慢講；走上入口的斜路，就是售票處的地方，亦係報Workshop的位置，對大家採取互相信任的方式，自行填上人數，每節的人數限制由20-40人，通常來這裡都會跟親友同行，所以「一組人」可能已佔去4-6個位，想參加就盡早前來填表；當日魚子醬一家大約1030到達，都算是頭1,2位報名的，所以輕鬆可以報晒4節

售票處旁邊有珍貴的穿山甲木製模型 ，但有d穿山甲ge 真鱗片就可以比小朋友摸下

動物全接觸的集合地點，就在入口處的休息位置，而四節的地點都有所不同，因為主題有異。問題黎啦~~騾仔的所在地在高山區，但每次完左在該處解散，結果又每每要步行回到起點集合；如果可以直接在該處集合會更好，但今天所有帶隊的其實都是做義工的年青人，經驗同路線都唔太熟，所以都係讓人家好辦事吧 

第一個環節就係 「騾仔知多d」，係山腳望住條斜路ge時候~問哥哥「要行幾耐」佢ge答案係「呢d野唔好講啦~」hahahah~都知道應該瀨野度甚高~魚子醬一家做開運動就無乜問題，同行的朋友一路上氣唔接下氣話~我們只好在旁邊「加油!努力!加油!努力!」

係騾房外的雞籠，哈哈哈!!堅想笑~~d雞有個遊樂場都算~佢地真係會玩滑梯架！！！ 

叔叔好簡單易明咁講述兩隻騾仔ge背景同工作、習性等，騾仔係驢同馬的後代，大家應該知道了，而基因問題佢地亦唔可以自行繁殖下代；真係唔知今時今日係香港都仲會用騾仔運送物件，當年起昂坪360 ，佢地居功至上，依家就主要係園內運送肥料上落山，減碳排放之餘又可以有適量的運動；不過叔叔話佢地依家都已經比從前好食好住得多，肥返唔少 =] 

女孩子的騾仔叫 Duffy~hahah~叔叔話佢食野斯文好多，所以帶佢出黎見大家，如果男孩子出黎，可能會搞到大家成手口水；係未見到佢地之前，對騾仔ge印象都係好似小馬 Pony咁，但呢個種，算係最大型ge騾，同馬真係差唔多size，但耳仔比較大

全香港就只有嘉道理農場呢度有兩隻騾仔，仲有機會可以親手摸同餵佢地，單係呢個比小朋友認識騾仔的機會，已經值得大家早少少出動，黎參與動物全接觸 

離下一次「猛禽知多d」 仲有近一小時，慢慢落山之餘，都可以順道參觀下其他小徑；竟然係又曬又熱ge環境下，發現到一間低調得如office的 昆蟲館，度門仲要係實木大門 「嘩~~~~~裡邊有冷氣又暗暗地，真係一個重大發現」低調到一個程度係~應該年中都無幾多人入黎，同朋友仔就係度涼夠冷氣先走

BTW其實呢度真係幾好睇，牆上的展品模型和模擬洞穴的設計都做得好好，真係有種陰陰地ge感覺

呢度都唔係全部模型黎ga~真係有d真ge動物係度架，咁大個嘉道理農場唔通整鬼你咩 XD 

每當辦「動物全接觸」ge日子，係農場ge主要通道，都會見到呢d booth，上面展示ge都係珍貴的標本、骨頭、羽毛等等；魚子醬搗蛋的，是野豬ge頭骨！野豬都已經少見多怪，可以摸住佢個頭ge感覺就更怪~~hhahaha

放係面前可以任摸唔嬲ge~仲有貓頭鷹同麻鷹[好似係] ge羽毛！好滑溜好舒服，貓頭鷹仲係比人一種好神秘ge感覺，之後都問過農場ge職員，其實香港野外ge貓頭鷹數量唔少，但因為一來係夜行動物，二來佢地進行到飛得好靜，就算本來佢係你頭頂，佢可以靜到飛走都無聲；呢個就係野生貓頭鷹的優勝之處

Shhhhh... 究竟係乜東東？ 之唔係嘉道理最受歡迎的大白豬，每次黎到都見到呀姨好開心咁餵佢地又同佢地傾計；曾經試過有人問佢「係咪會食左佢？」呀姨即刻反駁「寶貝黎架！養一世架！」

