【親子好去處】挪亞方舟 x Mr.Men and Little Miss 童樂聖誕。寧靜靚景公園

很多人覺得馬灣交通不便，其實香港各區都有shuttle bus / 船直達，魚子醬一家很愛這個寧靜又規劃很好好的地方！今年的聖誕，挪亞方舟以Mr.Men and Little Miss為主題，園區內外都有不同的工作坊和玩意，魚子醬顯然都是他們的小粉絲！所以當公關姐姐問起對試玩日有無興趣ge時候，二話不說就答應了！超級充實的一天！

終於有機會一覽這個以1:1興建的挪亞方舟公園，即使在周日也不會逼爆，戶外綠化地方多，加上在方舟觀景的地方，就看著青馬大橋的全海景，絕對可以有下次同下下次 

Mr.Men and Little Miss的小圖書好得小朋友歡心，加上早前麥當當又換過一系統掛飾，對角色都背得滾瓜爛熟了！！！ 

 雖然這裡無疑是基督教之地，但宗教色彩並沒有想像中濃，反而是著重生命教育，以生物多樣性作為主軸

鄰近入口的兒童遊樂場不能錯過，同樣以船為主題的遊樂場，可玩性很高 

最緊要係。無人爭 XD  最近在網上有短片指出香港遊樂場很沒趣，是真的，魚子醬也很少到遊樂場，滑梯幾乎一瀡已經到地。幸好屯門還有值得一訪的 老鼠洲遊樂場！真心推介

今次Mr. Men and Little Miss的童樂聖誕城，由即日起至2016年1月3日逢星期六日及公眾假期舉行。只要自付進場後，除了Cupcake workshop之外，所有遊戲與活動都是免費的！唔洗就住就住！ 園區勝在地方多~輕易就劃出一個全軟墊 馳騁冬日城出來~! 

起初還以為是電動車，但原來是豬仔車，在軟墊上走動，腳短短的魚子醬好無優勢tim XD 不過並唔係任玩咁求其架，真係會有整齊制服的哥哥指示大家路面安全，同埋小朋友要肩負起聖誕老人小助手的任務，送禮物到指定地方 

雖然論論盡盡d，不過真係好可愛！而且加入送禮物呢part，小朋友仲要將車車係停車場泊好再跟斑馬線過馬路，呢d Detail位都令成件事笑料百出，推介推介！ 小朋友只要3歲以上、50kg以下就可以玩 [如果大dd ge哥哥姐姐，唔洗屈係架豬仔車到，大會有大車提供ga ^_^ ]

主題活動停不了，玩到慶，可以返入室內，係方舟裡面有一個日夜反斗大冒險，小朋友可以著住Mr. Bump衫衫幫聖誕老人搵返晒d禮物送比小朋友

日頭就搵返d禮物，夜晚就係送禮物ge時間啦！！！嘩~~~~~雖然只係學校 Playhouse常見的大肌肉教具，但用LED裝飾完，就完全係另外一件事！！！大人小朋友都份外興奮的一Part~相就影得唔多了呢度，不過睇住小朋友係咁ge環境反而仲專心仲投入，小心翼翼咁行就覺得好搞笑 XD  

 在日夜反斗大冒險旁邊的，還有10級推介的泡泡魔幻派對！同樣是進場後就免費參與，睇起成班小朋友由未warm up坐定定等睇戲，到後來哥哥開始玩小泡泡，即刻衝晒出黎！最後每個小朋友都有機會置身超級大泡泡之中，哥哥同每個小朋友都玩左三次大大泡泡，小朋友夠滿足！大人的相機都夠滿足 =p 

短短三個月的上學生涯，魚子醬已經改樂了很多，不怕陌生，主動舉手「我先！我先！我先！」 仲出去拖住埋公仔隻手。還是第一次跟同一群小朋友玩足一整日，看得見朋輩相處的無限好處，這也為父母上了一課 [但暫時我們都很滿意這樣的相處方式，將弟妹計劃擱置了]

坐擁青馬橋無敵大海景，愛藍天的魚子醬一家趁午飯時間就通處走，來到方舟的末端，景色絕佳的觀景台，好好做下光合作用 XXD

雖然笑瞇瞇廚藝學堂須要另加$50，但其中當中除了包括食材之外，還有紫色有斑馬公仔的靚靚圍裙同廚師帽，老實講係街買套都唔止；此工作坊只要11歲以下就可以跟爸媽一起參加，蛋糕是預製好的，大廚會示範點樣用杏仁膏製作成葉片，小朋友再憑自已的創意製作聖誕樹Cupcsake，最後加埋Mr Men and Little Miss牌牌，大功告成！

此行最難得的，應該是可以跟前香港排名第一兼亞運代表阮浩然哥哥學劍擊，小朋友們穿起制服都份外sharp醒！其實出面真係唔多見三歲就學得ge 劍擊 [淨係係Ludus Club見過] 或多或少都因為帶危險性，但帶小朋友來上一節體驗課就可以了！只要三歲以上就可以參加，同樣費用全免！ 

小朋友們先用劍控制膠圈在地面走動，讓手部肌肉習慣，及後就可以利用小朋友的練習劍跟姐姐哥哥上課；不過試玩當日可能時間有點緊逼而且小朋友都偏細，所以哥哥姐姐用左另一個更好玩ge方法練習，就係「埋身肉搏」XD 當姐姐一話「隨便用力打我啦！」見到個個小朋友即刻扮勢準備打拳，家長們企係側邊真係笑到傻左 ~hahahahaha 以為魚子醬細細粒未必打到得分，但拳拳到肉，好快就打滿一局，而他的自信心都明顯增強，好可愛呀你地！

玩完花劍，為這身難得的裝扮留影，記住一定一定要參加啊！[留意活動於1月1日會暫停]

同劍擊同層的，還有這個爆笑合拍區，小朋友可以選擇Little Miss Sunshine / Mr. Bump的裝扮來影相，地方雖然唔大，不過影出黎都幾靚 =]

完成Mr. Men and Little Miss 的任務後，其實大家都繼續可以係園區內自由活動，二樓的 珍愛地球館，是靜態兼教育味濃的一個展館，但如果細心在這裡走一圈，真心長知識，由地球的結構、氣候、文化到動物植物，無一不談，互動位也多

而主要的方舟展覽館，除了園內處處皆是的動物模型外，這裡也有不少真ge動物，例如大咀鳥、愛情鳥等等；另外又有電影劇場、古物及化石展出等，宗教色彩真係唔會好濃，反而讓大眾好有興趣細心欣賞

一整幅小動物的展覽場，由蜘蛛、青蛙到蛇都有，是整個展館我們最著迷的地方

來這些展覽館，經常生怕小朋友無耐性會大吵大罵？ 這裡有超多互動的遊戲適合小朋友參與，他們都會超enjoy~~~~

方舟花園雖然不是真正的動物園，但可以在這裡再一次看到當時一對對動物在災後重新踏

上陸地的壯觀場面，加上當日正好藍天白雲，發覺自已真的愛上這寧靜的地方

再一次感謝挪亞方舟團隊的邀請，還有藍天白雲與好朋友們相伴，魚子爸已答應遲ｄ可以訂呢間酒店住，因為馬灣仲有好多地方未去過。大家快ｄ趁聖誕前過黎同Mr. Men and Little Miss 玩左先啦！

參考連結: 

http://www.noahsark.com.hk/tra/index.jsp