鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

11/03/2015

【畫出好品格】魚子醬的美術課 @ Picasso Creative Arts Gallery

魚子媽好鍾意比小朋友玩Dirty Art,但好唔鍾意善後,小朋友真係可以同你係屋企做到「藝術無界限」,在蝸居玩,應該要抓狂了。而且素材多不勝數,同整西餐一樣,呢度買少少,個度買少少,每樣淨係用一下,分分鐘好似AA膠咁,放到下次用時已經乾到塞,這些經歷過無數次的事情,完全唔符合經濟效益 =.= 

係咪所有人都以為魚子醬唔會上任何課堂?其實我地真係無咁偉大,魚子醬有返過playgroup,有返過學前班,有上過Phonics [個人見解: 乜野都可以唔學,Phonics一定要學,終身受用]  不過每次都係短期性質,見識過就算,或者覺得未係時候,就會停。經常說,魚子醬很幸福吧,媽媽負責戶外課,也可以當他的西樂導師、爸爸可以教他刀槍劍棍龍獅,姨姨可以教他中樂,連婆婆以前都係開畫室的,我們一家的能力都足夠讓他動靜皆能

去年年末曾經到天后的 >>Picasso試堂<<,好記得當時第一堂已經玩藍色牙膏+剃鬚膏,好癲;這裡無論係室內設計、團隊的創意和心思,還有對小朋友的關愛都好好,唔似係單純兒童畫班,而係近似勞作班,每次都用上不同的素材物料去完成作品,正如文首說過,呢d真係你出豉油我出雞,所以決定讓魚子醬重回Picasso Baby-Artist 課堂;比起當時分離仲會喊ge小Baby,依家已經是頭也不回 "Bye~~~" 的小男生


遇著課堂重疊,上課頭10分鐘會混齡玩樂,然後再分組;欣賞她們的小組教學分得很仔細,1.5-2歲、2-2.5歲、2.5-3.5歲、3.5-4.5歲等等,都是獨立上課,家長不用在門口左望右望,因為所有房間都設有cctv,可以安座大堂位置觀察上課情況,也可利用上課時間,到附近喝杯咖啡、掃下小食

草草觀察了魚子醬的第一課,跟同學仔因為年齡相約,頻道相同,早就樂在其中,沒有怯場;而且魚子媽深深覺得他是愛美術課,只係平時更愛跑跳,我們家也沒有無窮無盡的點子,藝術類還是要靠老師們了

最近Picasso的課程以「畫出好品格」為題,在啟發小朋友創意之外,都希望學會德育及良好品格,例如第一課做的是洗手盤,用了很多不同的物料和技巧,小朋友又深深記得要勤洗手,同時又唔可以浪費食水 

山長水又遠,個個星期黎上堂,傻的嗎? 其實我們家有巴士點到點來大坑,都只是一小時正常車程,所以不存在問題;同時,每周可以過一次海,醉翁之意不在酒,更加可以計劃定每星期學完去邊度玩 =P 每次上課前後,魚子醬最愛跳返大堂梳化的波波池,真心讚的設計

執筆之時已經學了一個月,除了珍惜食水,還有製作過眼鏡、手板、腳板,意思係「人地講野ge時候要專注」「說話先要舉手」「要排隊」落堂時姐姐會講解一次,魚子醬回家也有覆述多次,至少證明佢有留心上課;最近一次仲製作左一個垃圾筒,連入面d垃圾都有整,呢一堂ge主題唔洗解釋啦 =P  


呀,仲有一次係整左個好大ge無線咪 XD 唔記得問魚子醬點解~不過每次見到個咪,媽媽都好想食金莎 @@

真係嚴選過,覺得佢地好注重小朋友自我發揮,先決定係Picasso落腳。淨係分齡間距少已經贏晒,時間選擇都多,迎合返am/pm的小朋友。我們上課的是天后分校,正正是電車路旁,大坑入口,好方便,另外係調景嶺同坑口都有分校,已經開校11年,算是一個信心保證吧

魚子醬有75min玩樂時間,媽媽有75分鐘咖啡時間,仲可以plan下每星期出省城的活動,又可以約埋爸爸放工食飯,我們都很滿意現在的生活模式,終於有自己話事食咩玩咩做咩的Family Time。如果大家都有興趣的話,可以上Picasso官網望望 =]

地址: 天后銅鑼灣道百樂商業大廈中心701室
電話: 31888098/31888139

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...