【親子好去處】小朋友都可以齊齊走入金管局！從遊戲中學習金融小知識 [同場贈送IFC 55樓醉人景色] #展區現已翻新。歡迎參閱新文章#

#資料中心展區現已翻新。請參閱新文章#

http://www.megansoso.com/2018/10/ifc-kids-friendly.html

去年11月的時候，同大家分享過，小朋友星期一到星期七，都可以大搖大擺入立法會睇圖書聽故仔！而大家又知唔知道，其實金管局在每天的working hour都可以免費比廣大市民、遊客參觀，位於IFC 55樓的金管局資訊中心，坐擁無敵靚景，一邊是太平山頂的好風光，另一邊就可以遠眺西區的臨海景色，睇日落真係一流 XD

說回正題，金管局資訊中心並無年齡限制，人人都可以參觀，推BB車都無問題，開放時間為Mon - Fri 1000-1800 ; SAT 1000-1300，而星期日及假期是休息的。所有參觀者都要由IFC二期地下進入，大家可以進入商場後，在面向Apple Store 大門左手邊的升降機，落到G/F，一出門已看到金管局的入口。要是從碼頭方向前來的話，簡單經馬路前來亦可

在地下大堂的櫃台登記 [需要身份證] 就可帶著Visitor Pass乘搭升降機直上55樓，一下子小朋友耳仔可能要有d痛，飲啖水食粒糖就解決晒 =]

其實資訊中心自2003年已經開放予公眾參觀，反而是遊客比較熟悉這裡，遊人不少，也有中學來參觀，但這裡除了有靚景外，其實展品、資料都很實用兼有趣，魚子醬也樂在其中

一大幅展板就說明了香港自18xx年開埠以來的金融發展，對歷史興趣就真係不大了，或者館方都知道呢點，所以都用左好多生動的表達，最後魚子媽由開埠初期，一直看到現今的金融制度！當中有不少有趣的冷知識，跟大家分享分享。

原來四十年前，美金只係1兌5，拿魚子媽真係未出世 XD 所以對我黎講好新鮮

另一樣好有趣ge係「購買力」的對比，在開埠初期，1毫子已經足夠買到100份早餐，10蚊買到1000呎大宅！！！

短短半個世紀，一毫子已經淨係買到一份早餐luuuu~

到左四五十年代，一毫子又得返半份早餐，同時日佔時間也以軍票代替一切，非常苛刻，千幾銀港幣先買得一斤米，唉~~到左1980年，1000蚊紙已經流通市面，證明貨幣流通愈唔見洗，一毫子已經買唔到早餐，淨係夠寄一封信；到左2016年，一毫子~~好似已經唔係錢咁，好多舖都拒收，太可惡，一毫子都係錢呀嘛~~~金管局甚至要出動 收硬幣ge車，等大家換返d錢入八達通，可見金融體制同科技同步迅速發展

除左文字的展板，中心都有兩部互動遊戲的電腦，當中包括了電子支票、網上購物的保安等等，莫講話小朋友係遊戲中學習，魚子媽今趟都學左唔少野，因為接收的都是實用的資訊。

一邊睇金融，一邊嘆靚景，sor sor sor我都知今篇文好似不停提個景 XD 但真係好難忍嘛~~~~

冷知識多的是，我地由一樣銀紙ge 紙，點樣製造，到一樣白紙般ge紙點樣印到凹凸又七彩又鐳射，真係學到好多野！真心真心真心

防偽特徵人人都要識，簡單易明的表達方法，一按就清楚晒啦！

視障人士如何分辨紙幣面值？原來佢地係有一個 量鈔器，只要對摺那銀紙就知幾錢，好方便

在中間位置的Display櫃，展出了咁多年唔同發鈔銀行，黎轉過唔同版本ge鈔票，例如中銀喜歡用建築的，匯豐又偏好用節日來做背景等等，大家有無細心留意過鈔票上的背景圖案？

自「青蟹」絕跡後，大家都要接受膠製的$10紙，呢度都好清楚話到大家聽一張塑膠鈔票的製造過程和回收後發生的事，魚子醬出奇地有興趣係呢一Part，可能佢成日都接觸到張10蚊紙去買野食 ~HAHAHAHA

大家係呢度仲可以超近距離望到真鈔偽鈔的分別，原來拼埋一齊睇ge時候，就覺得真係高下立見！不過依家d偽鈔有時都真係超超超真，大家要小心啊

好啦又係講景啦 XD 好明顯擺晒凳係度，根本係一個絕佳的觀景位啦！不過因為玻璃係濾光減光的，所以唔可以見到100%藍天白雲，不過摩天大廈也要照顧上班的員工ge~但真係靚ga~!! 而且星期一至六都免費wo~~~可以上到IFC 55樓 wo ~~~~~ 好過無啦~~yeah!

場內仲展出了12生肖紀念幣的模型，死火~點解魚子媽唔知有出過呢d野~不過12個都好靚wo真係~

資訊中心除左介紹金管局的職能、香港貨幣的演化、專題展覽和歷史以外，其實仲有圖書館收藏唔少關於央行、貨幣和金融體系的書藉，進入圖書館前要先跟門前服務櫃的職員登記 [當然我地無入到去 ] 而每日其實都有公眾可即場參與的導賞，分別為平日的1430以及周末 1030，每次15人為限，只需在導賞開始前15分鐘登記即可

想不到這裡也有不少紀念品，而且價錢合理，紙鎮都只係HKD100，魚子醬見到d碎晒ge銀紙超興奮 XD [我完全明白個種感覺，我諗每個人都想試一次撕爛晒d錢 XXXDDDDD] 亦都因為所有面值貨幣的產品都係均一價~$1000, $500 肯定最快沽清，嘩哈哈！唔好蝕唔好蝕

而匙扣呢d都只係HKD60，真心化算，可以買來留念

可以進入IFC Office其實已經夠威返次，仲要上到去真係好鬼靚景，又可以見識到印銀紙的過程等等等，一舉兩得啊！會再黎啊一定 [睇風景都好呀 HAHA] 

金管局資訊中心
開放時間
星期一至五 上午10:00 - 下午6:00
星期六 上午10:00 - 下午1:00
星期日及公眾假期休息
（休館前二十分鐘停止入場）
***免費入場

公眾導賞服務
展覽館於下列時間為一般訪客提供導賞服務（需時30分鐘）：
星期一至五 下午2:30
星期六 上午10:30

官網: http://www.hkma.gov.hk/chi/about-the-hkma/hkma-information-centre/hkma-information-centre.shtml

#資料中心展區現已翻新。請參閱新文章#

http://www.megansoso.com/2018/10/ifc-kids-friendly.html