每隻都有唔同ge顏色斑點同性格，係欄前的牌牌圖文並茂咁列出了，所以一定唔會認錯啊

另外，嘉道理農場依山而建，山水不斷，所以，這裡無論是售票處旁還是農場商店內，都有水機無限添飲，不少單車友都會經過補給；遊人又可以係度裝水飲 [記住帶定樽]；商店內每日最受歡迎ge都係農場出產ge雞蛋，魚子醬一家食過，走地雞蛋真係好味d，不過好快就會賣晒；另外都有自家蔬菜、植物盤栽、有機食品等發售

這趟農場之旅，我們上落上落多次，近入口處其實已經有餐廳，這裡屬社企營運的素食餐廳，在這裡也很講求環保，所以沒有飲管提供，餐具也沒有即棄

食物價錢合理的，三四十蚊 飽肚食物，飲品十零蚊，通常在這情況，都係飲比食重要，結論係呢度 pizza幾好食，可以一試，反而每日精選的飯麵雖然碟頭大，不過味道不及小吃；意料不到的是這裡也有highchair提供，一家大細唔怕狼狽

下午的農場，人流漸多，但不成問題，「猛禽知多d」雖然有得睇無得摸 <--明明見之前d相都有得近距離接觸? ANYWAY~大家站在鳥籠前面都聽到不少冷知識，猛禽的特徵除了咀是又彎又尖，爪也是，眼睛銳利得很；下圖右邊的 蛇鵰，眼睛部份的皮膚呈黃色，炯炯有神

雖然無猛禽出黎，都係得頭先擺booth ge羽毛，不過成班小朋友都摸得好開心~hahah~一幅相話比大家聽，五個去農場ge小朋友，五個都有戴帽 [其中一個拎住左]，所以大家黎農場記得帶齊帽、水樽、防蚊同止痕的東東，防曬自便

四個全接觸的環節，相信最吸引、最有號召力的，就是「蟒蛇知多d」！地點極方便，就在地下餐廳旁邊的草地，集合完行過隔黎就到；蟒蛇無毒牙，加上飼養員養開，熟悉習性，大家可以近距離觀摩同摸下肚腩最粗碌的位置，頭頭尾尾就可能相對較敏感

哥哥問起，蛇ge下巴 [好似係] 有幾個窿，有咩作用?? 唔係透氣，而係真正ge紅外線探測器，以周邊溫度判斷獵物的所在地；

其實係大家坐係草地ge時候，一直都有蜜蜂仔係附近盤旋，諗住無乜野ge，但偏偏去到中段，魚子醬發瘋的在Fing手兼大喊，就知道應該係比佢針到了，異常冷靜去處理，見手指側有針，再向姐姐請示，然後魚子醬跟姐姐處理一下傷口，問題不大，反正蜜蜂仔是無毒的，最多只是有部份人會過敏而需要入院；所以我們都不太擔心，還笑言「魚子醬三歲前比其他同齡小朋友體驗到更多唔同ge經歷，包括被蜜蜂針」haha

原本還有第四節「本土動物知多d」係關於野豬、蝙蝠同赤麝，不過見魚子醬情緒有d不穩，就先跟姐姐講聲退出，然後往猴子樂園進發 =] 果然半路上，魚子醬已經忘記了一切傷痛，又同朋友仔大唱大跳；見到活躍ge馬騮更加一掃而空

回程路上反正都順路看野豬，結果又跟團隊相遇 =P 總算四節都參加曬~hahaha

就算無「動物全接觸」的周末，嘉道理農場都係一個好好ge親子好去處，不過有埋呢個互動環節，整日都會好充實！謝謝平常活動不多的朋友陪我們上山又下山，這個周末真愉快！

大家可以留意嘉道理農場的Facebook Page，每月都會有1-2次「動物全接觸」但也會因應天氣而取消，要留意啊！ 也可緊貼 魚子醬 - 親子玩樂指南 的最新動向，除了會有十八區值得到訪的親子活動預告外，都會舉辦不同的親子活動，希望聚合到更多有相同理念，拒絕港孩的家庭，還小孩一個童年

相關文章:

【親子好去處】魚子醬玩樂手記 - 嘉道理農場 - 近距離同野生動物見面